الموضوع: علشان تعرفوا بس نية النظام السوودة

السلام عليكم ورحمة الله وبركاته

بعد ما سمعت خطاب الرئيس الأخير ، الصراحة أنا أيدته وقلت كفاية كده لأن كده خدنا مطالبنا وخلاص ... والصراحة قعدت أقول للناس اللي في التحرير دول عايزين ايه بالظبط ، كفاية كده خليهم يروحوا بيوتهم... بس لما لقيت حوار مجزرة الأربعاء ، اتلخطبت واتشتت وفيوزات مخي فعلا ضربت من كتر التفكير ...

والآن تيقنت 100% إن فعلا عمر ما كان الذئب راعي للغنم في يوم من الأيام ... إليكم تفاصيل هذه القصة:

طبعا كعادة أي منطقة واقفين لجان شعبية في الشارع أمام قسم أول مدينة نصر .. بالنسبة لي أنا واقف بحمي المنطقة من جوا وناس صحابي واقفين بره على لجان في الشوارع قدام أول شارع مكرم عبيد وكان واقف معاهم أمين شرطة أو ظابط مش فاكر ... جه ميكروباص سوزوكي (الصغير) محمل ناس وبيسألوا على الرخص والبطايق ... صاحبي لقى رخصة العربية مش باسم السواق ونده أمين الشرطة .. أمين الشرطة سألهم سؤال: "انتوا مؤيدين ولا معارضين؟" ردوا: "معارضين يا باشا" ، راح مكلم ظابط في اللاسلكي ، قال له معايا جماعة إخوان هنا تعالوا بسرعة... صحابي كلهم قاموا على أمين الشرطة ده وكانوا هيتخانقوا معاه ، وقال لهم خلاص خلاص خليهم يمشوا...

علشان تعرفوا بس ، إن العالم دي هترجع أوسخ مما كانت عليه لو لا قدر الله الناس دي رجعت من التحرير ، وهنتمنى الأيام اللي قبل الثورة ترجع تاني"

حسبي الله ونعم الوكيل

المشاركة الأصلية كتبت بواسطة heshamzaky

هيبة الدولة لها كذا منظور غير موضوع المظاهرات و الصراعات الداخلية بالبلدى كدة أنت مش شايف ألا الداخلية فقط . الامن القومى يعنى المخابرات العامة المصرية لها دور و ثقل لابد من احترامها و الناس اكيد عاوزة تشوف شغلها دة فى الجيش فية حاجة أسمها نسبة الفاقد

ماكنتش اعرف انى سطحى اوى كده

اللى هرب ووصل غزه ده شأن مخابراتى طبعا

بس مش ديه النقطه
النقطه ان المخابرات والجيش مش من المفترض ان هيه جهات تتاثر بالحاكم
ديه مؤسسات ااحفاظ على الوطن ودرء الاعتداء الخارجى
ايه علاقه ده باختيار رئيس اخر
يجب تحرير مصر من الاسلوب ان فرد واحد لازم هو اللى يمسك كل الخيوط

احنا بس نقول مؤسسات ولما ييجى اختبار حقيقى نقول لا فرد