حصلت عندى حاجة ومحيرانى
من كام يوم لاحظت ريحة بنزين و العربية دايرة !! فتحت الكبوت لاقيت خرطوم البنزين بينقط بنزين كتير لدرجة ان الحوض اللى تحت الكاربرتير اتملى بنزين ونزله على جسم الموتور
المهم لما فكيت الخرطوم وقطعت منه جزء وركبته اكتشفت مصدر نزول البنزين وهو مكان الباشبورى نفسه المثبت فى جسم الكاربراتير حاولت احركه لاقيته فيه بوش
المهم طلعته وحاولت اعمله تخشينة . لكن للاسف وقع منى فى قلب جسم الموتور مابين الصاجة اللى اعلى الفرن وكانت الدنيا ليل وكانت لحظة ربنا مايوريهالكم كنت مخنوق حالوت احل اى شئ ممكن احله علشان اطلع الباشبورى لكن للاسف دون جدوى
المهم تانى يوم روحت لميكانيكى وجاب لى ماسورة نحاس وفقها طبعا ولف عليها تيفلون وشحطها فى الكاربرتير ولزقها بواسطة مادتين لصق و الحمد لله البنزين منع وبقت قشطة
لكن الملاحظة اللى ظهرت ان صوت الموتور بقى عالى على السرنسيه
وحاولت اظبط الصوت عن طريف مسمار الريجلاش بتاع الكاربرتير لادنى مستوى وكان الموتور بيبطل
وصوته بصراحة مضايقنى
ياترى ممكن تكون الماسورة دى سبب العلو فى الصوت علما بان قطرها اكبر من قطر الباشبورى حوالى 5 مم
على فكرة السيارة نصر 128
وقبل ما الاحظ موضوع تسريب البنزين حصل موقف انى لما اشيل رجلى من على دواسة البنزين العربية تبطل فطبعا اضطريت انى اشد الشفاط حبتين علشان متبطلش
وعلى فكرة لما جيت اظبت المسمار بتاع الريجلاش فكيت الكابل بتاع الشفاط وخلايته على راحته (يعنى مش مشدود ) علشان اتاكد انه ملوش اى علاقة بالصوت العالى للموتور
اخيرا : اسف على الاطاله وفى انتظار ردودكم
شاكر لسيادتكم حسن تعاونكم معنا