صوت هيجنني

**toreador** · 18-02-2011 02:58 AM

الصوت اللى عندى قدام غريب جدا لانة اول ما بدوس على طوبة او اى حاجة عالية او واطية بحس انها خبطت فى رجلى اللى على دواسة الدبرياش ..واللة بتخض الخبطة كلها بتيجى فى رجلى وكل لما اروح التوكيل بالحكاية دى المهندس يضحك

**mangere90** · 18-02-2011 02:06 PM

المشاركة الأصلية كتبت بواسطة prohossam

السلام عليكم
يارب يكون كل البروتوناوية بخير

ياجماعة انا عندي صوت هيجنني بجد والله او تقريبا اتجننت خلاص

الصوت دا بيظهر في الجنب الايمن الخلفي لما مثلا باجي على نقرة او جزء نازل في الارض لتحت
لو مثلا كنت ماشي بسرعة شوية الصوت دا بيظهر شديد
وهو عبارة عن خبطة كدة

سالت الغد كذا مرة ابلغوني ان السبب في الموضوع دا مسمار الكرسي الوراني لازم يتحط عليه شيكارتون وتم
ولكن بلا فائدة ، الصوت مازال موجود

ياريت الله يخليكم تفيدوني لانه مزعج جدا بالنسبة لي

شكرا

السلام عليكم ورحمة الله وبركاته

بص ياباشا كان عندي المشكله دي قبل كده وحلتها بفضل الله , انا قولت قبل كده في التوكيل كذا مره
وبرده ماكنش في حل , الموضوع كله مش هتصدق شوية نظافه , اتبع الخطوات :-

1 - هتفك العجله الخلفيه اللي من عندها بيطلع الصوت
2 - هتجيب جردل مياه و اسفنجه وصابون سايل ( بريل )
3 - وهتجيب علبة w40 وهو بخاخ مزيل صدي وعليه زيت.
4- وفوطه ناشفه وجاركن مياه نظيفه للشطف .

بعد مانفك العجله هنبتدي نغسل المناولات والمساعد بالياي وكل الجلب كويس جدا جدا وبعد كده
نترك الصابون شويه وبعدين نكرر الغسيل مره تانيه وبعد كده نبتدي نشطف كل الصابون كويس
وبعد كده ننشف بالفوطه علي قد ما نقدر , وبعد كده نجيب w40 ونرش علي كل الجلب اللي في
المقص و المناولات كلها وياريت تنزل تحت العربيه بدواسه علشان في جلب مش هاتشوفها الا
لما تنزل تحت العربيه , وبعد كده ركب العجله زي ماكانت وان شاء الله يروح الصوت

وابقي طمني

**AHMED1718** · 18-02-2011 06:17 PM

المشاركة الأصلية كتبت بواسطة mangere90

السلام عليكم ورحمة الله وبركاته

بص ياباشا كان عندي المشكله دي قبل كده وحلتها بفضل الله , انا قولت قبل كده في التوكيل كذا مره
وبرده ماكنش في حل , الموضوع كله مش هتصدق شوية نظافه , اتبع الخطوات :-

1 - هتفك العجله الخلفيه اللي من عندها بيطلع الصوت
2 - هتجيب جردل مياه و اسفنجه وصابون سايل ( بريل )
3 - وهتجيب علبة w40 وهو بخاخ مزيل صدي وعليه زيت.
4- وفوطه ناشفه وجاركن مياه نظيفه للشطف .

بعد مانفك العجله هنبتدي نغسل المناولات والمساعد بالياي وكل الجلب كويس جدا جدا وبعد كده
نترك الصابون شويه وبعدين نكرر الغسيل مره تانيه وبعد كده نبتدي نشطف كل الصابون كويس
وبعد كده ننشف بالفوطه علي قد ما نقدر , وبعد كده نجيب w40 ونرش علي كل الجلب اللي في
المقص و المناولات كلها وياريت تنزل تحت العربيه بدواسه علشان في جلب مش هاتشوفها الا
لما تنزل تحت العربيه , وبعد كده ركب العجله زي ماكانت وان شاء الله يروح الصوت

وابقي طمني

جلب ايه اللى يتحط عليها مزيل صدأ حرام عليك الجلب دى لما بيتحط عليها w 40 بتنشف وبتبوظ

**mangere90** · 19-02-2011 04:51 PM

السلام عليكم ورحمة الله وبركاته

حققو عليا انا اسف اني افيد حد تاني , ياعني انا اسيت من نفس الموضوع فكرك حضارتكم
انني بعد ماروحت التوكيل 7 : 10 مرات بسبب الموضوع ده وروحت وغسلت كذا مره ومافيش
فايده وبعدين ازاي w40 هينشف الجلب وهو عليه زيت اصلا ,

