عرض للطباعة
بسم الله الرحمن الرحيم
السلام عليكم ورحمة الله وبركاتة
عايز اعرف يا شباب مكان محل مضمووووووووووووووووون اجيب منه طقم الدبرياج الاصلىىىىىىى بتاع الفليشيا 96 كومبى بس يكون مش مضرووووووووووووووووب يعنى محدش يقولى الناس بتقول بيقولك والكلام دا:36_2_33:
انا عايز حد اشترى وعارف وضامن :verygood:
وبكام وركبه فين والمصنعيه بكام
للاسف مقدرش افيدك بس هحاول اسألك
ربنا يكرمك يا باشا . كفايه انك اهتميت وارديت عليا دا شىء انا بقدره ربنا يبارك لك فى عربيتك
هقولك عندك اولاد فتح الباب الناس دى سمعتها كويسه
حضرتك
هتغير اسطوانه و ديسك و بليه
ثمن التلاته الاصلى الالمانى هيعملو بتاع 500 ج و مصنعيه من 200 الى 250 ج و هتجيب زيت فلفلين علشان الفتيس هيتفك مش فاكر سعره
اولاد فتح الباب قلى فى التوفيقيه
اه نسيت اقولك
انتا متاكد انو الموضوع طقم دبرياج
علشان العربيه لو متلته بتيبقى نفس اعراض اسطوانة الدبرياج انا بحكيلك على موقف
انا عربيتى كنت راجع بيها من شرم الشيخ و كنت رايح بيها ايه 140 ك 150 ك و اوعى و انا راجع مش بتعدى 90 ك 80 ك و ادوس مفيش
و صوت الموتور عالى و الغريبه انا مهندس ميكانيكا قولت العربيه جابت اسطوانه لانها لما اجى ادى الغيار و ادوس بنزين مكنتش بتجمع و تيمشى بسرعة الغيار تقعد حبه للحد ما تجمع سرعه و تيمشى روحت لواحد ميكانيكى قلى اسطوانه يابيه قولت خلاص راكنتها للحد لما افضى و اعملها
اليوم ده كنت رايحلو فا لقيته قافل بسال واحد صحيبى قلى فى ميكانيكى عندنا قولتالو اسالو بيشتغل فى المحروسه قالو اه بعد ما اشتريت الاسطوانه و الديسك و البله وروحت قلى هات اجرب قولتالو اتفضل راح مجرب و طلع بيها قعد يفك فى البوجيهات واحد واحد و يركبها تانى
لقيته رامى واحد و جاب غيره وركبه قلى جرب كده العربيه راجعت زى الاول ورجعت الطقم و حمد ربنا بس الراجل ده كان امين و محترم
انا قولت اكتبها للحضرتك للعلى تستفاد من التجربه بتاعتى و تتاكد من هى اسطوانه
لو عاوز الاصلى اسأل عند ابو الحسن فى بين السرايات عند التقاطع التانى فى شارع المرور لو جاى من ناحية كلية الفنون التطبيقية بس اتاكد من اسم المحل الاول لان فى هناك محلات اخرى
engahmedsayed ربنا يكرمك يا باشا علىا الاهتمام الجميل منك والحمد لله على سلامة عربيتك
بس انا عندى الاعراض فعلا بتاعت طقم الدبرياج
عندى صوت شخلله فى الماتور اول ما ادوس دبرياج تروح دا اولا
تانى حاجه العزم عندى زفت التانى على عشرين بيزعق وفى رجه وبتسخن ويتاكل بنزين وكل دا اعراض طقم دبرياج
ربنا يكرمك على ردك
kamal_adly ربنا يكرمك لاهتمامك وانا فعلا ساكن بالقرب من بين السريات
بس حد يعرف انواع ولا اقول للراجل هات ألمانى وخلاص
انا انصحك يا صديقى تجيب الطقم الالمانى لانه انظف شىء هو غلى فى الثمن بس هتفرق معاك
و الميكانيكى ده رجل محترم يظبطلك العربيه بتاعتك انا من راى ترحلو و تخليه يشوفه يمكن تكون حاجه بسيطه
مش هتخسر حاجه
انتا بتشم رايحة شياط كده عامله زى ما بيكون ريحة خشب محروق
لو انتا ماشى بالعربيه فتره طويله او محمله بالاشخاص اوطالع منحدر
لو فى رايحة شياط يبقى فعلا اسطوانه
غير الطقم كله ( الاسطوانه - الديسك - البليه )
بالتوفيق