هههههههههههههههه
عرض للطباعة
يا محمود
انت تعلم مشاركاتى وكم انا من المؤيدين المستمرين فى التأييد والتظاهر
ولكن هذا لا يمنع ان ما وصفت به جزء من المظاهرات حقيقى
فهناك اطفال يلعبون ويلهون حولك دائما
انا انهاردة اخدت ابنى معايا عشان يتعلم ازاى يطالب بحقه
ولما يزودوا الثورة عليهم فى مادة التاريخ يكون شافها بعينه بتبقا سهلة فى مذاكرتها :-)
بس هو اخدها فسحة وفضل يجرى ويلعب وكل شوية يطلب حاجات حلوة
بيبسى وشيبسى وتشيكولت
ميعيبش المظاهرات ان الناس بتلعب وبتهزر وتضحك
زى ما احمد كمال قال امبارح محدش فينا بيشتغل 8 ساعات متواصلين من غير ما يهزر شوية مع واحد من زمايله ياكل ساندويتش
يشرب نيسكافيه
عادى يعنى
فى النهاية ان فى ناس رايحة من غير اى هدف غير انها تساند المتظاهرين بمجرد وجودهم وسطهم وبس ويتفرجوا عالطبيعة ايه اللى بيحصل بجد
فبالتالى بيعيشوا حياتهم ويقضوا اليوم كانه فسحهم
االمهم انهم موجودين ومزودين العدد
عادى اللى يتكلم يتكلم عادى واللى يقولك سيرك والله يقلل من شأن الناس دى
كل انسان فاسد عاوز النظام الفاسد يبقى ويستمر ليييييييييييه لانه فاسد
نحن في فترة انتقالية رهيبة
الناس اصبحت تري ان اي راي مخالف عمالة وخيانة وفساد
الكلام اللى قاله اخونا كريم موجود ومجابش حاجة من دماغه
زي ما كلام اخونا احمد نوح موجود ومجابش حاجة من دماغه
يا ريت نتكلم مع بعض بطريقة اهدا من كدة ومحدش يتجاوز حدوده مع التاني والاتهامات البايخة اللى الكل بيرمي بعض بيها تتوقف بقة
حرية الراي لا تعني اهانة الاخر
انا اهنت شخص لانه اهان شعب والقضية مش شخصية ووجهة النظر وحرية الرأى مقبولة ومعتبرة لكن مش فى موقف زى ده بكلام جارح زى ده
الاستاذ كريم منير حول كل الناس اللى فى الميدان لطفيليات وديدان شاف الموقف بعين العدو المتربص مش الحبيب المتسامح بجد جرحنى وزعلنى واهانى انا شخصيا بموضوعه
عموما لفتة ذكية منك انه الاخ كريم يقفل الموضوع هناك وتفتحه حضرتك من هنا
الاخ كريم واضح انه راجل محترم وجاد جدا وبالتالى التصرفات اللى شافها دى اثرت على نفسيته جدا لانه (وانا معه تماما)الموضوع جد موش هزار يا جماعة دى ثورة ده تاريخ بيعاد صياغته من جديد والناس قاعدة تهرج فى التحرير
الثورة دى لازم يبقى ليها قدسية واحترام زى اى حاجة مهمة فى حياتنا زى الصلاة والعبادات
ياجماعة فى ناس فقدت ارواحها فى سبيل ان يكون هذا الحلم واقع ملموس هياثر على مصير ملايين فى المستقبل ان شاء الله
فى بقى نقطة مهمة
الثورة دى يا اخ منير ثورة وطنية تضم كل اطياف المجتمع وكذلك مسلميه ومسيحييه وليس لها ايديوليجية معينة تضع لها قيم واخلاقيات تلزم اتباعها تمام كده
الناس اللى بتهرج دى وعايزة شيبسى بالجمبرى والخل عايزة برضه حرية وعدالة وديموقراطية وهى رايحة التحرير عشان كده صح ولا لأ
يبقى لما يطلع منها التصرفات العفوية دى يبقى عادى خالص ولا تزعل نفسك
يبقى استحمل بقى اللى تشوفه
واللى يعيش ياما يشوف
اتمنى تكون الرسالة وصلت
لانى موش هاقدر ازود عن كده
تقبل تحياتى
تم غلق الموضوع لورود أكثر من خمسة تقارير مشاركة تفيد
بإستياء الأعضاء من غرضه .
مشرف القسم
8 ب
1:30 ص
9 فبراير 2011