حد جرب يا جماعة سخان توشيبا (55لتر او 45 لتر) او اريستون 50 لتر
انا غيرت سخانين غاز من ساعة ما اتجوزت من سنتين ونص
جبت يونيفيرسال (زبالة الزبالة) لازم اكون ساكن على النيل عشان الميا تبقى قوية)
وجبت ايديال من 6 شهور هو احسن من يونيفرسال جدا بس برضه عشان يشتغل بينزل لي سرسوب ميا سخنا
خلاص تعبت وعايز اجيب كهربا رغم اني عارف انها اغلى
لقيت توشيبا 55 لتر ب 930 جنيه
واريستون ايطالي 50 لتر ب 730 جنيه
ايه رأيكم ؟؟؟
اقتباس:
المشاركة الأصلية كتبت بواسطة د.أحمد عبد الرحمن
متخليك فى الغاز احسن صدقنى ..... خليك فى اللى هو بتاع الصناعات الحربية ده مش فاكر كان اسمه ايه
بس بجد الكهربا على قد ماهو اه مريح شوية بس ضار ومع الوقت يستحسن انك تغيره علشان بيحصله صدأ جوه مهما كانت جوده المواد اللى متصنع منها
عارف ان تجربتك مع الغاز كانت وحشة ... بس بجد لو جبت نوع كويس هتستريح اوى
من رايى التوشيبا افضل من حيث التوكيل
يا دكتور خليك في سخان المصانع الحربيه
غاز
الغاز احسن مليون مره
يكفي انه المياه سخنه علطول
ممتاز
انا عندي اوليمبك من 6سنوات شغال معاية كويس اوي
بس انا انصحك بسخان غاز في سخان مصانع 360 س8 موجود في معرض 360 حربية فقط
سعرة تقريبا 750 ج م
كنا مركيبين 2 سخان اريستون ايطالي كنا جايبينه من السعوديه وللاسف البرومه مسكته من جوه واتخرم وباظ
ركبنا مكانهم 2 سخان اولمبيك ولحد دلوقتي كويسين جدا والحمد لله
السلام عليكم و رحمة الله و بركاته
أنا من رأيك, أنك تجيب سخان غاز و بلاش الكهرباء لأن الكهرباء بطئ و كمان هياخد كهرباء كتير و لازم تجيبه حجمه كبير, يعنى بتاع 50 لتر و لا حاجة.
و لو كانت المية ضعيفة, هات موتور ميه حصان و نص و شغله قبل ماتشغل السخان, أنا بعمل كده, لما بكون داخل آخد دش, بيبقى لازم تكون الميه قوية عشان تشغل السخان الغاز و بالتالى , بقوم مشغل الموتور قبل ما آخد دش و لما بخلص, بطفيه, بس طبعا لازم الموتور فيه بلونة طبعا, عشان يفصل أتوماتيك و مايشدش ميه عالفاضى و أنت قافل الحنفيات .
اقتباس:
المشاركة الأصلية كتبت بواسطة mr_7oda
جربنا المصانع في شقة والدي قبل الجواز وكان لعنة من لعنات الزمن
لازم تشغله بايدك وعامل زي طلقة المدفع
غبي بيديك ميا ولعة
صوته عامل زي موتور الدبابات
بنقط ميا كل شوية وكل شوية عايز جلدة
حرمت خلاص
اقتباس:
المشاركة الأصلية كتبت بواسطة m.alaa92
أكيد بس هل حد جربه من حيث الكهربا او الراحة او العملية
كل ما بروح لمحل يقولي المبيعات بتاعته جامده بس انا محتاج حد جربه
خلاص تبت نفسي في حاجه نضيفةاقتباس:
المشاركة الأصلية كتبت بواسطة dr.amr
حضرتك بتدفع كام في الكهرباء بسبب السخاناقتباس:
المشاركة الأصلية كتبت بواسطة ahmed1611
وهل الكهربا بتكوي زي ما بسمع مثلا ولا زيادة عادية ؟
نعيما مقدما
انا عندي يونيفرسال غاز بقاله عندي اكتر من سنتين وممتاز جدا..اللي عندي 10 لتر بس تحفة..اشعال واطفاء اتوماتيك..ونزل بعد كده شاشة رقمية بالحرارة كمان
بتاع المصانع فعلا وحش جدا ومحتاج صيانة كتير (جلدة فعلا)
من رايي الغاز افضل كتير...مع ان معنديش غاز طبيعي..ومشغل انبوبة واحدة علي السخان والبوتجاز و الحمد لله كله تمام (معلومة انا في الدور الاول وفعلا عايز ضغط مياه كويس..كل السخانات الغاز كده)
خلي يونيفرسال مادام عندك وحط فلوسك في موتور مياه احسن زي ما قال احد الاخوة...شوية توصيلات مياه علي كهرباء ومتوجعش دماغك بعد كده..وكده كده هينفعك الموتور لما المياه تبقي ضعيفة
ولا تدخل الحمام تلاقي المياه باردة وتشغل السخان وتستني لحد ما تسخن والحوارات دي...
