تم اعادع لحام قايم العربية اللى فى الجانب اليمين للعربية لانه كان بيزيق عند الفرامل المفاجئة والضغط على البنزين مره اخرى بسرعه وتم علاج الموضوع ايضا بفعالية
تم اعادع لحام قايم العربية اللى فى الجانب اليمين للعربية لانه كان بيزيق عند الفرامل المفاجئة والضغط على البنزين مره اخرى بسرعه وتم علاج الموضوع ايضا بفعالية
السلام عليكماقتباس:
المشاركة الأصلية كتبت بواسطة amrsabet
ا/عمرو ... كيف حالك
انا كنت عايز اعرف العيب ده ايه بالظبط .... واكتشفته ازاي ..... وعالجته فين .... والفنين مين اللي عملوه ؟؟
وفي التوكيل فعلا .... خدوا المسألة بجدية ولا لأ
منتظر من حضرتك رد ... علشان فعلا اول مرة اسمع عن حاجة كده
تقبل مروري ... واسف علي الاطالة
حضرتك ممكن تقولنا العربية موديل كام عشان يحصل فيها الكلام ده ؟
لأن انا زعلان اوي علي الموضوع ده
انا عربيتى كنت شاريها زيرو فى شهر 5/2008 وكل العيوب اللى ظهرت فى العربية فى فترة اول 3 شهور العيب بتاع القايم كان بيظهر فى صورة تزيق عند الفرامل والضغط على دواسة البنزين بسرعة فى نفس الوقت وبمكن عشان انا بالى طويل المهم انا من خلال تعاملى مع مركز السيع المهندس محمد عمر فى التوقيت ده كان مهندس الاستقبال قبل ما يترأ المهم عشان نوصل للمشكلة فين خدنا خطوات كالاتى :
اولا : شيلنا مخدع كرسى الراكب الامامى
ثانيا : شيلنا كرسى الراكب الامامى
ثالثا شيلنا الكنبة الخلفية
رابعا شيلنا فبر الابواب الجانبية لحد موصلنا ان الصوت جاى من القايم
سبب العيب وده اللى انا شوفتوا بعنيا فى المصنع العربية بيتم لحام الصاح بتاع السقف والقوايم والصدر والشنطة باستخدام جهاز لحام نازل من السقف بسلوك كتير والفنى بيستخدم الجهاز ده فى اللحام ولما قوة الجهاز بتقل مفروض انه يبلغ المشرف عشان يتم معالجة الامر قبل مايكمل
اللى حصل ان القايم اليمين عندى فى العربية بيبقى حولية 8 بنط لحام (4 فى اليمين + 4 فى الشمال ) انا كان عندى بنطة لحام من اللى فى الجانب اليمين اقل قوة من ال 3 الباقيين لان الاستاذ الفنى لما لقا الجهاز خف تحت ايده كمل عادى منغير مايبلغ المشرف
الحقيقة انا عربيتيى بعد ماتصلحت طبعا اعده 3 ايام والمصنع ادانى عربية سوبر صالون نبيتى بتاعة المصنع لحد مايزيطوا العربية وفعلا العربية اتصلحت وكانت كويسة بالاضافة الى موضوع الكراسى بتاعتى
انا اختارت 5 عربيات عشوائى من وسط 100 عربية فى المصنع وجربتهم على الرامب بتاع التست اللى الفنى بتاع توكيد الجوده بيطلع يجرب عليه العربية قبل ما يقول ok عليها ده بعد PDA ولقيت ان العربيات بتطلع من المصنع فعلا سليمة لكن العيوب ان ظهرت بتظهر بعد كده عشان كده الضمان مهم جدا وخاصة لو من توكيل محترم زى نيسان
انا تحت امر الناس الاعضاء فى اى استفسار لانى غيرت حاجات كتير فى الضمان وده اللى مخلينى اقول ان توكيل نيسان توكيل محترم
بجد مشكله تسي\ لسمعه منصنع نيسان و كان المفروض يغيرو العربيه كلها علشان ده عيب تصنيع كنت ممكن تقدم شكوي لحمايه المستهلك
تحية كبيرة فعلا لمصنع نيسان ولشركة نيسان ,انا مش مصدق ان فى توكيل محترم بيعمل كدا والله
حتى الاحترام انهم اعطوك سيارة من عندهم كمان تمشى بيها امورك
ناس قمة فى الذوق واحترام العميل
وهو ده اللى بيميزهم عن اى توكيل اخر
السلام عليكماقتباس:
المشاركة الأصلية كتبت بواسطة amrsabet
اخي الكريم
كيف حالك .... اتمني لك دوام الصحة والعافية
اولا شاااكر جدا شرحك الوافي للموضوع ده .. لاني فعلا اول مرة اسمعه .. والحمد لله انه اتذكر بعد ما اشتريت الصني علشان مقفلش منها
وثاينا بحي جدا في حضرتك طولة البال ديه وربنا يعوضك بيها خير ان شاء الله