علي العموم انا كنت كتبت التجربه ديه قبل مايقف الموقع اخر مره و المواضيع القديمه تروح
وكانت اعضاء زي حضراتكم كده كانو هبيعيو العربيه بسبب المشكله دي من غير مبالغه
ولما جربو راحت والحمدلله ,

علي العموم انا اسف جدا اننا شاركت في الموضوع اصلا

**prohossam** · 21-02-2011 01:24 AM

انا شاكر جدا لكل الناس اللي ردت وحاولت تساعد
استاذ محمد عبد المجيد : للاسف انا بصراحة بقلق اودي عربيتي لأي عفشجي مش بحب حد يلعب
Nistelroy : اه هو دا نفس الصوت بالضبط وهتجنن واعرف ايه الصوت دا
das1328 : لا انا الصوت عندي بيظهر في العجلة اليمين الورانية وصوت مزعج وبشع

mangere90 : اولا انا شاكر جدا لحضرتك على افادتك بس المشكلة اني للاسف مش هقدر افك واربط بصراحة المفروض التوكيل يكون عنده حل ومش عارف معتقدش ان الموضوع نضافة الصوت فظيع واتمنى حضرتك متزعلش احنا بنتبادل اراء بس

ياريت يا جماعة الله يكرمكم حد يشوفلنا حل ..
لان بحس اني ساذج لما بروح التوكيل واقولهم على المشكلة دي .. يقولولي لا لا مش بيظهر فين الصوت دا ؟ وكاني مثلا بكدب عليهم او بحلم اني راكب جين تو

**RedBull_30** · 21-02-2011 02:15 AM

انا كان عندي نفس الصوت اللي تقريبا انت بتحكي عليه بس انا مستبعد فكرة انه بيجي من الكنبة و كان الصوت بيبقى واضح اوي خصوصا لو مثلا في واحد قاعد ورا وبالصدفة انت اخدت مطب هوا او نزلت من على مطب بسرعه .. حصل معايا كذا مرة وشكيت في المساعد الخلفي يمين وقولت هياخد وقته وغيره.. وجه الوقت اللي غيرت فيه كاوتشات العربية وكانت العربية عندي محتاجة ضبط زوايا لانها كانت بتحدف يمين وبعد ما زبط الزوايا الصوت ده انتهى تماما .. لو بتشتكي من اي حدفة في زواية عربيتك حاول تراجعها ويا رب يكون ده السبب

بخصوص تليين جلب العفشة ليها اسبريهات مخصوصه غير سبراي wd-40 الخاص بالمعادن فقط

**shakshak2011** · 21-02-2011 05:28 PM

يا جماعه هو عيب علبة الدركسيون بيظهر لما تمشى على طريق مش ممهد كويس .. و تسمع صوت شخاليل كده من ناحية الدركسيون لورا شمال .. تحسه من ورا الطابلوه الى ورا الدركسيون ؟؟؟
لو هو ده يا ريت تأكدولى عشان .. يبقى كده أنا محتاج أعمل التعديل ..

سؤال تانى التعديل ده بفلوس ولا ببلاش ؟؟

شكراً

**nedaloo** · 21-02-2011 09:51 PM

انا عندي في الواجا نفس الصوت ده بس الفرق ان بيظهر من الطرف الخلفي اليسار وقت يكون الطريق ترابي او فيه حفر مع اني غيرت المساعدين الخلفيين وربطت العفشة ولسا المشكلة موجودة

**spiderloking** · 22-02-2011 12:10 AM

المشاركة الأصلية كتبت بواسطة shakshak2011

يا جماعه هو عيب علبة الدركسيون بيظهر لما تمشى على طريق مش ممهد كويس .. و تسمع صوت شخاليل كده من ناحية الدركسيون لورا شمال .. تحسه من ورا الطابلوه الى ورا الدركسيون ؟؟؟
لو هو ده يا ريت تأكدولى عشان .. يبقى كده أنا محتاج أعمل التعديل ..

سؤال تانى التعديل ده بفلوس ولا ببلاش ؟؟

شكراً

لأ يا باشا التعديل منغير فلوس ببلاش و كلوا في الضمان علي فكره تمن العلبه لو انت مش في الضمان حوالي 4000 جنيه انا عملتها في الضمان و مدفعتش فلوس خالص

بالنسبه لصحاب الموضوع تأكد من ان مفيش اي حاجه في الشنطه بتخبط زي مفك الصليبه او الكوريك و الكلام ده
لو مش كدا يبقي الصوت من العفشه في المساعد