الموضوع: انا خائن و عميل من عملاء ميدان التحرير

المشاركة الأصلية كتبت بواسطة tarek gen 2

السلام عليكم و رحمة الله و بركاته

ازيكم يا شباب و يا بنات
مباشرة و من غير لف و دوران
انا اسمى طارق عضو معروف فى قسم بروتون بس هنا لا
انا كل يوم بفتح الاجتماعى كتيييير جدا للقراءة و المشاركة الخفيفة

انا اتفاجئت بمواقف الاعضاء هنا من بين مؤيد و معارض و عنيف و هادئ و حزنت جدا و لا زلت بحزن لما بلاقى اعضاء بتتخانق و اعضاء بتتهم و اعضاء بتشتم بعضها البعض

انا مش عارف اقولكم ايه بس والله انا عمرى ما كنت سياسى غير من سنتين كدة اما حصلى قصة مش لطيفة بدون داعى لذكرها
بدأت ابص و افهم و اقرا و اكتب و (( اشترك فـــ )) و و و هكذا

انا نزلت كل ايام الثورة زى رجالة كتير
و حميت بيتى زى ناس كتير برضه
انا ببات فى التحرير و بروح بيتى و برجع تانى
انا اصحابى هناك و شفت اللى غالبكم مشفهوش و لا زلت بشوف
انا كنت ناوى اشارك معاكم بس صدقونى انا احبطت جدا من اللى حصل هنا من تباين الاراء و الشد و الجزب بس فضلت الصمت احسن بس انا شايف الاجواء هديت دلوقتى و قابلة للرغى

لو حد عايز يسأل على حاجة بخصوص اى حاجة انا ممكن اقوله فى حدود اللى بشوفه و عارفه

ارجوا منكم الهدوء و اعرفوا ان احنا اللى باقييين لبعض فى الاخر مش اللى بتتخانقوا عشانه

كلمة اخيرة لاستاذ كريم منير
انا مشفتكش و معرفكش بس انا احترمتك جدا جدا لما سبت الناس تتكلم و تفضفض و تشتم و تنفس عن نفسها و كبتها رغم ان ده ضد سياسات المنتدى
وانا تابعت موضوعه بخصوص النتدى هنا و جاهز اساعد سواء ماديا او معنويا او اى حاجة

اما بخصوص المكالمة اللى جتلك فاعمل اللى يريحك و يحفظ جهدك فى المنتدى و للاعضاء طوال السنوات الماضية
و صدقنى ((فرجه قريب))

شكراااا يا رجالة ربنا يكرمكم و يناولنا اللى نستحقه

\
طيب يا مان ما تقابلني هناك