كان فين الدسترو ده قبل كده ياحكومة ؟؟

الاخوة الكرام ..

كلنا تابعنا بأهتمام ثورة شباب مصر الاحرار و مازالت الثورة صامدة بالرغم من كيد العدا

عايز بس أقول كلمة واحد لمعارضي أستمرار الثورة و الاعتصام بميدان التحرير حتي تنحي اللامبارك الفوري بحجة الدستور و مواده الخايبة و الفراغ الدستوري و الهبل في الجبل اللي بيضحكوا بيه علي عقول السذج

(1).. من أمتي الحكومة بتحترم الدستور في تعاملها مع الشعب علشان أحنا نحترم الدستور لما نطالب برحيل النظام

(2).. لما يكون فيه عقد بين طرفين و أحدهما اخل بكل بنود العقد ألا يصبح هذا العقد باطلا ؟؟
و بالتالي لايحق للطرف الذي أخل بالعقد أن يستند لهذا العقد في أي طريقة أنهائه

أرجو من القانونيين أن يجيبوا علي هذا السؤال

اقتباس:

---

المشاركة الأصلية كتبت بواسطة se_coralsea

الاخوة الكرام ..

كلنا تابعنا بأهتمام ثورة شباب مصر الاحرار و مازالت الثورة صامدة بالرغم من كيد العدا

عايز بس أقول كلمة واحد لمعارضي أستمرار الثورة و الاعتصام بميدان التحرير حتي تنحي اللامبارك الفوري بحجة الدستور و مواده الخايبة و الفراغ الدستوري و الهبل في الجبل اللي بيضحكوا بيه علي عقول السذج

(1).. من أمتي الحكومة بتحترم الدستور في تعاملها مع الشعب علشان أحنا نحترم الدستور لما نطالب برحيل النظام
مش معنى ان فيه فساد نفقد الامل فى الاصلاح يابشمهندس

(2).. لما يكون فيه عقد بين طرفين و أحدهما اخل بكل بنود العقد ألا يصبح هذا العقد باطلا ؟؟
و بالتالي لايحق للطرف الذي أخل بالعقد أن يستند لهذا العقد في أي طريقة أنهائه
فيه مواعيد فى انهاء العقد وطريقة محددة ليه

أرجو من القانونيين أن يجيبوا علي هذا السؤال

---

انا مش قانونى لكن اسمح لى اجاوب

للاسف الدستور و القوانين فى مصر موضوعة فقط لخدمة النظام الفاسد و هى كأنها عقد اذعان من طرف واحد

-أسمحلي أحنا بنطالب بالعدالة والديموقراطية يبقى مانبدأش بالتعدي على الدستور والقوانين خصوصا هاتطلع أصوات كثيرة من حبايب النظام السابق يشككو في الشرعية وده هايخلق حالة رهيبة من هروب الأستثمارات وعدم المصداقية وبالتالي صعوبة جلب أستثمارات جديدة .
-المفروض ندي فرصة لتكوين حزب لشباب 25 وتنظيم أوراقهم لكي يكون لينا صوت رسمي مسموع في النظام الجديد بدل مانلاقي الحزب الوطني والأخوان ماسكين كل مقاعد المجالس (شعب وشورى) ونعيد الكره من جديد .
-مش عارف حقيقي أيه المشكلة لما نصبر شوية لغاية ما خطة( الأصلاحيين الجدد) تؤتي ثمارها الناس دي مش بتلعب وواضح أن عندهم خطة واضحة للأصلاح وليست وليدة الساعة زي ما معظم الناس فاكرة الفساد مستشري من فترة طويلة وما سابش حد ألا ما أصابه سواء مدنيين أو شرطة أو عسكريين وده متأكد منه من معارفي.
-علاقات وسياسات دولية يجب الألمام بها أولاااااااااا ورجل الشارع من الممكن معرفة خطوطها العريضة ومن الصعببببببب الألمام بتفاصيلها (قوانين دولية ومعاهدات وأتفاقيات)