علي فكرة السخان الغاز اغلي من الكهرباء...نفس الحجم
وصلي صلاة استخارة قبل ما تقرر...
شوف احنا كنا لسه فى الموال ده من شهرين ، و اخترنا توشيبا الكهربا لشقة الساحل، ضمان 10 سنين و حلة ستانلس و كفاية خدمة العملاء بتاعتهم ( احنا جبنا واحد 45 لتر و واحد 35 لتر ) ، بعتولنا ناس يركبوه فى الساحل على طول ، بس فكر فى حاجة غاز لو امكن عشان استهلاك الكهربا
انا رأيى تجرب سخان اوليمبك ال 6 لتر غاز ناس كتير بتشكر فيه....وسعره تقرباً 500جم
انا شخصيا جربت توشيبا العربى وبجد ممتاز جدا عيبه الوحيد ال ملوش مأشر هو مجرد لمبه زرقاء ولما يسخن تبق لمبه حمراء بس مش عيب جوهرى بعد مده الغاز دخل عندى وغيرت لغاز وبعد بحث كتير جبت وايت ويل وبجد ممتاز برضوا وبعد المقارنه بين الاتنين الغاز احسن كتير علشان المايه سخنه على طول واكيد فى فرق فى فاتوره الكهرباء
حلو اوي انهي احسن في رأي حضرتك الاريستون ولا الاوليمبك عشان فيه ناس بتخوفني من الاوليمبيك انه بيتخرم بسهولةاقتباس:
المشاركة الأصلية كتبت بواسطة hemalotfy
اقتباس:
المشاركة الأصلية كتبت بواسطة maserati
وعليكم السلام ورحمة الله وبركاته
مينفعش عندي اني اركب موتور ميا عشان انا ساكن في الرحاب وقانونا مش من حقي اعمل اي توصيلات خارجية او داخلية
انا مش من حقي اركب تكييف شباك او حتى احط دش لونه اسود عشان المظهر الحضاري للمدينة (على حسب كلامهم)
يعني موضوع موتور الميا منتهي بالنسبة لي (ممكن يقيموا عليا الحد لو عملت كده
الله ينعم عليكاقتباس:
المشاركة الأصلية كتبت بواسطة zago
:36_1_58[1]::36_1_58[1]:
الف شكر بس موضوع موتور الميا مينفعش تحت اي ظرف من الظروفاقتباس:
المشاركة الأصلية كتبت بواسطة swimmer25
انا عارف ان يونيفيرسال كويس مش وحش
بس عايز ضغط ميا عالي وبعدين حته الامان بتاعته بتخليه يفصل على طول
الميا لما بتبقى ضعيفة بتسخن جدا جدا وده بيخلي الامان اللي فيه يفصله على طول
انا اشتريت ايديال وهو احسن في انك بتفصل نص الشعلات بس برضه تدفق الميا جوا السربنتينه ضعيف وده بيخليك تتخنق وانت بتتوضأ او بتستحمى
طبعا الغاز أفضل في المقارنة ولو فكرنا في الكهرباء يبقي توشيبا العربي لان خدمة العملاء والضمان ممتازين بالاضافة لتوفر قطع الغيار لانتشار منتجات توشيبا عن اريستون الايطالي وربنا يوفقك
اقتباس:
المشاركة الأصلية كتبت بواسطة shery103
ايه راي حضرتك في السخان التوشيبا
وايه اخبار الفاتورة
اتغيرت جامد بعد تغيير السخان ؟؟؟
بس انا عندي ايديال دلوقتي اللي هو هو اوليمبيك (الفرق بينهم سربنتينه نحاس ولا حديداقتباس:
المشاركة الأصلية كتبت بواسطة goofy301
واعتقد ان السخان 6 لتر في الدقيقة يعني اكيد مواسيره حتبقى اصغر من اللي عندي 10 لتر
يعني مأساه اكتر
طب ياريت تقولي على اخبار تغير الفاتورة ايهاقتباس:
