الموضوع: مؤشر الحرارة

بعد صيانة ال 30 الف مؤشر الحرارة مش مظبوط.... بعد ما يوصل الى المستوى الطبيعى 4 شرط ينزل الى شرطتين وممكن يرتفع تانى الى 4 شرط .. وفى بعض الاحيان يثبت على شرطتين فقط مهما طالت المسافة ولما ابطل العربية واشغالها الاقى المؤشر رجع ل4 شرط ممكن حد يقولى المشكلة فين وهل ممكن انا اصلحة لا عشان الظروف الحالية مش هينفع اروح للصيانة .. ارجو المساعدة

المشاركة الأصلية كتبت بواسطة mostafabakry

يا جماعة انا ملاحظ ان الحرارة عندي بتوصل ل 4 شرط بعد ما بدور العربية الصبح و اسيبها تسخن كام دقيقة و لما بطلع بيها و امشي في طريق سريع بلاحظ ان الحرارة نزلت من 4 شرط ل شرطتين
انا متخيل ان دا حاجة طبيعية لأن العربية لما بتمشي و سرعتها بتزيد بيكونالهواء المقابل ليها بارد و بيخلي حرارة الموتورتنزل عن الحد الطبيعي و بدليل اني لما بقف بالعربية في كمين او في اشرة و الوقفة تطول الحرارة بترفع ل 4 شرط من تاني

انا مش حاسس اني عندي مشكلة خصوصا انها ظهرت في الشتا بس و خصوصا في الأيام اللي فيها سقعه شوية

عموما انا خلا ص هعمل صيانة ال 60 الف و هكتبها كملاحظة في امر الشغل تحسبا لأي تطورات لا قدر الله

انا رابط الموضوع زيك كده فعلا يعني لما العربية بتبقي ماشية بسرعة دايما بتبقي درجة الحرارة شرطتين!
ولما بمشي ببطئ او بتقف بالكامل بترجع درجة الحرارة الي 4 شروط !
الموضوع حصل معايا عند صيانة الـ20000 وتم الشكوي في التوكيل وتم تغيير السنسور واتحلت المشكلة
دلوقتي انا عامل 30000 والمشكلة رجعت تاني وانا مكنش عندي وقت عشان اروح اغيره تاني لكن متابع المياه كل شوية لحد مافضي وابقي اروح اقولهم ايه حل المشكلة دي ؟؟؟
ولا ده امر عادي والموضوع يعتبر ميزة من مميزات العربية لمقاومة درجة حرارة البلد هنا ؟!؟!؟!؟!؟!؟!