حصريا لموقع نايل موتورز فقط اول فيديو لتحطيم معرض سيارات بالسويس
ياحسرتى .....
[youtube]http://www.youtube.com/watch?v=uMM3mWjOByM[/youtube]
حصريا لموقع نايل موتورز فقط اول فيديو لتحطيم معرض سيارات بالسويس
ياحسرتى .....
[youtube]http://www.youtube.com/watch?v=uMM3mWjOByM[/youtube]
حرام والله
امتى الفيديو دا؟ةاية السبب؟
الناس واقفة تتفرج كانها سينيما
غل وحقد والراجل صاحب المعرض ذنبه ايه ؟
الفيديو ده في السويس
و صاحبة عضو مجلس شعب وطني ( و الله أعلم )
بس الي عرفته ان صاحبه طاغي في الفساد
أهلا بالحرية
هو طبعاً حرام تكسير العربيات بالشكل ده .. بس صاحب المعرض يقال عنه أنه معروف بالفساد وتجارة المخدرات .. وموالاته للحزب الوطني .
وقام في أحداث السويس بإيواء ظباط الشرطة الفارين من المتظاهرين وقام بالاشتراك معهم في إطلاق الرصاص الحي على المتظاهرين وقتل العديد من المتظاهرين هو وأولاده .. ويا ريت لو حد من السويس يأكد المعلومات دي لأني مش متأكد منها لأن مصدرها كان القنوات الفضائية .
دول ماصدقوا وطلعوا الغل كلوا فى السيراتو :)
بس لو كان صاحبهم زى مابتقولوا يبقى يستاهل
يعني حتى لو صاحب العربيات أبو جهل
هل ده يبرر اللي ناس عملوه
هما دول اللي طلعوا في مظاهرات سلمية!!!مش ممكن دول طالعين للتخريب
دول بيشوهوا المظاهرات اللي بتطالب يالتخريب
هما دول اللي عايزين حرية و ديمقراطية!!!
هل الحرية تأتي بهذه الأفعال
حسبي الله و نعم الوكيل
انا لا مؤيد و لا معارض
بس ربنا حرم الظلم
يا جماعه السيراتو طلعت حسب وطني
هذه غوغائية ...
معلش ده اسمه قله ادب , حتى لو صاحب المعرض ده صفته ايه , حرام الى بيحصل ده ......
ازاى بيطالبوا بالاصلاح
ويقابلوا الفساد بالفساد
حتى الساجا مسلمتش. :(
يعنى الناس اللى بتدافع سيبك من انة حزب وطنى او اى حاجة هو عملها
بس يا جماعة دة تاجر مخدرات عارفين يعنى اية تاجر مخدرات يعنى بيخرب البلد وبيسعى فى الارض فسادا
طبعا هو مش المفروض يكون دة العقاب لكن هو يستاهل لو فعلا تاجر مخدرات
إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلافٍ أَوْ يُنفَوْا مِنَ الأَرْضِ ذَلِكَ لَهُمْ خِزْيٌ فِي الدُّنيَا وَلَهُمْ فِي الآخِرَةِ عَذَابٌ عَظِيمٌ
حاجه مستفزه قوي ما يحرقوها اسهل بدل البهدله دي
انا قلبى كان بيتقطع مع كل ضربة
هما كانو خدوهم باعوهم و وزعو التركة علاناس اللى واقفة دى
حرام
الكروز و الاوبترا و السيراتو دول طلعو من عينى والله
"و الله لا يحب الفساد"
حسبى الله و نعم الوكيل
يا جماعة الخير انا من السويس
و ححكيلكم اللى حصل بالظبط
