الأجرأت والتطعيمات والحاجات دى كلها عشان فى بنتى الأولانيه والدى ربنا يديله الصحه هو اللى قام بكل دا لأن ظروف شغلى ساعتها مسمحتليش
فا ياريت تساعدونى وتقولولى اعمل ايه ؟
عرض للطباعة
الأجرأت والتطعيمات والحاجات دى كلها عشان فى بنتى الأولانيه والدى ربنا يديله الصحه هو اللى قام بكل دا لأن ظروف شغلى ساعتها مسمحتليش
فا ياريت تساعدونى وتقولولى اعمل ايه ؟
بارك الله لك فيه و اعطاك رزقه
هتاخد ورقه من المستشفى بتاريخ و ساعة الولاده و هم هيقولولك هم تبع اى مكتب صحه ...
تروح المكتب بالورقه و بطاقتك و هيقولولك على شوية ورق تجيبه من البوسطه و غالبا هتلاقى كشك بره بيبيع الحاجه دى (مثلا ولادى اتولدو فى مستشفى النزهه ... تبع مكتب صحة النزهه اللى عند السندباد و الكشك اللى على لاشارع فيه كل حاجه)
بتستلم شهادة الميلاد بعدها بكام يوم و معاه كراسه زرقا (علشان ولد) و كل المواعيد فى الشهاده و الكراسه
فى تحليل بيتعمل فى خلال اليوم التالت للسابع من الولاده بس بيعملوه يومين بس فى الاسبوع فحاول تاخد الورقه و تروح مكتب الصحه و تشوف الدنيا هتمشى ازاى
اللهم بارك في عمر وارزقه الخير كله واجعله من الصالحين..آمين يارب العالمين
بارك الله لك فيه وجعله الخلف الصالح ورزقك برزقه والف مبروك
مبروك وربنا يبارك لحضرتك فيه ويزيدك من نعمه
إبتدي شوف بأه هتدخله حزب إيه
بص يا سيدي
جواب المستشفى +صورتين من بطاقتك + صورتين من بطاقة الزوجة و تطلع على مكتب الصحة تطلع شهادة الميلاد
اما يتم اسبوع تاخده يتطعم من الدرن و شلل الاطفال
اول تطعيم اختياري بعد كده هو الروتا فيرس عند سن 6 اسابيع في فاكسيرا في المهندسين
اول تطعيم اجباري بعد كده هو عند سن شهرين ..... الثلاثي و كبدي ب و شلل الاطفال .... و الثلاثي ابن كلب و بيسخن ..... تاخد معاك قطارة سيتال و انت بتطعمه و اول ما ياخد التطعيم تديله جرعة (قطارة لكل 10 كيلو من وزنه يعني لو وقتها وزنه 5 كيلو تديله نص قطارة)
فيه برضه تطعيمين اختياريين عند سن شهرين برضه و هما Prevnar او باكتيريا الالتهاب الرئوي و الانفلونزا البكتيرية و دول في فاكسيرا برضه
فاكسيرا شغاال - في الظروف الطبيعية - من 9 صباحا الى 10 مساءا 7 ايام في الاسبوع
مكانهم في البطل احمد عبد العزيز قدام بي تي ام و Emirates
تحليل الغدة الدرقية بتاع الصحة فااااااااااااااااااااااكس و مالوش لزمة ..... خده لاي معمل نضيف زي البرج و حلل له TSH, Free T3, Free T4 اضمن و ادق ..... ممكن تدفع 4 جنيه زيادة وتستلم النتيجة بالانترنت بدل ما تروح تاني ...... لازم قبل ما تروح تتصل تسال فيه متخصص في سحب العينات من حديثي الولادة و لا لأ ..... و لو قلبك خفيف ما تروحش انت لان سحب العينة في السنة ده بيبقى تعذيب بصراحة
و ربنا يبارك لك فيه
بوركت في الموهوب و شكرت الواهب و رزقت بره و بلغ أشده
الف مبرووك..........ربنا يباركلك فيه يابو عمر
محمد باشا حبيبى
الف مبروك و ربنا يجعله زرية صالحة و يبارك فيه