سؤال للخبراء والمجربين.. ايهما افضل التعليق الخلفي المستقل ام المتصل؟

**kingnoro** · 08-02-2011 11:35 PM

المشاركة الأصلية كتبت بواسطة tamer_merit

ال 504 كانت على كارونه وكبالن في نفس الوقت . بمعنى انه بدل ما يكون فيه اكسين ثابتين خارجين من الكارونه للعجل مباشره كان فيه كبالن متحركه ... وزيها كمان المرسيدس 200 و230 موديلات الثمانينات . هذا والله اعلم
وتقبلوا مروري

المرسيدس 200 و230 موديلات الثمانينات و 504 فعلا على كارونه وكبالن .

**MBhead** · 10-02-2011 02:45 AM

طبعا المستقل اريح بمراحل
و كل المرسيدس من الستينات كبالن ورا لحد دلوقتي
و دا شكلها

بس مش كل ال504 في منها مستقل و في منها المتصل

**SAMEH_FOUAD** · 10-02-2011 01:45 PM

التعليق المتصل ( un dependent suspension ) ودة التعليق اللى بتستخدمة معظم الشركات لتوفير تكاليف السيارة

ومن مميزات هذا التعليق قلة تكاليفة فقط سواء اثناء الصيانة او على تكلفة السيارة نفسها بالنسبة للصانع , مابياخدش مكان تحت ارضية الكنبة الخلفية

عيوبة : غير ثابت نهائى فى الملفات - مع الضغط على الفرامل اثناء المنعطفات بسهولة يتم انحراف جسم السيارة من الخلف - عفشة ذات تعليق ناشف - احساس المطبات يشعر بية جميع من فى السيارة حتى لو كان من ناحية واحدة للعجلة اللى خدت المطب ( يعنى لو خدت مطب بالجنب الشمال مثلا هيحس بية اللى قاعد فى الشمال واليمين )

* التعليق المستقل ( dependent suspension ) ودة مكلف جدا على الشركة المصنعة وتكاليف صيانتة مكلفة ايضا ودول عيوبة بس فى مقابل

1: مريح جدا فى المطبات , يمنع انحراف السيارة اثناء المنعطفات الحادة او حتى مع الضغط على الفرامل اثناء الانعطاف , كل جنب من السيارة هو بس اللى بيحس بالمطب لو كان فى جهة واحدة يعنى لو خدت مطب شمال اللى قاعد يمين مايحسش بية ) مفيد جدا فى الغرز لان العربية مع الضغط عليها من الجهة الخلفية اثناء نهاية الغرزة جنب واحد بس هو اللى بيميل فبيدى استقرار تحفة

**MMamdouh** · 10-02-2011 08:53 PM

انواع التعليق الخلفى 3

تعليق مستقل و دة بتبقى فيه كل عجلة منفصلة تماما عن العجلة التانية و دة كويس فى حالة السير على ارض غير مستوية لان كل عجلة بتاخد مطب بتبقى معزولة عن العجلة التانية و بالتالى تاثير المطب بيبقى محصور على العجلة دى و كمان فى الثبات لان تغير وضعية العجلة اللى اخدت المطب بالنسبة للطريق مبتغيرش وضعية العجلة التانية بالنسبة للطريق...

النظام دة عيبة انه بيبقى معقد شوية لان بيبقى فيه اذرع توصيل او مقصلت للتحكم فى زاوية ميل العجلات اثناء الملفات للمحافظة على افضل وضعية للاطار على الطريق... فى احوال كتير بيبقى السوست و المساعدين الخلفية فى النظام دة بتبقى ماكفرسون زى الامامية و احيانا بيبقى فيه ميزان لزيادة الثبات

التعليق الغير مستقل و دة بتبقى فيه العجلتين الخلفيتين مربوطين ببعض بشكل مباشر من خلال جسم الكورونا او من خلال بار حديد صلب... النظام دة بسيط من ناحية التكوين و الصيانة و طبعا تكلفة الانتاج... و لو بنتكلم فى ارض مستوية تماما النظام دة حيوفر اعلى تماسك للعجلات الخلفية مع الطريق لان دائما و ابدا حتبقى العجلات الخلفية عاملة زاوية قائمة مع الطريق و كامل سطح مداس الاطار ملامس للطريق

المشكلة فى النظام دة فى الطرق الغير ممهدة... كل مطب بتاخدة عجلة حينتقل الى العجلة التانية بالتالى حيقلل من الشعور بالراحة داخل السيارة اضافة الى تغير زاوية العجلة المقابلة للعجلة اللى اخدت المطب بالتالى بيقلل الثبات كمان اضافة الى ضخامة الوزن الغير منبوض فى حالة وجود كورونا فى النظام دة