المشاركة الأصلية كتبت بواسطة احمد المصرى
الفكرة يا جماعة اني عايز حاجه نظيفة بقى زهقت
صرفت على سخانات الغاز اكتر من 1200 جنيه من ساعة ما اتجوزت
وساعات كتير مش بعرف احمي البنت الصغيرة لاني مش بعرف اضبط درجة الحرارة, في لحظة الميا بتقلب ساقعة وفي لحظة الميا بتبقى ولعة
حرام على جلدها وهي مكملتش سنتين
المشكلة ان الميا بتلعب في قوتها
حاجه انا مكنتش عايز اقولها عشان الناس متقلبش عليا :
النهارده بيركبوا الغاز في عمارتنا !!!!!!!!!!
الراجل بتاع الغاز بص لي نظرة غباء لما قلت له اني عايز اقلب الحمام كهربا
الباشا عايز يمشي ماسورة في المطبخ ثم تعبر الحمام الصغير ترانزيت وبعدين تدخل على الحمام الكبير وبعدين تحود شمال وبعدين توصل بسلامة الله الى السخان وراسه والف سيف ان الوصله متدخلش من بره الحمام
المشكلة الاساسية اللي بتواجهني هي ثبات درجة حرارة المياه وضعفها
الشكل العام مهم برضه بس مش هو الاساس
خليك فى الغاز احسن وارشح ليك تكنوجاز احسن نوع صناعة محلية بشاشة ديجيتال عندى من 6 سنوات ولم يعطل ابدا جربه وهتدعيلى
حسب ما سمعت باقى الانواع المحلية كلها مشاكل
اقتباس:
المشاركة الأصلية كتبت بواسطة lonedoctor
القول الفيصل في الموضوع
هل بيشتغل على ضغط ميا قليل جدا ؟؟؟؟
وهل مثلا لو فتحت الساقع والميا ضعيفة حيطفي ؟؟؟
لو عايز تركب كهرباء مرتكبش اريستون , انا جبته من فترة قريبة و بينقط و المؤشر بيعلق ,
انا كنت عايز اجيب توشيبا اللي الحلة بتاعته ستانلس و دي مش بتصدي , يعني عمره هيكون طويل إن شاء الله .
http://www.nilemotors.net/Nile/174314-a.html
اقتباس:
المشاركة الأصلية كتبت بواسطة phantom0xx0
http://www.nileup.com//uploads/image...dde36a1424.jpg
الأريستون بأمانة مش هيحتاج توكيل اساسا
انا والحمد لله عندي بقاله 7 سنين وماشاء الله
وبعدين حرارته عاليه جدا جدا جدا وبيحافظ عليها جامد
وتوشيبا أظن انه هيبقى جامد برضه خصوصا الحلة الأستانليس
بس انا اثق ان توشيبا هيبقى اوفر في الأستهالك ككهرباء لأن ده من اساسيات صناعة اليابان
ملحوظة بسيطة عندي سخان جي أم سي بس ضمانه زي الزفت باظ وهوة في الضمان المهم جم بتوع الضمان لقيتهم طالبين بتاع 200 جنيه وهوة كله ب 300 جنيه المهم جبت السباك وخده وقالي حيكلفك 70 جنيه غير العمودة الداخلي اللي بيسخن المياه وعمل حاجة قللت استهلاكه للكهرباء بطريقة كويسة جدا جدا جدا انهتقريبا قلل درجة التسخين وشغال تمام من ساعتها
اكيد طبعا ماهى دى الميزة اللى فى تكنوجاز وموش موجودة فى الانواع التانيةاقتباس:
المشاركة الأصلية كتبت بواسطة د.أحمد عبد الرحمن
توكل على الله وهتدعيلى
