الموضوع: اقتراح لتكريم الشهداء

كلام جميل يا دكتور محمد و اقتراح سارة كمان جميل جدا ، ربنا يرحم شهدائنا جميعا و يجزيهم أحسن الجزاء

لكن نتمنى الأول ربنا يسترها مع الشباب فى التحرير حاليا

و المعتقلين منهم منذ 25 يناير حتى الأن حتى لا يزيد عدد الشهداء و الجرحى

و خاصة إن وزير الداخلية الجديد كان مسئول عن السجون و ما أدراك ما السجون و المعتقلات و ما يحدث بها

أدعوا لهم ربنا يحفظهم و يفك أسر المعتقلين و يلغى قانون الطوارئ أولا

-------------------------------------------------------------------------------

سؤال جانبى : نفهم من كلامك إنك مدرس فى كلية الحقوق يا دكتور ؟

محاكمة وزير الداخلية السابق على جرائمه هو وكل من اشترك معه في تنفيذ هذه الجرائم

حبيب العادلي ليس إلا عبداً مأموراً ... زي ما قال يوسف والي "إحنا موظفين عند الريس" يعني الوزراء مجرد أداة لتنفيذ التعليمات والأوامر والتوجيهات ... وأي وزير قبل ما يدلي بتصريح بيسبقه بعبارة بناءً على توجيهات سيادة الرئيس... إذاً الرئيس هو المسئول الأول عن جرائم القتل العمد اللى حصلت. هو مين اللى اختار حبيب العادلي وزير داخلية ومين اللى كان متمسك بيه بالرغم من الانتهاكات الجسيمة اللى حصلت في عهده. ومين اللى عين أحمد عز أمين للتنظيم في الحزب الوطني ... ومين اللى اختار نظيف رئيس للوزراء وكان بيمدله بالرغم من الكوارث اللى حصلت في عهده زي بطالة وفقر وأمراض وفساد واستبداد ... إلخ.
الرئيس أولاً ثم حاشيته هم المسئولين مسئولية كامله عن كل المصايب والكوارث التى دفعت المصريين للحراك والثورة ضد الفساد والاستبداد والقمع والظلم والبطالة ..............إلخ