ويعني سبحان الله ان حضرتك اكتشفتها علشان المصنع ومشرفين الجوده ياخدوا بالهم من حاجة زي ديه
ديه حاجة مش قليلة خاااالص ... والفني اللي عاملها يقرصوا عليه علشان يتقي الله في اكل عيشه
وبصراحة حركة انهم ادولك عربية تمشي بيها لغاية ما تخلص ديه احترمتها فيهم اوي
بس هما كان تعاملهم معاك عامل ازاي؟؟؟
يعني مشيت علي نفس نهج المعاملة المصرية (يعني تشخط وتزعق وكده علشان تاخد حقك)
ولا الناس كانوا حاسين بغلطهم وبيتكلموا مع حضرتك ازاي .... وصوت التزييق راح وخلاص ولا ايه ؟؟؟
اسف للاطالة وربنا يرزقكك غيرها ويكفيك شرها
السلام عليكماقتباس:
المشاركة الأصلية كتبت بواسطة sedyrohy
ا/أحمد ...... كيف حالك
ايه فين كمالياتك الجميلة ....... :))
هي الفكرة انه ممكن يكون رخص العربية وطلع الرخصة ومكتوب فيها اكيد الشاسيه والماتور
وعلشان يغيرها .. مش عارف ممكن تكون مشكلة؟؟؟ .......... ولا ايه رأيك
وغير كده انا سمعت ان جهاز حماية المستهلك ده ولا ليه لازمة ... ومبيفدش حد
ده صحيح ولا لا؟؟؟
تقبل مروري
عزيزي الاستاذ عمرو ثابت صاحب الموضوع
بصراحة انا لمست في حضرتك نوع جميل جدا من الرقي و التميز في سرد تجربتك بكل احترام و طبعا الرقي في التعامل ده يخلي اللي قدامه ينكسف من نفسه و يعمل كل ما يقدر عليه عشان يرديك
عشان كده ربنا رتب لك انك يكون معاك الصني و كمان يكون معاك التوكيل المحترم ده عشان يساعدك و يحل لك المشكلة اللي كانت في العربية و طبعا المهم انك تكون راضي و مرضي
ورغم ان العربية معاك من سنة 2008 و كنت صابر كل ده الا ان التوكيل برده مسابكش و فك العربية حتة حتة لغاية ما اعطوك النتيجة و بالتالي تم تصليح العيب مع التعويض بعربية للاستخدام لحين تصليح عربيتك
علي العموم اهلا اهلا بيك في قسم نيسان نادي نايل موتورز و احنا كلنا معاك و بشكرك مرة تانية علي سرد تجربتك المميزة الراقية
الحقيقة انا شكرت فى توكيل نيسان لانى حليت مشاكلى معاهم بدون شخط ولا حاجة الحكاية انك تتبع الطرق الشرعية فى حل المشاكل وانك تكون بتفهم لانى للاسف زى ماقولت لو الفنى اللى قدامك حس انك مش فاهم هيقولك هى دى طبية العربية ودى اسهل كلمة ممكن تسمعها من اى توكيل
انا عربيتيى كل العيوب اللى ظهرت فيها كانت اول 3 شهور من الاستخدام قبل تجاوز اللى 4000 كم عشان كده انا حليت مشاكل فى مركز السبع و مودرن موتورز الهايكستب و باقى الحاجات اللى مركز الصيانة معرفش يحلها المصنع حلها
اناهذكر حاجة انى كنت بروج مركز السبع اقولهم العربية فيها صوت جاى من الحتة الفلانية ومفروض يتعمل كذا عشان يتظبط الاقى احد مشرفى الورشة يقوللى العربية اتعملت خلاص ويطلعها بره المركز رغم انه معملش اللى انا قولت علية ويمكن عشان انابعرف اتعامل مع الناس كويس جبت مدير المركز ووريته امر الشغل وجبت المشرف ادامه وخليته يقول انه عمل الحاجة اللى انا طلبتها وبعدين خليت مدير المركز يشوف ان الحاجة دى زى ماهيا متعملتش والنتيجة انه مشا المشرف من المركز
الحكاية دى فى مركز السبع والمشرف كان اسمه حسام وطبعا مهندس معتز هو مدير المركز
الغريبة انى بعد استخدامى للعربية سنتين وشهرين وبعدين بعتها وجبت فيرنا حسيت بقيمة التعامل مع توكيل محترم وى نيسان بالرغم ان فيه ناس فى خدمة مابعد البيع فى المصنع زى م / احمد نور لايصلح انه يعمل فى نيسان على عكس م / محمد حفنى كان فى خدمة مابعد البيع قمة فى الاحترام والتعاون وانا عرفت بعد كده انه راح فى التسويق
مصر فيها منظمات كبيرة بتتبنى على اشخاص وده شىء غلط لانى كنت ممكن اقول ان توكيل نيسان زبالة لو كنت اتعاملت مع م / احمد نور على طول الخط طوال فترة حلى لمشاكل العربية
انابعت عربيتيى فى شهر 7 /2010 لكن لحد دلوقتى اناتحت امر الاعضاء فى اى استشارة او مساعدة