استفسار هام لخبراء الصوتيات

**beshomilan** · 07-02-2011 02:56 AM

ليا استفسارات بعد اذنكم

الاول..انا كنت مشترى كاسيت وولف هو بفلاشة وكارت ميمورى وعندى سماعات كينوود بس مش عارف كام وات (اشتريت العربية بيهم) المهم السماعات لما بعلى بلاقى الصوت قطع ولما ارجع اوطى تشتغل عادى..فالعيب هنا من ايه؟؟؟

التانى..انا عايز سماعات كويسة تشتغل على الكاسيت ده واقدر اسمع صوت نقى ومحترم بس مش محتاج دب جامد ودوشة رهيبة..يعنى حاجة 400 وات معقولة ولا ايه رايكو؟؟؟
وتكون سونى اكسبلود ولا بايونير والاسعار اهم حاجة واجبهم منين؟؟

وكمان لما اجى اركب الجديد اشيل القديم ده خالص ولا اخليه يشتغل معاهم ولا هيبوظ الصوت؟؟

معلش انا اسف للاطالة

**Salamonti** · 07-02-2011 03:22 AM

غالبا ممكن تكون دائرة بروتكشن في الكاسيت بسبب تعلية الصوت زيادة عن اللازم

ده مجرد اعتقاد والله اعلم

التصنيف الفعلي لا يمكن ان يتم الا عن طريق معاينة واقعية

**alaakamal** · 07-02-2011 04:14 AM

حضرتك ممكن تجيب سماعات بايونير 300 وات حتبقى كويسة اوى للمواصفات اللى حضرتك عايز الصوت بيها

بالنسبة للقديمة تشلها احسن عشان متبوظش نقاء الصوت

و بالنسبة للمكان تجيبها من التوفيقية احسن مكان و بالذات من عند واحد اسمه " ارخصهم "

انا مش عارف الاسعار اوى يعنى بس قول 300 مثلا او اقل

**beshomilan** · 07-02-2011 05:45 AM

اشكركم لردودكم بس انا سمعت ان ممكن يكون فى مشكلة فى الكابلات وفحاجة اسمها الارضى هى اللى بتعمل تقطيع..والله اعلم

بس كده مفكرش فسماعات 400 وات لانها مش مناسبة للكاسيت؟؟؟
والسونى اكسبلود اصرف نظر عنها؟؟
وياترى ايه السماعات البعيده عن الصينى ولا كله صينى؟؟؟

متشكر كتير يا اخواتى

**alaakamal** · 07-02-2011 10:34 AM

شوف حضرتك انا ممكن افيدك فى الانواع و كده بس التركيب ده الاحسن حد تانى من الاعضاء الخبراء يكلموك فيه عشان انا مش بحب افتى و خلاص

بالنسبة للسماعات عندك بيونيير و كينوود ولا ثالث لهما ( ده فى رأيى الشخصى طبعا ) الاكسبلود مش حلو

البيونيير تايلندى و الكينوود اندونيسى

تمام كده , حضرتك قلت عايز صوت نقى و محترم مش عايز صوت عالى و كده يعنى اعتقد ال 300 حتبقى كويسة اوى بالنسبالك

بالنسبة للكاسيت انا مش عارفه الصراحة بس لو حضرتك تقولى خرجه كام و نشوف

**beetleMOSH** · 08-02-2011 01:34 AM

بالنسبه للسماعات
البايونيير ال 300 وات ب 190 جنيه فى التوفيقيه
و اعتقد فعلا انها هاتبقى مناسبه مع الكاسيت
و سواء استقريت على بايونيير او اى نوع
ف حاول تجيب وات قليل عشان تستفيد بيها كويس
طالما مش هاتركب جى ام

بالنسبه للكاسيت
انا مش متاكد اوى بصراحه
بس ممكن يكون حاجه فى الدينامو او البطاريه
لان كان نفس المشكله دى عند واحد صاحبى
والله اعلم برضه

و خليك فى السماعات الجديده لوحدها افضل

**beshomilan** · 08-02-2011 02:06 AM

شكرا يا اخواتى على ردودكم ومساعدتى

**Akram** · 12-02-2011 12:04 AM

كنت عايز أعرف معلومات عن الكاسيت ده :

أولاً بالنسبة للتعامل مع الملفات ,

هل ممكن التحكم في الإنتقال بين الملفات و الفهارس بسهولة ,

لو مشغل ملف كبير و بطلت العربية و أعدت تشغيلها تاني ,

هل بيبدأ من نفس المكان و لا من أول الملف و لا بيعمل ايه ,

و اخبار الراديو ايه

و بالنسبة للسعر كام و منين و هل يوجد ضمان ,

.

**beshomilan** · 13-02-2011 02:56 AM

هو انا مش عارف اجيب الخرج ده منين انا معايا الكتالوج بس مش فاهم منه اى حاجة فياريت تحددولى اللى اجيبه اسمه ايه

وبالنسبة للاستاذ اكرم الكاسيت ممكن تقدم وترجع الاغنية بسهولة جدا ولو بطلت العربية وشغلتها بيشغل اخر اغنية كنت مشغلها والراديو كويس بس مستعملتهوش كتير الصراحة والسعر كان 150 جنيه و10 تركيب وله ضمان سنة ومكتوب انه صناعة مصرى وكان من محل اسمه سونستا فشارع شبرا بجوار كشرى عرفة عند خلوصى

**Akram** · 13-02-2011 04:22 PM

المشاركة الأصلية كتبت بواسطة beshomilan

وبالنسبة للاستاذ اكرم الكاسيت ممكن تقدم وترجع الاغنية بسهولة جدا ولو بطلت العربية وشغلتها بيشغل اخر اغنية كنت مشغلها والراديو كويس بس مستعملتهوش كتير الصراحة والسعر كان 150 جنيه و10 تركيب وله ضمان سنة ومكتوب انه صناعة مصرى وكان من محل اسمه سونستا فشارع شبرا بجوار كشرى عرفة عند خلوصى

الف شكر

الموضوع: استفسار هام لخبراء الصوتيات

LinkBack

أدوات الموضوع

عرض

-

-

-

-

المواضيع المتشابهه

لخبراء قسم الصوتيات

سؤال لخبراء الصوتيات ....

لخبراء الصوتيات ضروري !!!

سؤال لخبراء الصوتيات ....

لخبراء الصوتيات

الكلمات الدلالية لهذا الموضوع

المفضلات

المفضلات

ضوابط المشاركة