اقتراح أخر حضرتك ممكن تركب ماتور صغير عندك في الشقة وتقريبا بيختلف عن المواتير اللي تحت في انه بيبقي ماتور شفط او سحب وطبعا صوته واطي جدا اسئل سباك في الموضوع دة وشوف جيرانك عاملين اية مع الغاز والانواع اللي عندهم وشغالة كويس
الارسيتون عندنا مش حلو بس الى المستورد منه حلو
إشتريت سخان وايت ويل لما جيت أتجوز من 6 سنوات ، لأن شكله الخارجي حلو ، وكمان علشانبشوف منتجات الشركة من الثلاجات كبيرة الحجم فقلت أكيد الشركة دي كويسة. ضمان السخان 7 سنوات. الجهاز بيحصل ليه كل سنة عطل أو عطلين وبصراحة خدمةالعملاء كانت كويسة ، كنت باتصل بيهم بيجوا بسرعة ويغيروا العطل ، ولكنعندهم الفنيين مش بكفاءة عالية ، لأن ممكن فني واحد يجي من الشركة يشخصالعيب بحاجة معينة ، ولما واحد تاني فني من عندهم يجي يركب القطعة المعطلة يلاقيتشخيص العطل مختلف عن تشخيص الفني الي جيه قبله. المهم كل ده مش مشكلة، في السنة الأخيرة من الضمان الي هي السنة السابعة حصل عطل في الجهاز ، الجهاز كان بينقط مايه وفيه صوت تنفيس ، اتصلت بالشركة وجيه الفني قالي أنه محتاج قطعتين بحوالي 280 جنيه ، وكمان رسوم الزيارة أصبحت 40 جنيه ، فأنا قلت له أولاً الجهاز لسه في الضمان ، ثانياً لو هدفع 320 جنيه يبقى اشتري جهاز جديد أفضل. اتصلت بالشركة كذا مرة وفي الآخر قالوا لي إحنا هنغيرلك الجهاز الي عندك بجهاز جديد موديل 2012 وتدفع نصف ثمنه فقط 350 جنيه. قلت لهم ماشي مش مشكلة ، بدأت الأيام تعدي وكل لما اتصل بيهم كل ثلاثة أيام يرد علي شخص من خدمة العملاء أو الصيانة ويقولي معرفش حاجة عن الشكوى مش مسجلة عندي ، المهم يسمع مني الموضوع كاملاً ثم يقول لي هنتصل بيك ، وما حدش يتصل. ونكرر الموضوع تاني كل كام يوم. الموضوع ده حصل حوالي 3 أو 4 مرات في مدة 20 يوم أو أكثر. وحتى الآن لم يتم الإستبدال أو حتى حد يتصل بيا. الوحيد الي بيتصل بينا هو الفني الي جيه شخص حالة السخان ، يتصل يقولي ها يا فندم حضرتك هتصلح الجهاز ، أقوله لأ أنا مش هصلح الجهاز هما بلغوني أنهم هيغيروه وأدفع النصف ، غير كده هاضطر أني أشتري أي ماركة ثانية. والله أنا ترددت قبل كتابة الموضوع ده ، ولكن كتبته فقط لعل حد منكم يستفاد من التجربة ، والله من وراء القصد والله على ما أقول شهيد.محمد إبراهيم من حلوان – mohamed75@gmail.com
زى ما فهمت ان الميه بتنزل سرسوب
1/ حل مشكله الميه الاول عن طريق موتور رفع
2/اى سخان هيركب هيبقى كويس غاز او كهرباء
3/الصدا اللى بيبوظ صاج السخان الكهرباء او رداخ الاز هيستمر ما لم تعالج اصل المشكله
تحياتى
انا عندى اريستون ايطالى الحله الداخليه زجاج وممتاز جدا كنت جايب ال30 لتر وشكله شيك
جبته من القاهره للمبيعات اللى فى 7 عمارات مصر الجديده
توكل علي الله في التوشيبا
هو رخص فعلا .انا كنت جايبه ب ١٠٥٠ جنيه ٥٥ ليتر
انا كنت جايبه من ٥ سنين و شغال تمام
بس نصيحه اخويه من مهندس كهربا لو هاتجيبه كهربا مش غاز يبقي يفضل شغال علي طول ما يفصلش
