نيابة أمن الدولة تتهم العادلي رسمياً بالتورط في تفجيرات كنيسة القديسين

**Col. Eng. Khaled** · 07-02-2011 06:24 PM

المشاركة الأصلية كتبت بواسطة elassar2010

يعنى اغلب الحوادث الى حصلت للمسيحين الامن هو الى دبرها !!!!!!!!!

كنت حاسس بكدة الداخلية بتوصل رسالة للمسيحين ان احنا بنحميكم من المسلمين ولو احنا تخلينا عنكم المسلمين هايكلوكم ويحرقوكم

دا احنا بكرة لما كل الملفات بتوع الوزرا تتفتح هنسمع كوارث

يا فندم ده اليومين إللي فاتوا و الغياب الأمني و بلطجة و هروب مساجين

الحمد لله ما سمعناش عن هجوم على أي كنيسة ......... اللهم كنيسة في رفح تقريبا و ممكن جدا لنفس أسباب الفرقعة الأمنية للداخلية القديمة إللي بتفرفر و بتطلع في الروح .

يبقى الفتنة المزعومة جاية منين ؟

**dodino2006** · 07-02-2011 06:38 PM

المشاركة الأصلية كتبت بواسطة elassar2010

يعنى اغلب الحوادث الى حصلت للمسيحين الامن هو الى دبرها !!!!!!!!!

كنت حاسس بكدة الداخلية بتوصل رسالة للمسيحين ان احنا بنحميكم من المسلمين ولو احنا تخلينا عنكم المسلمين هايكلوكم ويحرقوكم

دا احنا بكرة لما كل الملفات بتوع الوزرا تتفتح هنسمع كوارث

أكيد من مصلحتهم إثارة الفتنة و الفرقة بين افراد الشعب, سواء بين مسلمين و مسيحيين, او حتي بين ابناء الدين الواحد.... يوم ما اتوحدوا معاً طلبوا رأس النظام مباشرة....

بالمناسبة ... في حاجة طرأت في دماغي حالاً... الناس اللي كانت بتحرم تهنئة المسيحيين و بتحرم رفع الهلال مع الصليب مختفيين من الساحة تماماً سواء علي الفيس بوك او غيره, بالرغم ان المتظاهرين امبارح كانوا رافعين هلال مع صليب ... هما دول كمان من الداخلية, ولا هي مجرد روح جديدة بتدب في الشعب المصري, ولا بتوع التحريم مش فاضيين دلوقت ؟؟

.

**ahmed-moga** · 07-02-2011 06:38 PM

ولسه الأيام الجايه هتسمعوا حاجات مكنتش هتخطر علي بالكم ملف الفساد تم فتحه وخاصة منذ بدايو تولي عاطف عبيد رئاسة الوزراء بالأعلان عن الفساد والرشوه والمحسوبيه واستغلال السلطه واستغلال النفوذ علنيا
بس احنا عايزين الناس دية تتحاكم علنيا تحت مسمع ومرآي من الشعب لأنكم هتسمعوا مهازل وحقائق عن تورط النظام وخاصة حبيب العادلي لأنه هيكشف بلاوي سوده لتورط النظام واكيد النظام مش هيسمح بده علشان كده لازم نطالب بأن المحاكمات تكون علنيه للشعب علشان يبنوا لنا مدي مصدقيتهم وحسن نيتهم لو هما نويين اصلاح بجد

**dodino2006** · 07-02-2011 07:17 PM

أكثر ما أخشاه الأن هو استخدام سيناريو المشير عبد الحكيم عامر لإسكات العادلي للأبد...

.

**ahmed_su** · 07-02-2011 07:25 PM

المشاركة الأصلية كتبت بواسطة dodino2006

أكثر ما أخشاه الأن هو استخدام سيناريو المشير عبد الحكيم عامر لإسكات العادلي للأبد...

.

احتمال قائم بشدة

ويمكن بكرة نلاقى خبر العادلى خنق نفسه بحبل عمله من مناديل الكلينيكس

اوكان مخبى مدفع رشاش فى جيبه ولما جم يمسكوه بلعه و وقف فى زوره

ربك يمهل ولا يهمل

**Lion_Heart** · 07-02-2011 07:27 PM

المشاركة الأصلية كتبت بواسطة dodino2006

أكثر ما أخشاه الأن هو استخدام سيناريو المشير عبد الحكيم عامر لإسكات العادلي للأبد...

.

فلا من شوية على قناة الحياة خبر ان رئيس المباحث انتحر او قتل ماحدش عارف
احنا عاوزين السلسلة كلها تجيب بعض و يارب دى تكون بداية جديدة لينا كلنا

**ahmed_su** · 07-02-2011 07:31 PM

البداية اهى

مصدر أمنى: رئيس مباحث قنا شخصية قوية لا يمكن أن يفكر فى الانتحار

الإثنين، 7 فبراير 2011 - 19:07
غموض حول أسباب الانتحار - صورة أرشيفية
قنا ـ هند المغربى

أكد مصدر أمنى مسئول بمحافظة قنا أن الضابط عصام فتحى رئيس مباحث مركز قنا الذى تم العثور على جثته داخل الاستراحة الخاصة به بمدينة قنا ظهر اليوم الاثنين، يتمتع بشخصية قوية ومحبوبة لدى الجميع، ولا يتوقع إقدامه على الانتحار مهما كانت الظروف المحيطة به.

وأشار المصدر إلى أن الضابط كان ينوى السفر مساء اليوم للقاهرة، وقام بتحضير احتياجاته، وتحدث مع زملائه عن سفره اليوم، مضيفا أنه من المتوقع أن الرصاصة خرجت من مسدسه عن طريق الخطأ أثناء تنظيفه للسلاح الخاص به.

انتقل إلى مكان الحادث اللواء مجدى أيوب محافظ قنا واللواء طه الزاهد مساعد وزير الداخلية عن منطقة الجنوب، وقامت النيابة بتحريز السلاح الخاص بالضابط، بالإضافة إلى الذخيرة، وتم انتداب الطب الشرعى لمعرفة ملابسات الحادث. هذا ولم تصدر مديرية أمن قنا أى بيان رسمى عن ملابسات الحادث.

-

-

-

الموضوع: نيابة أمن الدولة تتهم العادلي رسمياً بالتورط في تفجيرات كنيسة القديسين

LinkBack

أدوات الموضوع

عرض

-

-

-

-

المواضيع المتشابهه

بالمستندات.. تفاصيل خطة حبيب العادلى لتفجير كنيسة القديسين بالإسكندرية

ربط علم مصر بين كنيسة القديسين و الجامع

للزملاء المسيحيين بخصوص تفجيرات كنيسة القدسيين -------اعرفوا من عدونا

نيابة أمن الدولة العليا توجه اتهاماً رسمياً للشيخ وجدى غنيم فى قضية «التنظيم الدولى»

الكلمات الدلالية لهذا الموضوع

المفضلات

المفضلات

ضوابط المشاركة