التعليق شبة المستقل و دة بيبقى فيه اتصال بين العجلتين الخلفيتين بس مش بشكل مباشر من خلال وجود دفرنسية خلفى... الديفرنسية دة بيربط برضة بين العجلتين الخلفيتين بس بيسمح ببعض الاستقلال فى حركة العجلات... بالتالى مستوى الراحة فيه اعلى من التعليق المستقل و تكلفة انتاجة و صيانتة اقل من التعليق المستقل... طبعا دة يعنى انة اتقل فى الوزن من التعليق المستقل و اقل منة راحة

و هنا احب اوضح ان اللانوس و الفكترا و الكورسا و الميجان و اللوجان و الجولف القديم فيها تعليق خلفى شبة مستقل عشان انا شايف الناس اختلط عليها الامر شوية فى الحتة دى... كمان وجود كبالن خلفية هو الفيصل فى تحديد اذا كانت العربية ذات الجر الخلفى فيها تعليق مستقل ولا لا... مش كل عربية فيها كورونا خلفية تبقى بتعليق غير مستقل لان الكورونا شغلها السماح للعجلات الخلفية بالدوران بسرعات مختلفة... اذا كان خارج من الكورونا كبالن يبقى التعليق الخلفى مستقل... اما اذا كانت الكورنا خارج منها اعمدة دفع داخل غلاف صلب يبقى التعليق غير مستقل

MMamdouh

**tigernet** · 11-02-2011 02:30 AM

المشاركة الأصلية كتبت بواسطة ralliart

المتصل كويس لو في بلد طرقها مش مكسره ومش مليانه نقر وحفر
لكن في مصر انصح بشده بالتعليق المنفصل لانه اامن واريح

اللانسر منفصل بس السبورت فيها زيادة ميزان ودا بار موصل العجلتين الخلفيتين وبيدي الميزتين مع بعض وده اللي موجود في معظم العربيات المحترمة

و الهاف سبورت زى السبورت

**eng.m7md.ali** · 11-02-2011 03:40 AM

معلش يا استاذ محمد ممدوح هل ممكن من حضرتك تشرحلنا الفرق بين نظام التعليق اذا كان هناك فرق في الكرونا اللوك والكرونا العادية؟

**beckeryahia** · 11-02-2011 02:55 PM

الف شكر لكل اللي رد عليا في الموضوع دا وافادني وافاد الجميع .. وشكر خاص لاستاذ محمد ممدوح علي الرد الوافي ,, ومعلش اوجهلك بعض الاستفسارات ..بالنسبة للتعليق الشبة مستقل ,, انا كان معايا لانوس 2001 لمده 4 سنين وبصراحة من افضل العربيات اللي ركبتها في حياتي من حيث قلة تكاليقف التشغيل وجوده السيارة وثباتها بالنسبة لفئتها السعرية ., بالنسبة لتعليق الاتوس الخلفي ., لما عجلة تاخد مطب جامد العجلة التانية المفروض تطلع لفوق بنفس مقدار العجلة الاخري ولا الاكس اللي بينهم فابل للالتفاف او فية بعض الليونة زي السوستة كده.
وبالنسبة لتعليق النبسان صني الخلفي وهو تعليق متصل ,, بس في استفسار بسيط ,, لما رفعت العربية لقيت حاجة زي دراع وماسكه في الاكس من ناحية العجلة الشمال ومن الناحية الاخري من نصف شاسية العربية ,, ياتري اية الدراع ده واية فايدتة ولو شيلتة هايأثر علي العربية في اية؟؟

**SAMEH_FOUAD** · 11-02-2011 03:19 PM

المشاركة الأصلية كتبت بواسطة minicooper20

ممكن اعرف الابيزا و الهوندا سيفك متصل ولا منفصل

الهوندا سيفيك مستقل وذات عفشة متعددة الوصلات مع عمود اتزان لضمان اعلى ثبات للسيارة

بالنسبة للابيزا فياريت تحدد الموديل وغالبا هية كلها غير مستقل

-

الموضوع: سؤال للخبراء والمجربين.. ايهما افضل التعليق الخلفي المستقل ام المتصل؟

LinkBack

أدوات الموضوع

عرض

-

-

-

-

المواضيع المتشابهه

التعليق المستقل وغير المستقل

التيدا...و التعليق الخلفي

ايهما اقوى ............. ولماذا؟ سؤال للخبراء فقط

التعليق الخلفي للسيراطو

التعليق الخلفي

الكلمات الدلالية لهذا الموضوع

المفضلات

المفضلات

ضوابط المشاركة