الموضوع: إزاي اقدر احكم إن العربية بتأكل بنزين أكتر من المعدل الطبيعي

المشاركة الأصلية كتبت بواسطة superhano

يا إخوانا
لو سمحتم حد يقولي إزاي اقدر احكم إن العربية بتأكل بنزين أكتر من المعدل الطبيعي, وكيفية ضبطة علي المعدل الطبيعي.
طبيعة إستخدامي:
- 400ك = 40لتر
- كلة علي طريق سفر 120كم/س
(sunny 2001 ex salon)

هو فين صحيح بشمهندس سبعاوي يا رجالة؟

السلام عليكم
اخي الكريم ...... كيف حالك؟؟
هو حضرتك لسه شاريها قريب ... ولا معاك من زمان ؟؟
وهي اوتو ولا مانيوال ؟
وهي 1600 ولا 1300 .... علشان هاتفرق طبعا
وقيستها صح؟ ... يعني فولت ومشيت بيها وفولت تاني وشوفت هي استهلكت قد ايه؟؟
هي ديه اسئلة ان شاء الله تساعد الاعضاء انهم يردوا علي حضرتك ان شاء الله
تقبل مروري

اى عربية بعد 90 كم بتاكل بنزين

اولا لازم تاخد بالك ان فى حاجات ممكن تاثر على الاستهلاك .. ممكن متكونش واخد بالك منها وده حتلاقيه عموما فى الموضوع ده :

بص على الموضوع ده

ثانيا عاوز تحكم على الاستهلاك .. اطلع على طريق سفر وفول العربية ومتعديش فى السرعة 100 كيلو مش 120
وامشى مسافة 200 كيلو وارجع فول تانى وشوف اللى انت حطيته بعد التفويلة التانية حيكون كام لتر , واللى حيطلع وتقيسه هو ده استهلاك فى ال200 كيلو اللى انت عملتهم على الطريق الطوالى

ولو طلع ان العربية بعد تظبيط الكلام ده كله استهلاك العربية فى الطوالى وعلى سرعة 100 وتظبيط هواء الكاوتش بالمقاسات الجديدة 36/33 بتعمل اقل من 220 فى الطوالى فى ال20 لتر يبقا فى مشكلة عندك

متنساش بس ..تظبط الكاوتش على المقاس الجديد ولو حتزود هوا يبقا فى بنزينة الامارات او عند اى حد عنده جهاز ديجتال يكون افضل

والافضل طبعا وانت بتظبط الكاوتش تحط بدل الهوا تحط نيتروجين لانه احسن واعمله فى بريدج ستون , لان النتيروجين بيخلى اداء العربية افضل من نواحى كتير زى الميكانيكا والعفشة واستهلاك البنزين

وابقا قولنا فى الاخر ايه الاخبار