الموضوع: خبراء البورصه نرجوا الافاده

الجلسة الاستكشافية تم الغاؤها
وافضل التعامل بالجنية للرفع من قيمته

المشاركة الأصلية كتبت بواسطة saif3s

السلام عليكم
اولا انا لى تجربه سابقه من 5 سنوات بالبورصه وهى تجربه غير ناجحه , طبعا انا بعدت خالص عن موضوع البورصه وركزت فى شغلى
انا عاوز أدخل البورصه تانى لان كتبر بينصحونى ان ده افضل وقت للشراء , بالطبع ليس لمسانده البورصه و لكن لعمل ربح معقول لفتره من 3 شهور الى 6 شهور بحد اقصى يمكن ان يعوض لحد ما اى خساره فى عملى
اللى عاوز اسئله هو

1. سله الاسهم التى يمكن شرائها و النسب المقترحه من كل سهم
   اشتري اسهم المؤشر لان لو السوق حيطلع دي اول اسهم حتطلع
2. هل يوجد اسهم يمكن شرائها بعملات اجنبيه دولار او يورو
   مش وقتها خالص
3. لى رقم تعامل مع البورصه هل الرقم مطلوب تجديده وهل يمكن الذهاب لأى شركه لعمل محفظه ام الشركه التى تم التعامل معها مسبقا فقط
   
   الكود بتاعك في البورصه مش بيتجدد لكن الرقم اللي معاك هو الكود بتاعك ولا رقم حسابك في شركه السمسره ؟ أتأكد
4. المبلغ المقترح للتعامل فى هذه الفتره بالنسبه للجنيه المصرى و العملات الاجنبيه
   دي ترجع ليك ومقدار الفلوس اللي حتخاطر بيها
5. هلى الوقت المناسب عند فتح البورصه مباشره ام انتظار يومين الى اسبوع اللى متوقع يكون عنده اكبر نزول فى الاسعار

الله اعلم
لكن لو حصل هبوط جامد اول يوم الحقه .. لكن ده مش معناه ان الهبوط مش حيستمر
طبعا اللى سيتفضل مشكورا يكون عنده من الخبره بما يؤهله من اسداء النصح وهو ليس لى فقط بل ممكن لاعضاء اخرين عندهم الرغبه او يمكن تحفيزهم للتعامل
شكرا مقدما

بص يا ريس الصوره بشكل عام دلوقتي ضبابيه ومش واضحه
اخاف اقولك اشتري وتشتري وتخسر
او اقولك متشتريش ومتشتريش والسوق يطلع وتلومني
الصوره ضبابيه ومحدش عارف يفكر
الوحيدين المستفيدين هم التريدرات

شكرا للرد
بالنسبه للعملات الاجنبيه فدى مبلغ لن يتم تدبيره من السوق لو كان قصدك مش وقته انى هاحول جنيه لعملات
انا بفكر فى السويدى و cib ايه رأيك
بالنسبه للكود انا مش معايا , لكن بتكشف عن الرقم فى اى شركه بالبطاقه , فى شركات اعلنت انها مش هتاخد عموله شراء عند فتح البورصه , ممكن افتح محفظه فى اى واحده ولا لازم مع الشركه القديمه مع العلم انى ما عنديش اسهم خالص
وايه الشركه اللى ترشحها منهم

العفو
مقصدش حتدبر العمله منين
انا اقصد خلينا في الشركات الي بالجنيه بعدين نشوف الشركات اللي بالدولار

يفضل شركتك القديمه لو علاقتك بيهم كويسه والشركه كويسه
مفيش داعي يعني انك تتوه نفسك
بالنسبه لأسهم محدده مقدرش افيدك دلوقتي لاني منقطع عن السوق بقالي فتره
لكن اعتقد اوراسكوم تليكوم ممكن يعمل حاجه لان بقاله فتره بينزل وساويرس طلع في كام برنامج قال كلمتين حلوين وممكن يأثرو عالسهم علشان ما يوقعش
متستغربش هو الموضوع بيمشي كده
عموله الشراء دلوقتي قليله اصلا مش حتفرق يا خدو ولا ما ياخدوش
انا بتكلم على ان السماسره مستفيدين سواء السوق طلع ولا نزل فحيقولو اي كلام وخلاص ( على فكره انا كنت سمسار وكنت عميل قبل ما ابقى سمسار )

مرشحش شركه معينه
لكن لو حتدير محفظتك بنفسك يبقى هيرمس حتنفعك لان برنامح التداول بتاعها سهل وقريب جدا من برنامج مباشر
لو تريدر حيدير الحساب يبقى نقي شركه قريبه من بيتك علشان تعدي عليه كل شويه وتبقى متابع
ومتروحش تعمل حساب وترمي الفلوس وتمشي وتطنش
ولو الخساره عدت ربع الفلوس انسحب وقول الحمد لله ومتعملش كده تاني ههههههههههه
واي سهم يطلع ولو 5 % بيعه وأرضى بالمكسب وبلاش طمع دلوقتي لانه مش وقته خالص خالص
يلا ربنا معاك وتعمل ربح كويس ان شاء الله