كيف نعيد الثقة مع الشرطة فيما بعد فى ظل الظروف الراهنة ؟؟

بعد كل الأحداث و الوقائع و الحوادث فى السنين الأخيرة و فى ثورة 25 يناير .. :patch2:

كيف يمكن أن نعيد العلاقة السليمة بين الشعب و الشرطة لصالح هذا الوطن العظيم ؟؟

و كيف سيتم الاصلاح و إعادة البناء الجديد لهذا الجهاز الحيوى الضرورى لحياة آمنة ميسرة كريمة

من خلال هذا التصريح من جريدة الدستور

12:19مصطفى بكري في العاشرة مساء: عمر سليمان قال في الاجتماع أن الشرطة أمامها 6 أشهر حتى تستطيع إعادة بناء نفسها من جديد

و هذا التصريح من العقيد السابق عمر عفيفى عن الاساليب المتبعة و ما يشوبها من إهانة و تعذيب بواسطة جهاز الشرطة

[youtube]http://www.youtube.com/watch?v=P1d6Hgg76mw[/youtube]

السلام عليكم و رحمة الله و بركاته

الشعب المصرى بطبعه طيب و غلبان و عاطفى و لو الشرطة المصرية وقفت أعمال البلطجة و القذارة و التعذيب فى السجون و المعتقلات و الأقسام و أفرجت على المعتقلين بدون تهم و دول كتيييييييييييييييييير أوى لسه و فضلت محترمة نفسها 6 شهور بس, الشعب هينسى كل الاساءة اللى كانت على مدار عشرات السنين اللى فاتت و اللى اختتموها بالأعمال القمعية بتاع المظاهرات.

بس, ديل الTEEEEEEEEEEEET عمره ماهيتعدل, و لو علقه فيه قالب, اتجاهات الشرطة اليومين الجايين دول, هى محاولة رد كرامتهم اللى اتبعترت فى أيام الغضب و هيحاولوا يشموا نفسهم عالشعب تانى و زى ماقلت, أن الشعب المصرى طيب و مش كله بيهتم بالدرجة ألولى بكرامته و منهم اللى هيسيب الشرطة تديله على دماغه تانى لأن منهم اللى بيعتبر أن ده من مكونات الحياة الطبيعية , يعنى فيه ناس بتعتبر أن من نواميس الكون أن بتوع الشرطة, دول ناس كعبهم عالى على بقيت الناس و أن من العادى أنى أحترم بتاع الشرطة و أن العادى أن هو مايحترمنيش, عادى يعنى, و بالتالى, دورنا كناس واعيين, أننا نعرف الناس السذج التانيين كويس, أن شعار الشرطة أصبح ( الشرطة فى خدمة الشعب ) و بالتالى ماينفعش أن واحد يبقى بيخدمنى و بيدينى على قفايا :verygood:.

الثقه هما اللي يعيدوها
مش احنا المطلوب مننا خالص علي فكره اننا نعيد الثقه دي

لازم معاملتهم مع المواطنين تتغير
لان فعلا المشكله دلوقتي

ان اي ظابط شرطه او عسكري بقي عامل زي الفرخه
مرعوب من حاجه اسمها مواطنين
اي واحد فيهم لو فكر يعمل حاجه او يأذي حد
ممكن يتقتل ويخلصوا منه ومحدش حيعرف ياخد حق ولا باطل
اسلوب الهمج والعبيد اللي كانوا بيعاملوا بيه الناس ده خلاص انتهي
ومش حيرجع تاني

التغيير من عندهم مش من عندنا

الحل بسيط
كل ما مواطن يعدي ادام ظابط يقوم الظابط موطي بايس ايده بس كده

الناس دول ممنهجين على التعذيب و اهانه المواطن ولا يعلمون او يفقهوا شيئا عن حقهم فى الكرامه

طوال ما النظام نفسة متمثل في مبارك قاعد علي نفسنا
ما فيش ثة هترجع تاني لا في الشرطة او اجهزة الدولة
لازم ال-------------- ترحل

