طالما الموضوع ديمقراطية: يبقى أنا مش عاجبي تكرار " وائل غنيم " عبارة لا تجعلوا مني بط

**osoliman88** · 08-02-2011 11:51 AM

لا أحد ينكر ما فعله وائل غنيم
ما من أحد إلا وبكي بكاء شهيدا أكثر من مرة في برنامج العاشرة مساء
ولكن..
بصراحة أنا ما كانش عاجبي كل شوية يقول " أرجوك لا تصنعوا مني بطل" وتكرارها بمناسبة وبدون مناسبة أكثر من عشرين مرة، على الرغم من أنه لم وصفه أحد بالبطل. المهم ... قلت مش مشكلة ربما يكون مشوشا نتيجة للضغوط الرهيبة التي مر بها، ثم يعود للإتزان مرة أخرى.
ولكن اليوم يقوم بتكرار نفس العبارة في قناة Ontv , في لقطات على قناة الجزيرة. أرجو أن يتوقف عن إعادة هذه الكلمات، لأنها قد يشعر بها البعض أنه يريد الناس أن يصفوه بهذه الصفة. كما أن الأبطال الحقيقين - بلا نزاع - هم الشهداء والمصابين والمشاركين بالفعل في هذه الثورة ، أكثر ممن حرض لها ، بلا شك، وهذا ما يقوله وائل غنيم .

أنا ترددت كثيرا في كتابة هذه الكلمات ، خوفا من الهجوم من الآخرين الذين قد يسئوا فهم كلامي.

أرجو ألا أكون أغضبت أحد ، فهو مجرد رأي شخصي يحتمل الصواب والخطأ

**أبو_حمزة** · 08-02-2011 12:06 PM

12 يوم مغميين عينيه و لا يسمع أو يشم شيئ
نفس طريقة التعذيبفى جوانتانامو
الهدف منها ان السجين يفقد الاحساس بالزمان و المكان
و يفقد القدرة على التفكير المنطقى و التمييز بين الواقع و الخيال
طبيعى انه يكون مشوش بالذات بعد ما خرج لقى الدنيا كلها قايمة و البلد فيها ثورة حقيقية
يا رب تكمل على خير ونبدأ نخلص من الفساد

**ahmed4000** · 08-02-2011 12:14 PM

هو لسه مشوش ياجماعة وتخيل انك نمت وصحيت بعد يومين قالولك فى ثورة قامت والحكومة اتشالت واتعين نائب والريس مش حيجدد وجمال وعز والشريف اتخلعوا وفى كام وزير ممنوعين من السفر وبيتحقق معاهم

حتفتكر نفسك بتحلم صح؟

بس فعلا الناس عملته بطل

انا ليا تعليق تانى بس مش عايز اقوله علشان منقلبش الموضوع خناقة

وهو انا ناس كتير اوى غيرت موقفها ونازلة التحرير بعد مشاهدة الحلقة؟

طيب ليه؟

هل الناس دى كانت فاكرة ان شباب التحرير خونة مثلا وفجاءة اقتنعت انهم وطنيين؟ طيب مهم وطنين واحنا معترفين بكده من الاول وان كان هو اختلاف اراء وتصور

بقول كده لانى قريت كذا مرة كلمت..انا عرفت الحقيقة.... والحقيقة بانت....

حقيقة ايه؟؟؟؟

انا عن نفسي ارائى زى ومتغيرتش بعد الحلقة وهى انا بايد الثورة قلبا وقالبا ونفسي مبارك يمشى بس ممكن الموضوع ده يتاجل كام شهر ولو ممشيش الناس تنزله فى كل الشوارع مش فى التحرير بس..ومحدش يقول مش حينفع نتلم تانى...الشعب ده اثبت خلاص انه بره حدود اى توقعات

**dodino2006** · 08-02-2011 12:31 PM

اعتقد ان الموضوع مش انه مشوش, بس تخيل واحد فجأة اتلقي وزير الداخلية قاعد معاه, و أمين الحزب الوطني راح يجيبه و يوصله البيت, و كم هائل من مندوبي وسائل الاعلام مستنيين تحت بيته علشان يعملوا معاه احاديث, و اكيد عرف من الناس اللي حواليه الحديث الذي لم ينقطع عنه في الايام الأخيرة, فطبيعي يستنتج انه تم اعتباره بطل وطني و طلب من الناس عدم اعتباره كذلك....

.

**mido_soliman** · 08-02-2011 12:45 PM

طبيعى جدا ودة بينم على شخص متواضع وطيب ومحطم نفسيا وياريت منبقاش اعدين مدفيين ونبدا من اول جملة نتهم الناس ونحللهم ونقول عجبنى ومعجبنيش بس عموما احنا شعب نمرود مبنرضاش باى حاجة علشان كدة عمرنا ما حنتقدم

**otefa** · 08-02-2011 01:10 PM

المشاركة الأصلية كتبت بواسطة dodino2006

اعتقد ان الموضوع مش انه مشوش, بس تخيل واحد فجأة اتلقي وزير الداخلية قاعد معاه, و أمين الحزب الوطني راح يجيبه و يوصله البيت, و كم هائل من مندوبي وسائل الاعلام مستنيين تحت بيته علشان يعملوا معاه احاديث, و اكيد عرف من الناس اللي حواليه الحديث الذي لم ينقطع عنه في الايام الأخيرة, فطبيعي يستنتج انه تم اعتباره بطل وطني و طلب من الناس عدم اعتباره كذلك....

.

تحليل منطقي محترم أحييك عليه

**osoliman88** · 08-02-2011 01:15 PM

المشاركة الأصلية كتبت بواسطة otefa

لاحظتها ومستغرب برده!

الحمد لله أني مش لوحدي

وللعلم كررها تاني في لقاء مع قناة العربية، أنا لسه شايف هذه اللقطة الآن

**Dr Ahmed** · 08-02-2011 01:22 PM

معلش يا اللى مستغربين سامحوه على غلطته الشنيعة دى واللى تستاهل إفراد مواضيع ليها! وركزوا فى خطاب نائب الرئيس لل ABC واللى ظهر فيه على حقيقته اللى مش عايزين تصدقوها وقولوا لى رأيكم
Interview With Amb Sameh Shoukry - ABC News

-

-

الموضوع: طالما الموضوع ديمقراطية: يبقى أنا مش عاجبي تكرار " وائل غنيم " عبارة لا تجعلوا مني بط

LinkBack

أدوات الموضوع

عرض

طالما الموضوع ديمقراطية: يبقى أنا مش عاجبي تكرار " وائل غنيم " عبارة لا تجعلوا مني بط - انشر الموضوع فى :

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة