الموضوع: رجالة القاهرة والجيزة حد بيودي أكل لميدان التحرير؟

للرفع علشان المنتدى الإجتماعي بقى مطحنة

المشاركة الأصلية كتبت بواسطة baskota

يا ابو رقية
احنا عاوزين نقود مظاهرة اسكتدرية لميدان التحرير نفسه
مش بس اكل لا ومتظاهرين كمان
مادام هم مش شايفينا هنا
نروحلهم احنا هناك

سيبك من موضوع نروح لهم دي , ما ينفعش نسحب الرجالة من اسكندرية وإلا المظاهرات تخلص ويبقى مفيش غير التحرير اللي شغال فتبقى مشكلة النظام سهلة , لازم كل المحافظات ما تنامش
المهم أعملي لنا بتاع 200 ساندويتش على يوم الخميس بالليل (او حتى دانش او باتيه او كرواسون)

المشاركة الأصلية كتبت بواسطة م/مصطفى محمود

فى البداية جزاك الله خيرا

ثانيا أحنا مش بنعمل أكل ، أحنا كل واحد بيبقى جايب معاه أكل بزيادة وبتدي للى حواليك عادي ، وغيرك بيوزع عليك

وبحكم الخبرة ، أفضل حاجه النواشف (بقسماط ، بسكوت بالبلح وبالملبن ، باتية بالجبنة ، بلح ) لأن السندوتشات بتحمض وبتتهري وبيقع منها الحاجات

بس صدقني الناس مش محتاجه أكل ، الناس محتاجه دعم معنوي قوي جدا لأن فى ناس كتير بتتهمهم بأنهم فاضيين وواقفين حياة الناس و و و و ، وبجد ده أصعب من ضرب البلطجية وعنف الأمن

ما هو الأكل مدد , وده بيرفع الروح المعنوية , ما لازم النااس تاكل3 مرات في اليوم والا حتتعب و تسيب مكانها !!!

المشاركة الأصلية كتبت بواسطة ASKAFRAWY

انا جاهز يا ابو رقية سواء بالمساعدة او بالانضمام لميدان التحرير
انا جاهز فالتتفقوا عليه سواء فعلا ننظم مظاهرة للقاهرة ودى هتكون صعبة لاننا عاوزين عدد كبير جدا عشان الناس دى تعرف اننا معاهم بجد مش بالكلام لازم مظاهرة زى بتاعت امبارح ودى كلن عددها مشابه للعدد بتاع المتظاهرين فى جمعة الرحيل الاتقال انهم نص مليون بنى ادم كانوا متحمسين واتجمعنا و صلينا فى سيدى جابر

ياريت نقدر فعلا نحسس الرجالة دى ان فيه ناس نفسها تبقى معاهم
ياريت نقدر نقولهم سامحونا احنا خيبنا ظنكم وقاعدين نندب حظنا على الشركات الخسرت و على المرتبات اللى قلت
لا بس انت نسيت يا ابو رقية الناس دى بتجيلها وجبات من كنتاكى لا و 50 جنيه لكل واحد فيهم....مش عاوز اكمل خلينا فى موضوعنا

انا معاك فى اى مساعدة نقدر نقووم بيها للرجالة دى السابت اشغالها واهلها و مستعدين يضحوا بكل متاع الدنيا عشان ننضف ونبدا نحي اننا بنى ادمين تانى,,,
دة رقمى وجاهز فاى وقت
0102883322

نظبط بس الموضوع , ونتأكد إنهم محتاجين أكل فعلا لإن من كلام الأخوة هنا إن الموضوع مش مهم مع إني كنت معتقد إنه في غاية الأهمية , بس أنت أكيد معايا وحناخد شنوري بالعافية

المشاركة الأصلية كتبت بواسطة mahmoudysf

متقلقش من الموضوع ده
الاهم عايزنك معانا

ما ينفعش نبقى معاكم , ما ينفعش تبقى اسكندرية بلا مظاهرات !!!
خد دي :)

[youtube]http://www.youtube.com/watch?v=Mjw_jEiCpb4[/youtube]