مساعده عاجله في كرت ساتالايت
علي خلاف السائد حاليا من اهتمامات و مواضيع في منتهي الجديه و الاهميه
محتاج نصيحه و في منتهي السرعه قبل ما المحلات تقفل الله يكرمكم علشان حظر التجوال
انا اشتريت ريسيفر و طبق و الراجل هييجي يركب كمان ساعه باذن الله
انا ناوي اركبه علي شاشه الكمبيوتر عن طريق كروت الساتالايت
اشتريت واحد خارجي( external( علشان يبقي ينفع لو احتجت اوصله علي اللاب مثلا او في اي مكان
مش دي المشكله
المشكله ان النوع اللي اشتريته اسمه
azurewave dvb-s usb 2.0 tv box
موديل ad -sb 200
بصطب فيه حاليا قبل ما الراجل ييجي يركب الطبق و الريسيفر علي اساس ابقي جاهز
الا ان في خلال التصطيب البرنامج بيتوقف تماما مع علامه انه بيعمل تغييرات
قريت المانيوال و مش نافع
دخلت علي موقع الشركه و الموقع يقرف و مش صريح و مباشر
دخلت علي المانيوال اللي علي السي دي و للاسف اذدت حيره خصوصا انه بيعدي موضوع التصطيب مجرد انه بيقول حط السي دي و صطب البرنامج و بعد كده يكمل كلام عادي جدا
هل المشكله مع ويندوز 7 و الجهاز ده؟؟
هل المفروض الجهاز يكون واخد فييد من الدش علشان يتصطب؟
و نقطه اضافيه
في خلال التصطيب طبعا نيكست نيكست و بييجي لشاشه كده لاختيار المراد تصطيبه, هو في سطر مكتوب و واضح و المربع الاختياري التاني ظاهر بس لوحده و متعلم عليه لكن مش مقري او مكتوب اصلا جنبه اي كلام ايه دي بقي هي كمان؟
انا ممكن اجرب انقي الدريفر من علي السي دي بس مش المفروض ان الديفولت بتاع التصطيب يقوم باللازم؟
هل الجهاز ده بالتعقيدات الكتير اللي فيه هو اصلا ريسيفر؟
انا مليش في حوارات الدش و خلافه دي و علشان كده بسئل لاني اشتريت الجهاز و كنت فاكر تمنه هيكون برخص التراب علي اساس انه مجرد موصل ما بين شاشه الكمبيوتر و الدش بس شكلي غلطان في النقطه دي لان الريموت نفسه بتاعه عامل زي ما يكون ريموت ريسيفر و تلفزيون و بلاوي كتير جدا جدا
ارجو ان حد يرد عليا ضروري الله يكرمكم انا لا افقه شيء فيما يخص عالم الدش نهائي
