الحل النهائى لسخونه اللادا

**lad** · 07-02-2011 08:20 PM

سنه بعد سنه الصيف بيجى أكثر حراره من اللى قبله و ناس كتير بتشكى من سخونه سيارتهم اللادا الحل هو ازاله المروحه الى تعمل بالكهرباء (بالسرموستات) نهائى ووضع مروحه تعمل مباشره عند دوران المحرك (اعتقد بتركب على طرمبة الماء) كلف حوالى 90-100 جنيه (15 ج مروحه بلاسيك 50 قميص 5 مصامير 30 مصنعيه) هتلاقى فرق كبير أوى و برده على دخول الصيف لابد من عمل غسيل للريداتير

**mohamed2002** · 08-02-2011 10:13 AM

الادا القديم كله كدة وانا عربيتي موديل 95 ونفس الفكرة لكن المشكلة لو انت ماشي في طريق واقف بالتالي المروحة مش حتشتغل وتلاقي العربية سخنت!

**elmkaneeki** · 08-02-2011 10:18 AM

المشاركة الأصلية كتبت بواسطة mohamed2002

الادا القديم كله كدة وانا عربيتي موديل 95 ونفس الفكرة لكن المشكلة لو انت ماشي في طريق واقف بالتالي المروحة مش حتشتغل وتلاقي العربية سخنت!

لا سا فندم الراجل بيقول المروحة على السير
يعنى شغالة 100 % من الوقت

**Tarek_Swelm** · 08-02-2011 11:22 AM

و لو جيت بعد سفر و العربية سخنة مولعة من المشوار و طفيت الموتور و روحت . يا تري حيحصل اية في الريداتير وقتها ؟
المواتير الكهرباء فايدتها انها تكمل تبريد حتي لو طفيت الموتور و روحت لغاية ما الحرارة تهدي و بيبقي التبريد وقتها اسرع لأنك طفيت الموتور يعني وقفت مصدر الحرارة و سايب المروحة تدور و تهدي الحرارة

**engaass** · 08-02-2011 02:05 PM

المروحة بتبقى راكبة على سير الدينامو مش طلمبة المياه

**lad** · 09-02-2011 12:10 AM

أنا قلت بتركب على وش طرمبه الميه مش على السير وعلى فكره هو أصلا سير واحد للدينامو و طرمبه الميه (للتوضيح)

**lad** · 09-02-2011 12:15 AM

العربيه أصلا مش هتوصل للحراره اللى بتخلى المروحه الكهرباء تشتغل

**mahgoup** · 16-02-2011 10:12 PM

انا عامل الفكرة دى عندى فى العربية بس الصوت عالى فهل لو ركبت قميص للمروحة بيمنع الصوت ولا لا

**k123456789m** · 17-02-2011 09:44 PM

بالنسبة للمروحة التى يتم تركيبها على الموتور هى جميلة وموجودة عندى اصلا فى 2105 موديل 95 بس هى فى الطوالى فقط لان معدل دوران الموتور وانت ماشى غير وانت واقف علشان كدة بتسخن اثناء الوقوف فى الاشارات لذا برجاء عمل الاتى وعن تجربة شخصية وهى
تركيب طمبورة للمروحة قطرها صغير وبذلك سوف يكون عدد اللفات اكبر
تركيب مروحة الشاهين 8 ريشة
اضافة مروحة كهرباء يتم تركيبها امام الردياتير خلف الشبكة بترموستات تعمل اضافى عند زيادة الحرارة فى الاشارات فقط

**ahsara** · 18-02-2011 01:03 AM

عيوب المروحه المباشره :-
1) السخونه فى حاله الوقوف ( لأن عدد لفات المروحه بتقل أكيد ) زى المشاراكات السابقه و الحل بتاع نغير الطنبوره بأصغر مش هيعطيك لفات أكبر زى ما انت فاكر
2) الصوت طبعا هيبقى عالى جدا و اللادا اصلا صوتها عالى ( كأنك راكب كراكه )
3) فى مشاركه قالت ان لما تركن والعربيه سخنه مش هتبرد الريداتير و ده صح لو سيبت الريداتير كل مره سخن بعد فتره هتلاقى الريداتير بيجيب مياه ( ممكن تسال أى حد بتاع ريداتير ) لأن وظيفته ان المياه تبرد جواه مش نسيبها سخنه

الحل سهل جدا

ريداتير نحاس محترم 52 ماسوره داخليه و ده سعره حوالى من 350

ولو غالى عليك ممكن تجيب الألومنيوم بس تكون ريشته مموجه مش عدله لأن المموجه بتجمع هواء احسن
وده سعره إستيراد 170 ج وشكله احسن من النحاس
بس طبعا النحاس أداءه احسن بكتير و خصوصا لو مركب تكييف
الأهم انك تحافظ على الريداتير و تحط مياه مانعه للصدأ و مبرده
وفى حاجه كمان تلغى الراجع بتاع المياه السخنه فى الماتور

أسف على الإطاله