للأسف الثقة أبعد ما تكون إنها تنشأ (مش ترجع لإنها مكانتش موجودة أصلا علشان ترجع) حتى فى المستقبل القريب
لازم يبقى فيه جهة رقابية رهيبة وشديدة الحزم فى جهاز الشرطة تبطش بالشرطى المخالف فور قوة الاشتباه فيه
ودا بعد خطوى أهم وهى محاكمة المتسببين فى الفوضى السابقة وقتل العزل وترويعهم والمسئولين عن إهدار كرامة المصرى فى العقد السابق على الأقل
باختصار: Hopeless

اقتباس:

---

المشاركة الأصلية كتبت بواسطة m.zaher

الحل بسيط
كل ما مواطن يعدي ادام ظابط يقوم الظابط موطي بايس ايده بس كده

---

السلام عليكم و رحمة الله و بركاته

هممممممممممممم

برضه مش كفاية, عاوزين تفانى و مثابرة أكتر فى أداء العمل عشان نحس بالثقة أكتر و أكتر .

اقتباس:

---

المشاركة الأصلية كتبت بواسطة funnymickey

الثقه هما اللي يعيدوها
مش احنا المطلوب مننا خالص علي فكره اننا نعيد الثقه دي

لازم معاملتهم مع المواطنين تتغير
لان فعلا المشكله دلوقتي

ان اي ظابط شرطه او عسكري بقي عامل زي الفرخه
مرعوب من حاجه اسمها مواطنين
اي واحد فيهم لو فكر يعمل حاجه او يأذي حد
ممكن يتقتل ويخلصوا منه ومحدش حيعرف ياخد حق ولا باطل
اسلوب الهمج والعبيد اللي كانوا بيعاملوا بيه الناس ده خلاص انتهي
ومش حيرجع تاني

التغيير من عندهم مش من عندنا

---

+9999999999
الظباط الى نزلم الشارع حاطين وشهم فى الارض من الكسوف ولو واحد بصلهم يرفعوا ايدهم ويحيوا

حاسس انهم اتغيروا فعلا

اقتباس:

---

المشاركة الأصلية كتبت بواسطة elassar2010

+9999999999
الظباط الى نزلم الشارع حاطين وشهم فى الارض من الكسوف ولو واحد بصلهم يرفعوا ايدهم ويحيوا

حاسس انهم اتغيروا فعلا

---

السلام عليكم و رحمة الله و بركاته

أنا خايف ليكون الكلام ده اليومين دول بس و بعد كده نشوف الوش التانى, وش الكteeeeeeet !!!!!!!!

طيب يا جماعة ألخص بعض النقاط فى حوار العقيد عمر عفيفى

1 - يتم تهيئة طالب الشرطة خلال أربع سنوات على التعالى على الناس و تجنب المدنيين و ذلك لعزل أفراد الشرطة عن المجتمع

( مش عارفة دا نظام فرق تسد والا إيه زى الفتنة الطائفية والبدو و النوبة و غيره فى العديد من المشكلات التى بدأنا نشك أنها من صنع النظام لإضعاف قوة النسيج الوطنى حتى يتسنى له التسلط و الاستمرارية )

2 - جهل المواطنين بحقوقهم و الامعان فى هذا التعتيم عليهم ليصادر كتاب يعرفهم بهذه الحقوق و التعريف البسيط بالقوانين ( زى عشان ما تتضربش على قفاك مثلا)

3 - إن ضغوط العمل على الضباط عموما لساعات طويلة وامكانيات ضعيفة تزيد من تفريغ هذه الضغوط على المواطنين بالسلب

4 - إن هناك العديد من الشرفاء فى هذا الجهاز الوطنى و لكن حسب كلام العقيد عمر " يتم قصهم على عقيد " أى لا يتم تدرجهم للوظائف القيادية

5 - إن العقاب الحالى للمتجاوزين من خلال القوانين الحالية غير رادع بالمرة بل ومن الممكن أعتباره نوع من المكافأة !!!!!!!!!