عايز بس أفهمكم حاجة ..
- هو قبل دستور 1923 كانت البلد ماشية أزاي و أزاي الدستور أتعمل ؟؟
- لما دستور 1923 أتلغي و اتعمل مكانه دستور 1936 , هل حصلت فوضي و فتن و حرب أهلية ؟؟
- لما دستور 1936 أتلغي بعد أنقلاب 1952 و أتعمل الدستور المؤقت ماحصلش فوضي و فتن و نزاعات علي الحكم ليه ؟
- لما السادات ألغي الدستور المؤقت و عمل دستور 1971 هل حصلت برضه فوضي ؟؟

السؤال بقي :
- ازاي الدساتير دي كلها اتعملت من عدم و اتلغت و أتعمل غيرها ؟؟
- مين اللي عملها ؟؟
- مين اللي بيوافق عليها ؟؟
- الدستور الحالي مين اللي وافق عليه و مين اللي عايز يلغيه ؟

الاجابة : هي الشعب مش النظام و لامجلس الشعب و لو مش مصدقين أقروا الدستور كويس و أنتوا تتاكدوا و تعرفوا الحقيقة

الثوره اسقطت شرعية الدستور والنظام ولا توجد ثوره في العالم تفاوض على مطالبها استمروا ولا يخدعوكم بالوعود الزائفه

ده أثبات لمصداقية الأصلاحيين الجدد(عمر سليمان-أحمد شفيق) علشان ألي بيشكك في جديتهم في الأصلاح

62 مليار جنيه ثروة خمسة مسئولين سابقين بمصر
http://www.almesryoon.com/images/1_201127_17305.jpg
| 07-02-2011 09:47

كشفت مصادر قضائية مصرية أن إجمالي ثروة خمسة من الوزراء السابقين الذي تم تجميد أرصدتهم ومنعهم من السفر في أعقابا الاحتجاجات الشعبية التي شهدتها البلاد بلغت 62 مليار جنيه.

وذكرت صحيفة "المصري اليوم" أن محكمة استئناف القاهرة وافقت الأحد على قرار النائب العام بالكشف عن سرية حسابات كل من أحمد عز، أمين التنظيم السابق بالحزب الوطني، وزهير جرانة، وزير السياحة السابق، وأحمد المغربي، وزير الإسكان السابق، ورشيد محمد رشيد، وزير التجارة والصناعة السابق، وحبيب العادلي، وزير الداخلية السابق، وعدد آخر من المسئولين.

وأضافت "وكشفت مصادر قضائية أن المعلومات الأولية عن ثروة هؤلاء الأشخاص أوضحت أن ثروة عز تجاوزت 18 مليار جنيه، فيما تعدت ثروة المغربي 11 ملياراً، وجرانة 13 ملياراً، ورشيد 12 مليارات، والعادلي 8 مليارات، وجاءت ثروة باقي الأشخاص الصادر بشأنهم قرارات منع من السفر وتجرى التحقيقات معهم، تتراوح بين مليار ونصف و3 مليارات".

وتواصل النيابة العامة التحقيقات في البلاغات المقدمة ضد هؤلاء الأشخاص بتهمة الإضرار بالمال العام والفساد والاستيلاء على المال العام وتسهيل الاستيلاء عليه، وطلبت النيابة من البنوك إخطارها بشكل رسمي بأرصدة وحسابات هؤلاء الأشخاص، لضمها إلى ملفات القضايا.

كما طلبت استدعاء مقدمي البلاغات للاستماع إلى أقوالهم، ومن جهات رقابية وهى "الأموال العامة والرقابة الإدارية والكسب غير المشروع والجهاز المركزى للمحاسبات" تحرياتها بشكل عاجل حول القضايا المنظورة، ضد هؤلاء الأشخاص، والكشف عما إذا كان هناك آخرون اشتركوا معهم في ارتكاب تلك الجرائم.

