كنت عاوز اسأل عن عربية اسمها بينى سعرها 50 ألف وصينى وبيقولوا بتتصلح فى سوزوكى او موتورها سوزوكى تقريبا حاجة كدة ، حد يعرف عنها حاجة ؟ اسمها حتى بالانجليزى ازاى ..
عرض للطباعة
كنت عاوز اسأل عن عربية اسمها بينى سعرها 50 ألف وصينى وبيقولوا بتتصلح فى سوزوكى او موتورها سوزوكى تقريبا حاجة كدة ، حد يعرف عنها حاجة ؟ اسمها حتى بالانجليزى ازاى ..
لأ ابعد عنها حاجة اي كلام زي كل الصيني
طب متعرفش اسمها ايه بالظبط ولا حتى شكلها ايه ؟ اصل انا عاوزها لاختى والراجل قاللى انها حلوة وصاجها جامد واحلى من الاسبيرانزا بكتير وفى نفس الوقت سعرها معقول جدا ...
بس يا سيدى لو انت تقصد اللى انا شفتها ( الطارق فى كارفور اسكندرية ) فيه عربية 1300 سى سى مانيوال طبعا تكيبف مافيهاش باور 2 زجاج كهرباء بس على غير العادى و راديو سى دى شكلها عادى مش حلو اوى يعنى هاتش باك و صغيره طبعا الخامات المستخدمة و التقفيل ممكن تقول عليه تقفيل عربية لعبة و كذلك الموتور منظره مايريحش خالص مزنوق خالص و التقفيل بتاعه تعبان جدا
ممكن يا اخى العزيز تشوف الموضوع دة و إن شاء الله يفيدك
http://nilemotors.net/Nile/showthread.php?t=11723
بلاش احسن خليك فى الألتو اضمن او بيكانتو كسر زيرو
يعنى ايه كسر زيرو يا فهد ؟
انا برضه متطمنتش للعربية خاصة إنى اول مرة اسمع عن اسمها .
يعنى بتبقى جديدة تقريبا يعنى بتبقى موديل 2006 - 2007 و عدد كيلومترات قليل و علشان كدة بيسموها كسر زيرو لأنها كسرت انها زيرو و لكنها مش مستعملة اوى