يوم الاربع و الخميس بداية المظاهرات انتو عارفين كانت السويس فيها مظاهرات عادية زى باقى المحافظات لكن لما الشرطة الغبية بدأت تفتح نار و رصاص حى على المتظاهرين و ناس ملهاش فى الموضوع اساسا اصيبت و ماتت , اهالى الناس اللى ماتت حبو يدفنوهم الحميس فى جنازة شعبية و الشرطة رافضة خروج الجثث لعدم تجدد النظاهرات المهم فى يوم الجمعة اياه الناس صلوا الجمعة وصلوا صلاة الغائب و لفينا السويس و كنا بنثول سلمية سلمية و و بقيت الكلام اللى انتو عارفينه على اخر اليوم اهالى القتلى و اصحابهم من منطقة اسمها بن الجراح و كفر كامل و ديه فيها الرجالة ولد البلد اللى مقضينها ترامادول المهم الناس ديه كان فية مواجهات بينها وبين الشرطة انهت ان الشرطة فيصت على الاخر و بدات تضرب نار حى بغباء و تنسحب من مواقعها و منطقة من المناطق اللى استخبوا فيها هى فوق البرج بتاع ابراهيم فرج صاحب المعرض اللى فوق ده الراجل مش عضو مجلس شعب ولا حاجه بس هو حب يوجب مع الشرطة فاكر انها باقيه له و ان الموضوع حيتلم فطلعهم فوق سطوح البرج بتاعه و هما من فوق بدأوا يصطادوا العيال من فوق بالرصاص الحى المهم الشباب جم يقربوا من البرج عشان يطلعوا فوق السطح يجيبوهم اول ما قربوا من المعرض - المعرض تحت البيت- عشان يطلعوا راح ابراهيم فرج و عياله و رجالته نزلوا عليهم بالالى قتلوا 8 و اصيب اكثر من 20 المهم الناس هاجت عليه اكتر و حصل اللى انتو شفتوا ده
للعلم اللى اتعرض لنهب فى السويس هو عمرو افندى و قسم الاربعين و الجمعية الاستهالكية و مخزن شركة السجاير و حى الاربعين و معرض ابراهيم فرج و كلها حاجات تبع الحكومة او شبه حكومية و كان بجانب كل حاجه من الحاجات ديه محلات تانية للاهالى فيها حاجات غالية محدش جه جنبها نهائى
بخصوص انه تاجر بودرة الله اعلم بالكلام ده كله كلام الناس تتناقله معرفش حاجه حقيقية
اللى حصل انتفام من ابراهيم فرج عشان ال 8 اللى قتلهم و ال 20 اللى اصيبوا بأيديه هو و ابنه و رجالته
هو دلوقتى هربان بره السويس و مستحبى هو و ابنه و كل الاهالى اللى ماتوا مستحلفينله انهم حيقتلوا كل عائلته حتى اصغر عيل فيها
يا أستاذي الفاضل
كل الجرائم اللي حضرتك ذكرتها لو صحيحة..هذا لا يخول لهؤلاء أن يفعلوا هذا
لكن في سلطات منوط بها تنفيذ العقاب
لكن اللي في الفيديو ده فوضى
و الآية اللي حضرتك ذكرتها..تنطبق أيضأ على الناس اللي في الفيديو
و الله تعالى أعلى و أعلم
جزاك الله خيراً
ربنا يفرج كرب مصر عاجلاً إنه ولي ذلك و القادر عليه
يا جدعان اللى بيحصل ده عشان قتل شباب صغير زى الورد مش عشان تاجر مخدرات
الشعب المصرى مش بيكره المحدرات لدرجة ان الشباب يطلعوا يكسروا عربيات واحد مشتبه فيه مثبتش عليه حاجه
الراجل كان بيقتل ويصيب كل واحد يدخل الشارع ،عايزين أهالي اللي ماتو يعملو ايه يعني ؟
لو واحد فيكم اتقتلو ابن ولا اخ من تاجر مخدرات لاقدر الله تفتكرو هيفكر في السيراتو والكروز وفي السلمية؟
اللي صعبان عليا ان العربيات دي هتتصلح وهتتباع زيرو بس مش صعبان عليا صاحب المعرض الله يحرقه هو وعربياته
آآه كده الصورة وضحت ..
يا جماعه انا معاكو اينعم الاسلام ماقالش كده وان جزاء الشر يكون بالشر بس احنا فى الاول والاخر بشر واللى عمله الراجل ده حسبنا اللى ونعم الوكيل فيه يستاهل عليه اكتر من كده بكتيييييير واشكر الاخ احمد اسماعيل للتوضيح واحب اقوله والله العظيم يا اخى اهل السويس دول ارجل ناس فى مصر . فعلا بتوع حروب
تحيــــاتى
حسبي الله و نعم الوكيل