اقتباس:

---

المشاركة الأصلية كتبت بواسطة se_coralsea

عايز بس أفهمكم حاجة ..
- هو قبل دستور 1923 كانت البلد ماشية أزاي و أزاي الدستور أتعمل ؟؟
- لما دستور 1923 أتلغي و اتعمل مكانه دستور 1936 , هل حصلت فوضي و فتن و حرب أهلية ؟؟
- لما دستور 1936 أتلغي بعد أنقلاب 1952 و أتعمل الدستور المؤقت ماحصلش فوضي و فتن و نزاعات علي الحكم ليه ؟
- لما السادات ألغي الدستور المؤقت و عمل دستور 1971 هل حصلت برضه فوضي ؟؟

السؤال بقي :
- ازاي الدساتير دي كلها اتعملت من عدم و اتلغت و أتعمل غيرها ؟؟
- مين اللي عملها ؟؟
- مين اللي بيوافق عليها ؟؟
- الدستور الحالي مين اللي وافق عليه و مين اللي عايز يلغيه ؟

الاجابة : هي الشعب مش النظام و لامجلس الشعب و لو مش مصدقين أقروا الدستور كويس و أنتوا تتاكدوا و تعرفوا الحقيقة

---

ماجاوبتش على تساؤلاتي ياباشا ألي أهم في نظري ونظر السياسين في الدولة من تعديل الدستور حاليا أو بعد فترة!

المادة 88 الخاصة بالإشراف القضائى الكامل على الانتخابات اتغيرت قبل الانتخابات مباشرة بالتمرير كان فين الدستور و الإجراءات المعقدة وقتها

اقتباس:

---

المشاركة الأصلية كتبت بواسطة memo_p910

الثوره اسقطت شرعية الدستور والنظام ولا توجد ثوره في العالم تفاوض على مطالبها استمروا ولا يخدعوكم بالوعود الزائفه

---

اقتباس:

---

المشاركة الأصلية كتبت بواسطة jisso82

المادة 88 الخاصة بالإشراف القضائى الكامل على الانتخابات اتغيرت قبل الانتخابات مباشرة بالتمرير كان فين الدستور و الإجراءات المعقدة وقتها

---

أنا عارف وشبه متأكد أن فيه مخرج في الدستور بس الموضوع مش بس حكاية قانونية وشرعية الموضوع السيناريو ألي هايحصل لو تم تنحي مبارك الأن هل هايوصلنا لبر الأمان أشك وبشدة!!
وأظن واضح جدا للمراقب لما يحدث من أصلاحات أن الحكم بالفعل الأن في أيد عمر سليمان

هل تتفقون معي أن الحكومات و النظام لم يطبق الدستور أو يلتزم بمبادئه طوال 30 عاما ؟؟
- لو الاجابة بنعم و هذا هو المؤكد فهل حدث أنهيار لمؤسسات الدولة أو فوضي كما تدعون ؟؟
- لو الاجابة بنعم فما المانع الأن من ألغء هذا القيد المسمي بالدستور و الاطاحة باللامبارك و نظامه كله دفعة واحدة ؟؟

اقتباس:

---

مش معنى ان فيه فساد نفقد الامل فى الاصلاح يابشمهندس


فيه مواعيد فى انهاء العقد وطريقة محددة ليه

---

اسمحلي أجاوبك

1- مسألة الأمل
متهيألي علشان يبقى فيه أمل ده مش معناه أني ابقى مغفل
يعني مينفعشي كل حاجه اقول عليها فيه أمل واتغافل عن أمرو تانيه كتير غيرها
الأمل لها شروط واسباب لتواجده وكذلك عدم وجود أمل له اسباب وظروف واحداث

2- مهلة العقد
متهيألي لو شوف اي عقود بين اتنين لو حتى عقد ايجار
بيبقى فيه شروط كتير منها مهلة عند التعثر ولكن لها نهاية
المشكلة دلوقتي ان انت بتتكلم ان المهلة تبدأ دلوقتي
طيب امال الفتره اللي فاتت بالسنين دي وكان فيها نفس المطالب تروح فين
احنا مخدناش ايجار الشقة بقالنا سنين مش من دلوقتي
فبالتالي الفتره المسموحة بتيجي دلوقتي وبيبقى لها وقفة ان العقد تم فسخة
واي عقد في الدنيا بيتفسخ في حينه بدون مده عند الاخلال بالبنود اللي فيه
خصوصا لما البنود تبقى بنود رئيسية في العقد وقائم عليها العقد نفسه