لو فكرنا فى النقاط السابقة و لو حد أخد باله من حاجة تانية يكتبها ....... تفتكروا كيف يتم معالجة الأمر بصورة طيبة لكل الأطراف من ضباط و مواطنين

شوفو الفيديو ده وقولولي هنثق فيهم تاني ولا لا ؟

YouTube - ‫ط§ط´ط¬ط¹ ط´ط§ط¨ ظ…طµط±ظ‰ طھظ… ظ‚طھظ„ظ‡ ظ…ظ† ط§ظ„ط´ط±ط·ظ‡ ط§ظ„ظ…طµط±ظٹظ‡‬‎

من وجهة نظري الثقة تعود بين المواطن ورجل الشرطة بعد تحقيق الأتي :

1 - لما أحس أنه بيتعامل مع الناس باحترام كأنه واحد منهم وتكون المعاملة بعيدة كل البعد عن التعالي والكبرياء الغير مبرر (أكنه جاي من كوكب تاني) .

2 - لما أحس أنه بيحميني أنا وواقف مع الحق مش بيحمي ذو السلطة والواسطة والنفوذ .

3 - لما أحس أنه بيراعي ضميره في عمله في مطاردة المجرمين والبلطجبة وتجار المخدرات ...إلخ مش بيستخدمهم كأداة لتحقيق أغراض ليه سواء شخصية أو خاصة بطبيعة عمله (تغيير تكنيكات وأساليب تعامل الشرطة مع المجتمع اللي عفا عليها الزمن وقام بوضعها وترسيخها شخصية غير سوية) .

* وفي النهاية لابد من تقديرهم مادياً (مثلهم مثل القضاه) حتى لا يقعوا فريسة للانحراف والفساد نظراً لقلة المرتبات في ظل طبيعة عملهم الرهيبة سواء مع المواطنين أو المجرمين .

يجب ان تتم اعادة هيكلة جهاز الشرطة تحت اشراف الجيش
ده الحل الوحيد اللي يعدل الشرطة في راي الشخصي

علشان الشرطة تتغير يبقى نبدأ بعد الثانوية العامة الطلاب الجدد الى داخلين الكلية يتم تعليمهم صح على أيد بنى أدمين فاهمين صح و يتم عزل الباقين الموجودين و يتعمل عملية احلال تدريجى للكوادر القديمة بمفهوم جديد و يكون هناك رقابة شديدة جدا عليهم و الى يغلط ياخد استمارة 6 و شهادة سوء و سلوك علشان ما ينفعشى ببصلة و يروح يفتح مكتب محامى و السلام

اقتباس:

---

المشاركة الأصلية كتبت بواسطة amahmed

يجب ان تتم اعادة هيكلة جهاز الشرطة تحت اشراف الجيش
ده الحل الوحيد اللي يعدل الشرطة في راي الشخصي

---

ههههههههههه و الله فكرت فى كدة حا يتربو بجد صح و يعرفو الميرى مظبوط

اقتباس:

---

المشاركة الأصلية كتبت بواسطة human12

الناس دول ممنهجين على التعذيب و اهانه المواطن ولا يعلمون او يفقهوا شيئا عن حقهم فى الكرامه

---

لأن حياتهم كانت كلها تحت قانون الطوارئ

1- شيل قانون الطوارئ

2- نفذ القانون بدون محسوبيه

تصبح الثقه متبادله ...

