القائد الاعلى للقوات المسلحة حيبقى مين ؟

**misoalex** · 07-02-2011 08:05 AM

من عجائب النظام الحالى انه كل حاجه فى 1

مش خطول عليكم واقول ايه كل حاجه دول بس يهمنى منها 2

1- مين حيبقى القائد الاعلى للقوات المسلحه

الراجل كتر خيره حيتنازل عن الرئاسه لكن الوظيفه فى الجيش حتنتقل لمين للرئيس الجديد ولالالالالالالالا يبقى الحال على ما هو عليه ويظل القائد الاعلى للقوات المسلحه

2- مين حيبقى رئيس الحزب الوطنى

لحد دلوقتى موقف الرئيس مش واضح من ناحيه الحزب
مهو لو استمر الوضع كما هو عليه يبقى ايه النظام

ممكن حد يوضح النقطتين دول

**Ralliart** · 07-02-2011 08:18 AM

رئيس الجمهورية هو القائد الأعلى للقوات المسلحة
دول مش وظيفتين منفصلين
موضوع الحزب الفاسد ده غريب مش عارف هيرشح مين من بلاويه للرئاسه وهتفضل فيه العادة بتاعت لم الناس من المصانع ورشوة الناس علشان ينتخبوهم
ولو الرئيس عايز يستريح زي ما بيقول يبقى احسن وقت لاستقالته من الحزب هو الوقت ده لانه هيهدي الناس وهيخلي البلطجيه والمنافقين يخرسو شويه

**misoalex** · 07-02-2011 10:03 PM

المشاركة الأصلية كتبت بواسطة ralliart

رئيس الجمهورية هو القائد الأعلى للقوات المسلحة
دول مش وظيفتين منفصلين
موضوع الحزب الفاسد ده غريب مش عارف هيرشح مين من بلاويه للرئاسه وهتفضل فيه العادة بتاعت لم الناس من المصانع ورشوة الناس علشان ينتخبوهم
ولو الرئيس عايز يستريح زي ما بيقول يبقى احسن وقت لاستقالته من الحزب هو الوقت ده لانه هيهدي الناس وهيخلي البلطجيه والمنافقين يخرسو شويه

طيب يعنى هو الدستور الى بيحق ليه انه يكون رئيس الجمهوريه القائد الاعلى للقوات المسلخه
ولا عشان هو كان نائب السادات وكان راجل جيش فبقى القائد الاعلى ورئيس الجمهوريه

يعنى دلوقتى نفترض ان لا قدر الله الرئيس الى جاى ده مش من الجيش زى عمر موسى مثلا
هل سيحق له ان يكون رجل الجيش الاول والقائد

اعذرو جهلى فى الحته دى اصل انا من الجيل الى نزل لقى مبارك هو الى ادامه

**AkramArafa** · 07-02-2011 10:07 PM

انا

**Ralliart** · 07-02-2011 10:30 PM

المشاركة الأصلية كتبت بواسطة misoalex

طيب يعنى هو الدستور الى بيحق ليه انه يكون رئيس الجمهوريه القائد الاعلى للقوات المسلخه
ولا عشان هو كان نائب السادات وكان راجل جيش فبقى القائد الاعلى ورئيس الجمهوريه

يعنى دلوقتى نفترض ان لا قدر الله الرئيس الى جاى ده مش من الجيش زى عمر موسى مثلا
هل سيحق له ان يكون رجل الجيش الاول والقائد

اعذرو جهلى فى الحته دى اصل انا من الجيل الى نزل لقى مبارك هو الى ادامه

الرئيس حتى لو مدني هو القائد الأعلى للقوات المسلحة
يعني اوباما في امريكا وهو مدني هو قائد الجيش ومش لازم يكون خبراته العسكرية كتير لان في تحتيه قائد عام ورئيس أركان بيفهمو في الحاجات دي وفي الآخر بيرجعوله في الرأي
وانا كمان من الجيل اللي مشافش غير الريس ويا رب مموتش وهو موجود

**misoalex** · 07-02-2011 11:01 PM

المشاركة الأصلية كتبت بواسطة ralliart

الرئيس حتى لو مدني هو القائد الأعلى للقوات المسلحة
يعني اوباما في امريكا وهو مدني هو قائد الجيش ومش لازم يكون خبراته العسكرية كتير لان في تحتيه قائد عام ورئيس أركان بيفهمو في الحاجات دي وفي الآخر بيرجعوله في الرأي
وانا كمان من الجيل اللي مشافش غير الريس ويا رب مموتش وهو موجود

تمام يعنى ده لقب بس مش وظيفه عى اساس انه رجل حرب وجيش

وبعدين انا عمرى مسمعت حد قال اوباما القائد الاعلى للقوات المسلحه او للجيش فى امريكا لكن عندنا بتتقال على طول

عشان كده اخطلت عليا الامر وكنت عاوز افهم

وتخيل يعنى انا اتولدت ولقيت مبارك وابنى كمان اتولد ولقى مبارك
مش عارف ايه نظام احفادى يا ترا حيلاقو برضه ولا عفريته حيمسك بداله