يوم الغضب
هو صوتي ليه مش بيوصل غير لما بتخنق؟
و صورتي ليه مش بتطلع غير لما بتحرق؟
ولا بتحسوابوجودي غير لما بتفلق..!!
بتسأل ليه الغضب؟
من الظلم اللى عليا اتكتب
من القسوة اللي خلت الحجر نطق
من الوليد اللى دمعه في المهد إنسكب
من الشعب اللى ماشي يلعن
العيشة ع اليوم اللى فيه اتخلق
بس هقولها كلمة و أسجلها بدمي ع الورق
يا ما كان زمان فيه جبابرة
واسمها من الوجود دلوقتي إتشطب
ليه الغضب؟
جربت تشوف أحلامك بالرجل بتندهس؟
جربت تسرق قوت يومك وانت بتنهرس؟
جربت تنهان كرامتك وما حد بيك يكترث؟
أو تبقى وسط الخطر وما حد يقولك احترس؟
ولسة بتسألني ليه الغضب؟
عشان أحس اني انسان مرة محترم
عشان أحس انى سليل الفراعنة بناة الهرم
مش هموت لو مرة أتهزم أو ألف مرة أتظلم
لكن هموت لو تضيع حريتي وتضيع معالم شخصيتي
ويقولوا عني قال ايه؟ راجل محترم!!
بطلت أغمض عيوني وأبلع لساني
وأرضى بحالي وأعيش واحد من الغنم
ما خلاص طفح الكيل وطلع المارد من القمقم
وصرخ وقال :ـ
يا يحرروني وينصفوني
أو يسيبوني أموت تحت سفحك يا هرم
بقلمي totaa