جراند بونتو 2009 اوبشنز ؟؟؟؟

**Morientis** · 08-02-2011 04:59 PM

لو سمحتوا يا جماعه كنت عايز اعرف الاوبشنز اللي في الجراند بونتو 2009 كامله مانيوال عشان انا قدامي واحده و بفكر جديا اني اشتريها و سعرها كمان كويس

و ياريت كمان رأيكوا في العربيه ده و هي حالتها كويسه و راشه من بره نضافه بس

شكرا مقدما

**karimalaa** · 08-02-2011 06:05 PM

خلي بالك رشه من برة نضافة ديه تقلق برده!
العربية فيها 2 ايرباج و باور درجتين ( سيتي و عادي )....كاسيت audio...سنتر ريموت بالمفتاح.....ازاز كهرباء أمامي فقط.
لو في أسئلة يكون أحسن عشان أقدر أفيدك....

**Morientis** · 08-02-2011 06:55 PM

المشاركة الأصلية كتبت بواسطة karimalaa

خلي بالك رشه من برة نضافة ديه تقلق برده!
العربية فيها 2 ايرباج و باور درجتين ( سيتي و عادي )....كاسيت audio...سنتر ريموت بالمفتاح.....ازاز كهرباء أمامي فقط.
لو في أسئلة يكون أحسن عشان أقدر أفيدك....

شكرا لرد حضرتك

انا لسه ماعاينتش العربيه بالتفصيل انا بس شفتها بشكل عام و كانت الحاله العامه كويس
و كده كده انا ان شاء الله هاعاينها عند كذا ميكانيكي معرفه يفيدوني اكتر في اللي انا مافهمش فيه
بس صاحب العربيه قالي انها مرشوشه بس عشان كان فيه كام خربوش مش اكتر و ماحصلهاش حاجه خالص قبل كده
هي المفروض هاتروح يتعملها صيانه ال30000 في التوكيل ان شاء الله

بشكل عام انا عايز اعرف رأي حضرتك في العربيه دي ؟
الاوبشنز كلها في الموديل ده (فوج لايت, طاره مالتي فانكشن الخ........)
ايه عيوبها؟
ايه اهم حاجه اركز عليها وانا بعاينها ؟
كمان عايز اعرف هل هي ماشيه كده كتير ولا لأ؟
هل في صيانه بعد ال 30000 ولا لأ؟
تقريبا سعرها ممكن يعمل كام ؟

**karimalaa** · 09-02-2011 01:01 AM

لأ كويس 30000 وفي صيانة 40 بعد ال 30 و ديه تقريبا بيتغير فيها سيور...بس لازم تتعمل في التوكيل (نصيحة يعني)
بص حضرتك من الأخر خدها لأوماترا جسر السويس حسحطوها على الexaminer و حيقولك كل حاجة فيها....لو فيه لمبة محروقة حيقولك عليها على ال examiner و حيقولك على كفاءة الموتور...و خليهم يرفعوها يشوفوا الشاسيه من تحت بس نصيحة ما تاخدش على كلامهم في العفشة عشان أي توكيل في مصر لما بتروح تكشف على عربية بيقول لك العفشة.
أما لو مش عايز تروح التوكيل....يبقى خليه يركن العربية لمدة يوم مايدورهاش و روحله انت دورها و استنى عليها 5 دقائق كده شوف الشكمان بيعرق ( بينطر مية أو ينقط مية ) خفيف ولا لأ...لما ينقط مية يبقى حالة الموتور كويسة...بس برده ادخل العربية و اقفل الازاز كله و اسمع صوت الموتور...حيبقى واطي أكيد بس حاول تسمعه...هل صوته منتظم ولا في صوت ولو خفيف بيطلع في النص...لازم يكون صوته منتظم...وأنت جوه هات الرابع و حاول تحرك العربية بالدبرياج بس من غير بنزين لو بطلت يبقى الاسطوانة كويسة...لو مابطلتش يبقى الاسطوانة عايزة تتغير....انزل افتح الكابوت و العربية دايرة شوف في أي أثار زيت أو مية أو أي حاجة كده ولا لأ....جرب السيتي باور...التكييف...وشوف عداد الحرارة بيقف فين لازم يقف عند النص أو بعد النص بسنة صغيرة والمروحة تشتغل...لو تقدر تخليه يطلع على طريق مفتوح و يحاول يجيب أقصى سرعة للعربية أو حتى يوصل ل165 أو 170 تأكيدا على حالة الموتور وكبس الموتور و قوة الاسطوانة...برده بص على الاستبن نزل ولا لأ و نزل ليه لو نزل...شوف العدة...و طبعا خدها على بنزينة يكشفلك على العفشة و لو تعرف تعدي على سمكري كويس يبصلك على الشاسيه يبقى كويس
و ربنا يوفقك ان شاء الله...

**Morientis** · 09-02-2011 11:05 PM

المشاركة الأصلية كتبت بواسطة karimalaa

لأ كويس 30000 وفي صيانة 40 بعد ال 30 و ديه تقريبا بيتغير فيها سيور...بس لازم تتعمل في التوكيل (نصيحة يعني)
بص حضرتك من الأخر خدها لأوماترا جسر السويس حسحطوها على الexaminer و حيقولك كل حاجة فيها....لو فيه لمبة محروقة حيقولك عليها على ال examiner و حيقولك على كفاءة الموتور...و خليهم يرفعوها يشوفوا الشاسيه من تحت بس نصيحة ما تاخدش على كلامهم في العفشة عشان أي توكيل في مصر لما بتروح تكشف على عربية بيقول لك العفشة.
أما لو مش عايز تروح التوكيل....يبقى خليه يركن العربية لمدة يوم مايدورهاش و روحله انت دورها و استنى عليها 5 دقائق كده شوف الشكمان بيعرق ( بينطر مية أو ينقط مية ) خفيف ولا لأ...لما ينقط مية يبقى حالة الموتور كويسة...بس برده ادخل العربية و اقفل الازاز كله و اسمع صوت الموتور...حيبقى واطي أكيد بس حاول تسمعه...هل صوته منتظم ولا في صوت ولو خفيف بيطلع في النص...لازم يكون صوته منتظم...وأنت جوه هات الرابع و حاول تحرك العربية بالدبرياج بس من غير بنزين لو بطلت يبقى الاسطوانة كويسة...لو مابطلتش يبقى الاسطوانة عايزة تتغير....انزل افتح الكابوت و العربية دايرة شوف في أي أثار زيت أو مية أو أي حاجة كده ولا لأ....جرب السيتي باور...التكييف...وشوف عداد الحرارة بيقف فين لازم يقف عند النص أو بعد النص بسنة صغيرة والمروحة تشتغل...لو تقدر تخليه يطلع على طريق مفتوح و يحاول يجيب أقصى سرعة للعربية أو حتى يوصل ل165 أو 170 تأكيدا على حالة الموتور وكبس الموتور و قوة الاسطوانة...برده بص على الاستبن نزل ولا لأ و نزل ليه لو نزل...شوف العدة...و طبعا خدها على بنزينة يكشفلك على العفشة و لو تعرف تعدي على سمكري كويس يبصلك على الشاسيه يبقى كويس
و ربنا يوفقك ان شاء الله...

متشكر جدا جدا لحضرتك علي المعلومات دي كلها
ربنا يجازيك خيرا ان شاء الله عنا

احسن ناس في احسن منتدي