أرجـــو الإفــادة فى شــراء هونــدا سيفيــك موديــل 1994 عاملة 177000 كـم
السلام عليكم....انا معايا عربيه دايو لانوس 2006 بس بصراحه انا بعشق العربيات الهوندا انا كنت هشتري هوندا بس اشتريت الدايو لسبب معين وجايلي فيها مشتري وعايز اشتري هوندا.... في عربيه هوندا سيفيك Ex 94 تكييف-باور-مرايات كهرباء-اوتوماتيك-فتحه سقف-زجاج كهرباء-ماشيه 177 الف كيلو-فبريكه جوه ورشه بره ومتغيرلها كبوت جديد...مطلوب فيها 45 الف جنيه من الأخر بعد عناء شديد...ياترى ايه رايكم ياشباب في العربيه دي سعرها كويس ولا ايه؟ ورأيكم في الهوندا وقطع غيارها وصيانتها عامه؟ والموتور 1500 كربرتير يعمل حدود كام في الصفيحه؟....وهل ابيع الدايو واشتريها ولا اخلى الدايو؟....وقطع غيارها غاليه قوي ولا عاديه وايه مميزات الهوندا السفيك 94...انا اسف جدا عالأطاله ياشباب بس انا اتكلت على ربنا ثم عليكم لأني عارف ان منتدى نايل موتورز من افضل منتديات السيارات وفيه اهل خبره كتير وياريت يفيدوني..وشكرا