للاسف الثقة لن يتم بناءها الا بالتخلص من 3 او 4 اجيال منهم

اقتباس:

---

المشاركة الأصلية كتبت بواسطة زينة الله

بعد كل الأحداث و الوقائع و الحوادث فى السنين الأخيرة و فى ثورة 25 يناير .. :patch2:
كيف يمكن أن نعيد العلاقة السليمة بين الشعب و الشرطة لصالح هذا الوطن العظيم ؟؟
و كيف سيتم الاصلاح و إعادة البناء الجديد لهذا الجهاز الحيوى الضرورى لحياة آمنة ميسرة كريمة
من خلال هذا التصريح من جريدة الدستور
12:19مصطفى بكري في العاشرة مساء: عمر سليمان قال في الاجتماع أن الشرطة أمامها 6 أشهر حتى تستطيع إعادة بناء نفسها من جديد

و هذا التصريح من العقيد السابق عمر عفيفى عن الاساليب المتبعة و ما يشوبها من إهانة و تعذيب بواسطة جهاز الشرطة

---

بتفق معاكي تماما في اهمية رجوع الشرطة مرة اخري لاعادة الامن والامان الذي افتقدنا والذي رجع في جزء منه الى خيانة وجزء اخر الى الخوف على الحياة ولا نلوم من خافوا علي حياتهم لكن لابد من عقاب من خان
وفي نفس الوقت نريد شرطة حقيقية للامن وليس للافساد والاستعلاء والرشوة والمحسوبية شرطة تطبق القانون كما هو وفي حدود القانون فقط علي الجميع دون تمييز بين سيادة المستشار والباشا الظابط وغيره من المواطنين
وفي نفس الوقت العقيد عمر عفيفي كان عقيد في امن الدولة تفتكري حضرتك وصل للمنصب ده ازاي وعذب وقتل كام مصري علشان يوصل للمنصب ده ؟ وايه اللى خلاه يهرب لامريكا ؟ وايه اللى خللى امريكا حبيبة النظام وكل نظام تعطيه اللجوء السياسي وتسمح له بممارسة النشاط السياسي من امريكا ؟؟؟؟؟؟؟

اقتباس:

---

المشاركة الأصلية كتبت بواسطة ziabassem

من وجهة نظري الثقة تعود بين المواطن ورجل الشرطة بعد تحقيق الأتي :
1 - لما أحس أنه بيتعامل مع الناس باحترام كأنه واحد منهم وتكون المعاملة بعيدة كل البعد عن التعالي والكبرياء الغير مبرر (أكنه جاي من كوكب تاني) .
2 - لما أحس أنه بيحميني أنا وواقف مع الحق مش بيحمي ذو السلطة والواسطة والنفوذ .
3 - لما أحس أنه بيراعي ضميره في عمله في مطاردة المجرمين والبلطجبة وتجار المخدرات ...إلخ مش بيستخدمهم كأداة لتحقيق أغراض ليه سواء شخصية أو خاصة بطبيعة عمله (تغيير تكنيكات وأساليب تعامل الشرطة مع المجتمع اللي عفا عليها الزمن وقام بوضعها وترسيخها شخصية غير سوية) .
* وفي النهاية لابد من تقديرهم مادياً (مثلهم مثل القضاه) حتى لا يقعوا فريسة للانحراف والفساد نظراً لقلة المرتبات في ظل طبيعة عملهم الرهيبة سواء مع المواطنين أو المجرمين .

---

معاك في كل النقاط التي طرحتها

اقتباس:

---

المشاركة الأصلية كتبت بواسطة amahmed

يجب ان تتم اعادة هيكلة جهاز الشرطة تحت اشراف الجيش
ده الحل الوحيد اللي يعدل الشرطة في راي الشخصي

---

لا تحت اشراف الجيش لا مينفعش كل جهاز منهم مهيأ بطريقة مختلفة تماما عن الاخر وكل جهاز له واجباته واختصاصاته المختلفة تماما عن التاني
المطلوب اعادة الشرطة تحت رقابة القانون وضمان محاسبة اي فاسد
والا نسلم كل مؤسسات الدولة للجيش وتنقلب لحكم عسكري كامل وهو امر مرفوض تماما

يتم عمل تليفون للشكاوى ضد اى فرد من الشرطة تجاوز بس بارب تكون حقيقية مش كيدية
معرفة الجزاء الواقع على كل شرطى مخالف بعد ارسال الشكوى

