الزملاء الأفاضل ...السلام عليكم ورحمة الله وبركاته
ممكن بإذن الله يتوفر معايا من 35-40 ألف ياريت تنصحوني اشتري ايه (مستعمل طبعآ) يناسب الطرق المصرية
واشتري الآن أم انتظر لما الأزمة تعدي علي خير؟؟
منتظر رضكم ضروري مشكورين
عرض للطباعة
الزملاء الأفاضل ...السلام عليكم ورحمة الله وبركاته
ممكن بإذن الله يتوفر معايا من 35-40 ألف ياريت تنصحوني اشتري ايه (مستعمل طبعآ) يناسب الطرق المصرية
واشتري الآن أم انتظر لما الأزمة تعدي علي خير؟؟
منتظر رضكم ضروري مشكورين
لانوس 99 او 2000
اكسنت او نوبيرا
انتظر حتى تتضح الأمور حتى لا تندم
زى ما الاساتذة قال لحضرتك لانوس او اكسنت او اكسيل
ولو اكسيل عن تجربة لرخص قطع غيارها مثل ال 128 وسهولة صيانتها جداااااااااا وعربية ممتازة والاكسنت ممتازة برضه جداااااا
اعتقد انتظر قليلا باذن الله اسعار العربيات تنزل وتقدر تجيب عربية كويسة في حدود السعر دا
لانوس وانصحك تصبر شويه لان كل الناس شايفه ان المستعمل سعره هينزل الفتره الجايه
الزملاء الأفاضل شكرآ جزيلآ لردكم واهتمامكم ...ومش عارف اعبر لكم عن تقديري لكم
وجزاكم الله خير
خليك في الصيني بس بلاش منه علشان نعوش متحركه
يا ترى الاسعار بعد التنحى هتزيد ولا هتقل السؤال دة محتاج حد خبرة يقولنا علشان نفهم
اه والله يا ريت حد يفيدنا
و كمان انا كنت سمعت ان الاسعار بتزيد فى الصيف يا ترى الكلام ده صحيح؟
من وجهة نظرى العامه ان الاسعار عموما ممكن تزيد شويه بس مش عارف هل ده ينطبق على سوق السيارات وللا لأ
يا ريت حد من اهل الخبرة يفيدنا
طبعا المفروض اننا طالعين من ازمه مش ممكن الاسعار تقل اليومين اللي جايين بل بالعكس ممكن اصناف تقل وممكن تغلي اضعاف سعرها (وده بيكون جشع من التجار)
ممكن اخر السنه الاسعار تبتدي تهدأ شويه ولو فيه خطه اصلاح حقيقي الاسعار هتنزل النص من 6/2012 اللي جاي
والله المستعان
الأزمة الاقتصادية اللي دخلنا فيها بسبب الثورة هتتسبب مباشرة في رفع اسعار السيارات الجديدة وانخفاض نسبي في سعر السيارات المستعملة
لا يلبث الأمر ان يحدث ارتفاع ايضا في سعر السيارات المستعملة
فور استعادة الاقتصاد لمكانه وثبات قيمة الجنيه
في اللحظة دي ممكن الحكومة تعمل خطة لخفض اسعار العربيات
الاخبار اللي وصلت لي ان اسعار منتجات الشركه (اجهزة منزلية) اللى شغال فيها هتزيد نتيجه لزياده اسعار المواد الخام المستورده
هل الواحد يشتري دلوقتي ولا يستنى شوية ؟ أنا ناوي اشتري زيرو. شكرا
في رأي الشخصي ان السوق نايم و ممكن ان التجار يتنازلوا شويه من مكسبهم عشان يبيعوا المخزون اللي عندهم
لو هتشتري زيرو اشتري حالا في اقرب فرصة
-اعتقد بصورة شبه مؤكدة ان اسعار الزيرو هتزيد في الفترة القادمة -
وزير المالية بيقول ان التوقعات ان الاقتصاد المصرى سوف يتراجع من 5.3 إلى 3.7 في المائة خلال 2011
فعلا ممكن تغلا لان في زيادة في الطلب ونقص في العرض
وانتهز الفرصة كمان واتمنى ان منتجات المواد الغذائية والادوية تيقى مطابقة للمواصفات العالمية
وبلاش مصانع تحت السلم ونتقي ربنا في صحة مصر ونبعد عن الغش
فعلا لو زيرو اشتري دلوقتي
والله الموضوع مقلق ومحير ..
وكمان المعارض كثير منها تعرض للتخريب
والشهر العقاري الله أعلم اشتغل ويمارس مهامه ولا لأ ؟
والمرور كذلك
الي اسمعه من اول مالحكايه دي بدأت
والمعارض بتحرق عشان تبيع
فمن رأيي برضه اشتري دلوقتي وفاصل براحتك
لان شكلها هتزيد فعلا ً
الحميع يؤيد فكره الشراء اتكل على الله ومتنساش الاستخاره
قرار صعب
بس برضه خلي بالك ان الامن منعدم اليومين دول لاني والله برضه في نفس حيرتك
توكل على الله واشترى