الموضوع: سؤال للأخوة ساكني مدينة العبور - روحتوا إزاي إمبارح؟؟

40 مواطنا يقطعون طريق مصر الإسماعيلية الصحراوى

قطع قرابة 40 مواطنا طريق مصر ـ إسماعيلية الصحراوى حاملين العصى والسلاح الأبيض، واعتدوا على السيارات المارة بالطريق وأحدثوا بها العديد من التلفيات، الأمر الذى أدى إلى حدوث الرعب فى قلوب المارة.وأرجعت مصادر سبب الأزمة

إلى حجز المحتجين شقق سكنية بمدينة السلام منذ سنوات، إلا أنهم لم يتسلموها حتى الآن، وهو الأمر الذى دفعهم لقطع الطريق لإجبار الجهات المعنية على تنفيذ مطالبهم.

المصدر : http://100fm6.com/vb/showthread.php?t=249982 - 100fm6.com

المشاركة الأصلية كتبت بواسطة م.احمد زكريا

وهو في حد يسلم حد حاجة

ده إيه السبهلله دي

دي مش سبهلله دة استهبال رسمي وإنعدام اخلاقي

يعني أية يقفلوا طريق حيوي زي دة وكمان أي حد عايز يعدي ملوش ذنب ف اللي حصلهم يكسرولو عربيتة بدون ادني احساس بالمسئولية وبدون وجود أي رادع ليهم.

المشكله ان إغلاق طريق مصر الاسماعلية بيمنع الوصول لمدن زي العبور والشروق

ومفيش قدامك غير طريق الحرفين السلام وتطلع علي طريق بلبيس ودة طبعاً مكسر وكان متكدس جداً بالعربيات ومتوقف تماماً أو تدخل طريق السويس وتطلع منة علي الشروق ثم العبور ودة طويل جداً وبرضة سمعت ان طريق السويس بقي زحمة بسبب وجود كمائن الجيش علي الطريق.

يا ريت لو حد يعرف حالة الطريق انهاردة أو لو حد يعرف طريق أخر يبلغنا ؟؟؟؟