تنفيذ القانون على الكل مش ناس و ناس بالتليفون

حكاية التفييم و النسر و الحاجات اللى تغيظ دى تتمنع و يتبلغ عنها

فى اى كمين اللى ييجى يشوف رخصك و بطايقك لو عاوز كمان يكون الظابط مش يكون عسكرى او امين شرطة (شكله اصلا اجرام وخريج سجون) و يكون هوه قاعد على الكرسى يطريقة مستفزة و رجل على رجل يطلب بأدب و يكلمك بأدب

لما حد يدخل القسم و الظابط يكون قاعد يقوم احتراما للقادم

الجماعات الحقوقية تعرف الناس باللى ليها و عليها و ملاحقة الفاس او المتأجرم منهم

يكون من العادى و مش من المستحيلات تقديم اثبات الشخصية عند الطلب منهم

و من الاخر شوية الاصول و التربية اللى نعرفها عشان فعلا الناس تحس بالأمان و الامن مش نحس انهم شوية بلطجية وصيع و لكن بملابس ميرى

عشان الشرطة تتغير لازم يتم تغير اسلوب تدريبهم في كلية الشرطة و الحكاية هتاخد سنين و المشاكل دايما كانت من الظباط الصغيرين لان هم اللي بيحتكوا بالشعب كل يوم

شايفين تعامل الجيش مع الناس...قمة الادب و الاحترام لدرجة اني باحس ان ظباط و جنود الجيش اللي في الشارع مش مصريين!
النهاردة كنت راكن العربية و جت مدرعة جيش وقفت ورايا و كانت بتأمن عربية بنك بتحط فلوس في ماكنة صرف الي...ركبت العربية و قعدت مستني و انا مش مستعجل خالص و لقيت ظابط جيش بيقولي اسفين يا فندم 5 دقائق و نتحرك قلتله براحتك خالص بعد دقيقة لقيته رجع تاني و قالي خلاص دقيقة واحدة و نمشي كنت عايز انزل من العربية و أقله كفاية أحسن احنا مش متعودين علي الأدب الزيادة ده....تخيل لو حتة ملازم شرطة هو اللي موجود...النضارة الشمس و القتامة علي وشه و نظرة تحدي و استعلاء...حاجة تقرف

الأخ maserati أنا كمان زيك خايفة يكون اليومين دول بس و بعد كد مش حنشوف الوش القديم لأ دا حيكون انتقام و وعيد

الدكتور أحمد مع حضرتك إن الثقة شبه منعدمة و أنه يجب محاكمة المتسببين فى الفوضى السابقة و قتل العزل وترويعهم

والمسئولين عن إهدار كرامة المصرى فى العقد السابق و وجود جهة رقابية

و الأهم تشديد العقوبات فى القوانين الحالية للمنحرفين منهم لتكون رادعة

( مش زى ما سمعنا 200 جنية غرامة عن التعذيب و الاهانة أو القتل!! )

و محبس خمس نجوم مع الأجر ( يعنى إجازة مدفوعة الأجر ) ثم يعود لعمله السابق كأن لم يحدث شئ !!!!!!!!!

الأخ ziabassem معاك تماما و عشان يتحقق كلامك أعتقد أقتراح الأستاذ هشام ممكن يكون هو الحل و كمان معاك فى تقديرهم ماديا


الأستاذ هشام اتفق معاك بنسبة كبيرة و ممكن توضع خطة لتحقيقة على مدى طويل صحيح لكن ستضع أساس لجهاز قوى و محترم

عم أحمد على فكرة فى ناس فعلا كتير بتتكلم عن إعادة تنظيم و هيكلة الجيش لجهاز الشرطة و خاصة بعد ما قبض الجيش بنفسه مع اللجان الشعبية على متورطين من الشرطة بأعمال السلب و النهب و الترويع فى الفترة الأخيرة الى جانب المسجلين خطر و الله أعلم

الأستاذ حاتم سليم معاك فى ضرورة الغاء قانون الطوارئ و تنفيذ القانون على الجميع

و منع الاستثناءات اللى مش المواطن و بس بيتضرر منها لأ بعض الضباط ايضا يتضررون ( من بعض القضاة أحيانا و غيرهم من ذوى النفوذ )

