الموضوع: عملت صيانه للنيسان ولكن يوجد بعض المشاكل فى البحث عن قطع غيار

المشاركة الأصلية كتبت بواسطة ahmed.tv

اذا كانت شركة الاهرام هى اللى فى شارع الجمهورية يبقا ده فرع ليها فى فيصل و يبقا تمام

الشركة دى بتلاقوا عندنا الفوانيس

ممكن تشترى وش فانوس وتركبه لو اتشرح مش شرط فانوس كامل باللمض بتعته

وبخصوص موضوع الفوانيس بلمض ليدات , فى واحد زميلنا مركبهم فى عربيته نيسان صنى وكان شكلهم جميل وتحفة جداااا
ولما سالته على سعرهم قالى ب750 جنيه
بس مش فاكر الاتنين ام الواحد وقالى انه كان جايبهم من محل عامل اعلانه على الفيس بوك على ما اتذكر انه كان جو اكسسورز
على العموم حكلمه وابقا اعرف واتاكد منه

وبخصوص قطع الغيار فى المكيانيكا
ممكن حضرتك تسال فى محلات كتير فى التوفيقية مشهورة زى مثلا الدقاق
وفى حتلاقى فى الحرفين كمان محلات كتير منهم محلات بتبيع الاصلى زى محمد جابر وعندك بردوا عبد الرحمن عزت بس استيراد وممكن تلاقى جديد
وعندك حتلاقى فى محلات فى فيصل كتير , ناس قالوا فى اول فيصل فى محل هناك مشهور جدا بس مش فاكر اسمه وفى عندك فى المريوطية كان عضو معانا قال انه هناك محل
هى عاوزة لف شوية

بخصوص الفوجات حتلاقى من 200 وانت طالع
بس نصيحة بالله عليك هات حاجة محترمة وتكون جودتها جيدة
وتقبل تحياتى

بالنسبه للفوجات انا مستنى لما الاقى حاجه نظيفه جدا علشان اركبها علشان انساها خالص خالص وبالنسبه للنور الامامى هيا المشكله انه ضعيف وعايز اغيره بس مش لاقى النوع ال انا عايزه h1 ومش عارف اجيبه منين