تحيه من القلب للاعلام الشريف..شكرا لمنى الشاذلى وعمرو الليثى واى حد قال الحقيقه

انا مكنتش بتابع اصلا برامج التوك شو كتير قبل كدا.....
ولما شوفنا التلفزيون المصرى بيعمل ايه ان كان هو ولا برنامج 48 ساعه و90 دقيقه وبيطلع كلام ازاى على شعبه وبيدخلهم فى فتن
شوفت النهارده الجانب الاخر
بجد الى مشافش حلقه العاشره مساء النهارده فاته كتير اوى..ياريت الى مشافهاش يستناهافى الاعاده
متكلموش فى اى حلول سياسيه ولا تعديل الدستور ولا الكلام دا
كل هدفهم توعيه الناس بالى بيحصل فعلا عايزين يقولوا لهم متصدقوش التلفزيون المصرى.. اقفوا مع الثوار دول وادعموهم..منى الشاذلى قالت ان اتطلب منهم يقولوا ان فى عشرات من المتظاهرين فى ميدان التحرير رفضوا ومرضوش يطلعوا هوا يومها...
ضيوفهم كانوا ناس من هناك
دكتور القلب الى بيقول عمره ما كان له دخل بالسياسه ..بنته نزلت المظاهرات وطلبت منه ادويه راح لها
بيقول اتصدم من الاصابات مذابح زى ما بيقول قرر يعد هناك مع عائلته كلها وامثله تانيه زى الراجل دا مكانش لها علاقه بالموضوع بس حسوا ان الناس دى مظلومه وشافوا بعينهم..
استضافوا المذيعه الشريفه هاله فهمى الى استقالت من التلفزيون المصرى وقالت كلام محترم وبرضه مقيمه فى الميدان
استضافوا وائل غنيم الى بكى وابكى الجميع..هو دا مثال للايرانيين والاخوان و و و و و...ارجو ان الحقيقه تكون اتكشفت للناس بعد كل دا...
شكرا لعمرو الليثى فى برنامج واحد من الناس على كلامه الصادق ونزاهته الاعلاميه
هى دى الناس الى بتقول الحق وبتوضح الحقائق.. جاب تقرير عن الشهيد احمد بسيونى وازاى اتقتل ولو شفتوا ابوه وهو بيعيط هتفهموا حاجات كتير
تحيه للشرفاء دول
وكفاااااااااااااااااايه يا جماعه اتهامات ومزايدات عالناس دى.......
ربنا يرحم كل شهداء الثوره..وان شاء الله ربنا ينصرهم ويثبتهم