أخى الدكتور محمد خذ الحكمة و لا يضرك من أى وعاء خرجت - أنا لا أعرف عمر عفيفى كان أيه و لا عمل أيه

لكن باحاول أفهم كل ما أسمع و ابحث عن الفائدة فيه خلينا نتناقش بموضوعية و لو تعرف حاجة خطيرة نبهنا و لو تعرف خير دلنا عليه

بسيطه جداااااا
ننزلهم يشوفوا الجيش ازاي بيعامل المواطنين و هما بيشوفوا الرخص و يفتشوا العربيات
و يحاولوا يقلدوهم

الثقة سوف ترجع للشعب فى جهاز الشرطة .... إذا طبق القانون بجد على الجميع سواء .... مع الغاء قانون الطوارى .

أزيك يا استاذة بس حا أحبطك هههههههههه الاقتراح الى قولتة حا يبقى نظرى لآن عمليا مش حا يحصل الا فى المدينة الفاضلة (( يوتوبيا ))) للأسف الشديد لآن طبيعة الظابط الى بيكون من الامن العام مثلا تختلف عن طبيعة الظابط الى فى المطافى عن طبيعة شرطة الجوازات و هكذا . للاسف الى بيتعامل مع المجرمين الى حد ما بتتبلور شخصيتة بطبيعة عنيفة و لعلمك دة طبيعى جدا عملا بمبدا لا يفل الحديد الا الحديد . بس نتمنى أن حالهم ينصلح و لو فية رقابة شديدة و عدم محسوبية حا يتعدلو شوية بس مش كتير قوى

كيف؟؟؟ الاجابة معروفة...
لازم يسقط النظام العسكري المخابراتي...في مقابل دولة مدنية حقيقية...ده اولا ..لانه الاساس الصح

للاسف افراد الشرطة جميعا حاليا دخلوا الكلية واتخرجوا واشتغلوا في ظل قانون طوارئ يبرر
الاعتقال والتهجم على الناس ومضايقتهم بحجة الاشتباه..فالموضوع تشرب في جيناتهم..
وهيحتاج وقت طوييييييييل للتغيير الحقيقي...

وزير الداخلية اللي المفروض يكون قدوتهم الى التغيير لازم تكون يديه نضيفة لم تتلطخ بدماء وكرامة مصريين طوال تاريخه...واشك انهم ممكن يلاقوا واحد كده حاليا من الشخصيات الشرطية المعروفة...للاسف

اقتباس:

---

المشاركة الأصلية كتبت بواسطة aboelsoud

بسيطه جداااااا
ننزلهم يشوفوا الجيش ازاي بيعامل المواطنين و هما بيشوفوا الرخص و يفتشوا العربيات
و يحاولوا يقلدوهم

---

مش حا يتعلمو يرضو دول مفتقرين الى الميرى و الانضباط

اقتباس:

---

المشاركة الأصلية كتبت بواسطة heshamzaky

أزيك يا استاذة بس حا أحبطك هههههههههه الاقتراح الى قولتة حا يبقى نظرى لآن عمليا مش حا يحصل الا فى المدينة الفاضلة (( يوتوبيا ))) للأسف الشديد لآن طبيعة الظابط الى بيكون من الامن العام مثلا تختلف عن طبيعة الظابط الى فى المطافى عن طبيعة شرطة الجوازات و هكذا . للاسف الى بيتعامل مع المجرمين الى حد ما بتتبلور شخصيتة بطبيعة عنيفة و لعلمك دة طبيعى جدا عملا بمبدا لا يفل الحديد الا الحديد . بس نتمنى أن حالهم ينصلح و لو فية رقابة شديدة و عدم محسوبية حا يتعدلو شوية بس مش كتير قوى

---

الله يسلمك يا فندم أزى حضرتك
كدة ترجع فى كلامك من أول قفا هههههههههههههههههههههه :36_2_33:
أنا معاك إن طبيعة عملهم مع المجرمين صعبة و بتغير من نظرتهم للناس بالشك والريبة