و ده مش كلام نظري بس- ده عن تجربه كمان
و ساعتها اواكدلك انه هايستهلك كهربا شهريا اقل من التلاجه مثلا
انت بتتكلم عن الفوري ؟اقتباس:
المشاركة الأصلية كتبت بواسطة moustafa_kamel
اية راي الناس فس السخان الفوري لو حد جربة قبل كدة و اية الانواع اللي الواحد يشتريها و خصوصا انها ماركات مجهولة كلها تركي
معلش للخروج عن الموضوع بس النقطة دى يعنى ايهاقتباس:
المشاركة الأصلية كتبت بواسطة moustafa_kamel
يعنى افتحه وافضل سايبه علطول افضل مقفله وافتحه لما احتاجه بس
لانى بلاحظ دلوقتى اننا طول اليوم بره الشقة واكيد المياه بتسقع وترجع تتسخن تانى من غير مستفيد بيها
لكن كلام حضرتك معناه انى لو سبته مفتوح حيبقى اوفر فى الاستهلاك؟
طبعا انت لو سبته شغال على طول هيكون اوفر ازاى ؟؟
هنفترض انك ظابط التيرموستات على 50 درجة لما يوصل للدرجة هيقصل الكهربا
تمام ... لو درجة الحراة نزلت درجة او درجتين وبقت مثلا 48 درجة
السخان هبحتاج يشتغل دقيقة او اتنين علشان يرجعها 50 درجة ويقصل تانى
على العكس لما تيجى تشغل السخان لما تحتاجه هيرفع درجة الحرارة
من 20 مثلا ل 50 درجة هيحتاج ساعة كاملة من الاستهلاك للكهرباء
وهكذا ... يبقى تشغيله مستمر اوفر فى الاستهلاك من التشغيل المتقطع
د. عبد الرحمن ... انصحك تسيبك من فكرة السخان الكهرباء
لانك هتدفع مبلغ معتبر فى فاتورة الكهرباء - سخان الكهرباء كبيره
7 او 8 سنين وهيتخرم ويصدى وهتكون غيرتله هيتر وثيرموستات مرة ولا اتنين
ده غير تمن الكهرباء اللى هيعادل تمن سخانين تلاتة او اكثر خلال عمره الافتراضى
هات سخان اولوميبك الغاز الديجتال 10 لتر ممتاز فى ضغط المياه
المنخفض
بعد تجربة لعينة مع المصانع و اليونيفرسال الاتنين نيلة ...
الحمد لله ممتاز من 5 سنين وفيه كام ميزة كده شايفهم ممتازين
انه فيه 3 وحدات اشعال بدل من واحدة ودى بتخليه يشتغل من غير الفرقعة بتاعة بداية التشغيل
التحكم فى مستوى شدة المياه ليه مستوين بيخليه يشتغل على الضغط
الضعيف وبيخلى درجة الحرارة ثابتة اثناء التشغيل يعنى تاخد الدش
ساعة كاملة وهو مظبوط لايولع ولا يتلج عليك :)))
فيه مستوين للحرارة صيف / شتاء ... شوية حساسات للامان
ضدد تسرب الغاز - ارتفاع الحرارة - انخفاض المياه ... هاته مش هتندم ان شاء الله
عن تجربة شخصية عندى توشيبا من العربى .فوق الممتاز
انا عندى توشيبا كهرباء و عطل مرتين و معاملتهم زبالة ...... ارستون كهرباء انضف
سخان يونيفيرسال ياراجل؟..........ده مصر كلها إتفقت على هذا ردائة هذا الجهاز المنتج من شركة حقيرة لا تحترم عميلها ، إسئلنى أنا.......فى عز البرد ده السخان لا يلقط ....رغم إنى غيرت الرداخ من شهرين...على دخلة الشتاءاقتباس:
المشاركة الأصلية كتبت بواسطة swimmer25