الموضوع: ممكن نفكر بهدوء فى من هو الرئيس القادم ؟

أنا مع عمرو موسى لانه احسن واحد على الساحة
وبعد ما سمعت كلام عمر سليمان على abc اكتشفت انه لو مسك البلد هتبقى أزهى عصور الدكتاتورية
الكلام ده خطير ويا ريت قبل ما حد يأيد عمر سليمان يشوف الكلام اللي اتقال قبل ما نضيع البلد لأن صوتك أمانة

المشاركة الأصلية كتبت بواسطة Amr_tika88

اما بالنسبة للبرادعي انا شايف انه لايصلح رئيسا للجمهورية انما ينفع انه يكون احد التيارات السياسية الموجودة على الساحة لاننا دولة ديمقراطية تؤمن بحرية الراي - خصوصا ان ابنته متزوجه من يهودي وده دليل كافي على توجهه العلماني الواضح وده اللي خلاني اصدق انه علماني وده مينفعش غير انه يبقى تيار في مصر مش اكتر ،اعتقد انه ده الوقت المناسب لعودة الطيور المهاجرة لخدمة مصر مثل دكتور زويل ومصطفى السيد
واتمنى ان الحكومة القادمة يحكمها رجل سياسه وليس رجل عسكري

مترميش الناس بالباطل لان ربنا هيحاسبك على اي كلمة قلتها حتى لو بتردد الكلام اللي قاله العيال بتاعت الحزب الفاسد
ايه دليلك ان بنته متجوزه يهودي (اوعى تجيبلي الصورة المضروبة بتاعت الفيس بوك)
وهو وقف قدام الامريكان في الملف النووي بتاع العراق ومسلمهاش زي ما بيقولو وكمان حذر إسرائيل من ادعائها بإن سوريا فيها نووي والاعجب ان القاهرة حذرت تل أبيب من التدخل في شغل البرادعي!!!! والجرايد الحكومية كانت بتندد ولما جه وقال رأيه بصراحه طعنو في شرفه وعروبته ووطنيته!!
وعلى أساس ان مارينا مش مليانه ببنات الحزب وطني

اكيد طريقة اختيار الرئيس القادم انا بفترض فيها الشفافيه وتعديل الدستور مع الرقابه الدوليه (ضرورة جدا)

اختياراتى كالتالى

1- رئيس الجمهوريه - احمد شفيق (عندة رصيد نجاح من العمل الميدانى )
2- نائب رئيس الجمهوريه - عمر سلمان (عمرة قصير )
3- رئيس الوزراء - رشيد محمد رشيد (الكل شهد له بالنجاح وطهارة الايد)
4- وزير الخارجية - عمرو موسى (بيعرف يتكلم كويس )

5- تكوين حزب جديد بقيادة البرادعى ليكون سيف ورقيب قوى على النظام
والله البرادعى هنستفيد به اكثر لو يكون خارج البرواز ويكون معارض قوى
محدش ينكر ان اول من رمى الحجر فى بركة المياة الراكدة وانتقض مبارك مباشرة
واكيد الى انتقض مبارك هيعرف ينقض الى بعد مبارك بسهوله

6- الغاء وزارة الاعلام

تكمله للرد
بعد ماجبنا رئيس يدعم الحريات و اصبحنا لا نخشي علي ثورتنا يجي واحد بيفهم في الاقتصاد يوقف البلد تاني علي رجلها ويرفع من مستوي المعيشه للمواطنين ويبني اقتصاد قوي علي فكره تركيا عملت كل نهضتها دي في 10 سنين يعني مدتين بالكتير
وبعد كده يجي واحد يكون كل هدفه التعيم سواء الاساسي او الجامعي علشان يبقي عندنا عقول تقدر تنقل البلد دي للمستو اللي بعده وهكذا رئيس كل هدفه يكون الصحه واللي بعده ةاللي بعده كل واحد يكون له هدفه اللي محدده واللي بيفهم فيه وبكده كل واحد مش حيقارن نفسه باللي قبله ويحاول يهد اللي عمله لا ده كده كل واحد يركز في هدفه ويحاول يكمل اللي قبله
وا خيرا
اسف جدا جدا جدا علب الرد الطويل جدا جدا جدا