لكن مش كل الناس مجرمين عشان يتعاملوا بالاهانة و كمان زمان ماكنش الموضوع بالصورة الصعبة دى :beated:

و النقطة الأهم و الأخطر إن دلوقتى بقى فى تار بايت بين الناس و الشرطة ... وضع شديد الصعوبة على الطرفين

و لازم معالجته بحكمة لأحتواء الأمور و إعادة شئ من المودة بين افراد الشرطة و الناس بأعتبارهم جزء مهم من النسيج الوطنى

و إلا فكيف ستسير الأمور إلا من سئ لأسوأ و ربنا يسترها و زى ما أنت شايف الوضع بقى انتقامى بين كل الأطراف

لآ أنا ما رجعتش فى كلامى عارفة لية لآن أتخاذ القرار و السياسة المتبعة بتكون حسب رأى من فى السلطة و ليس بمزاجنا كشعب مهما عملو . بس لعلمك بجد و الله فية ظباط شرطة فى قمة الادب بس للاسف ممكن زمايلهم يعاملوهم على أساس أنهم مايعين فتلاقيهم علشان يواكبو الجو المحيط بيبقو هما كمان زيهم يعنى مشكلة منهم فيهم و صعب جدا أنك تتعاملى مع مجرم و لا هجام و لا مسجل خطر بالحسنى لازم يكون فية حسم معاة بس مش مع الانسان و المواطن المحترم بس الطبع حا يغلب التطبع

وزير الداخلية المصري السابق يمثل امام الادعاء العسكري

07.02.2011 آخر تحديث [21:36] http://arabic.rt.com/images/photo/orig/d64/402.jpgAFP PHOTO/ADAM JAN
اعلن مصدر امني يوم الاثنين 7 فبراير/شباط ان وزير الداخلية المصري السابق حبيب العادلي مثل امام الادعاء العسكري وقد يواجه اتهامات بالتسبب في انهيار النظام اثناء احتجاجات على حكم الرئيس حسني مبارك.

وقال المصدر ان العادلي الذي مثل امام المحكمة يوم الاحد يمكن ان يتهم بسحب قوات الامن من الشوارع اثناء الانتفاضة واصداره الاوامر باستخدام الذخيرة الحية ضد المحتجين واطلاق سراح السجناء من السجون.

هذا ومثل وزير الاسكان السابق احمد المغربي امام المدعين يوم الاثنين ليواجه اتهامات باهدار المال العام والاستيلاء على اراضي الدولة.

ويتهم المغربي "بتسهيل التعدي على املاك الدولة والاستيلاء وتسهيل الاستيلاء على المال العام والتربح لنفسه وللغير دون وجه حق."

ويجري التحقيق ايضا مع رجل الاعمال احمد عز امين التنظيم سابقا بالحزب الحاكم والوزيرين السابقين رشيد محمد رشيد وزهير جرانة. واصدر النائب العام قرارا بمنع الرجال الخمسة من السفر للخارج وتجميد حساباتهم المصرفية.
المصدر: وكالات
من موقع روسيا اليوم
http://arabic.rt.com/news_all_news/63009

يا ترى فعل هيتحاسب المسئول عن كل هذه التهم والا كبش فداء لغيره والا محاكمة صورية وبراءة !!!!!
الله أعلم ...

لازم يتعلموا صح فى الكليه او بمعنى اصح يتربوا صح... ولان الموضوع دا هياخد وقت طويل سنين على الاقل
المفروض دلوقى فى رأى الشخصى
اى حد من جهاز الداخليه
داس ناس بعربيات الامن
ضرب رصاص حى وقتل
ضرب رصاص من قناصه على السطوح
وامثله تانيه
كل دول لازم يتعلن عن اسمهم ويتحاكموا علينا عشان يبقوا عبره لغيرهم وعشان الشعب يحس انه اخد جزء من حقه