مسابقة أفضل سيارة فى كل فئة :أفضل سيارة فى الفئة العائلية الصغيرة من المستوى الثانى

**فادى** · 02-04-2008 03:34 PM

السيارات المتبارية :

نيسان صنى : سيارة هادئة, بدون تطرف لا على صعيد التصميم و لا على صعيد الأداء, و لكن تسوق بسعر مغرى.

رينو ميجان : لم يكن متوقعا لهذه السيارة النجاح , فشركة رينو لا تتمتع بسمعة طيبة فى مصر, و السيارة بها أجزاء مصنوعة من البلاستيك و المصريون يحبون المتانة, و رغم ذلك ساهمت هذه السيارة بتصميمها المميز فى اعطاء دفعة لرينو فى مصر.

مرسيدس الفئة سى : صغيرة مرسيدس المترفة و المريحة و هى أكثر ما يمكن الحصول عليه فى فئة كهذه, و الأعلى سعرا أيضا.

بى ام دبليو الفئة الثالثة : لمن يعشق الفخامة و الجودة الألمانية و لكنه لا يستسيغ سيارات مرسيدس ذات الطابع الكلاسيكى, فعليه ببى ام دبليو, فهى لا تقل كثيرا عن المرسيدس.

فيات لينيا : جديدة فيات تتمتع بتصميم ثورى و تجهيزات قلما تتوفر فى سيارة بهذا السعر, و لكن محركها الصغير لا يلبى طموحات أغلب السائقين.

هوندا سيفيك : هوندا التى تحاول تقديم نفسها كصانع متخصص فى السيارات العائلية ذات الطابع الرياضى, ماتزال تحاول اثبات ذلك عبر اعتماد تصميمات متطرفة و مفتعلة فى بعض الأحيان, و أخرها هوندا سيفيك.

هيونداى النترا : ربما تكون أفضل هيونداى متوفرة فى السوق المصرية, و خاصة بعد عودتها بتصميم جديد أكثر ثقة لم نعتده من الكوريين.

كيا سيراتو : كيا التى باتت تتبع هيونداى, ماتزال تحاول فك شفرة المصريين, و من خلال سيراتو سيارتها الأكثر مبيعا فى العالم, تحاول ايجاد مكانا لها فى فئة واسعة الانتشار فى مصر.

فولكس فاجن جيتا : الفئة السيدان من الجولف, و تقدم حلا سحريا لمن يريد اقتناء سيارة ألمانية بأقل التكاليف, و لكن علينا أن نتذكر أنه ليس كل سيارة ألمانية هى مرسيدس!

**tutankhamoun** · 02-04-2008 04:42 PM

يا أستاذ فادي
زبون الفيات لينيا .......... مش زبون البي إم و المرسيدس
و حضرتك حاطط عربيات مش منتشرة في السوق المصري و سايب عربيات تانية منتشرة بقوة
يعني أعداد قليلة ممن يشتري مرسيدس و بي إم دبليو و أيضا سيراتو و أيضا جيتا

يعني في أختلاف
و بعدين لو واحد مقتدر و قادر يشتري مرسيدس أو بي إم دبليو أو جيتا
مش هايروح يشتري فيات لينيا
و حضرتك سايب عربيات منتشرة لدى الشعب المصري مثل
فيات سيينا بدلا من لينيا .......... و سيارات بروتون ( واجا و جين 2 و الويرا ) و اللانسر و الكورولا و غيرهم .............
و أنا لم أصوت نظرا لعدم عدالة الأختيارات إطلاقا

**فادى** · 02-04-2008 05:05 PM

"يا أستاذ فادي
زبون الفيات لينيا .......... مش زبون البي إم و المرسيدس
و حضرتك حاطط عربيات مش منتشرة في السوق المصري و سايب عربيات تانية منتشرة بقوة
يعني أعداد قليلة ممن يشتري مرسيدس و بي إم دبليو و أيضا سيراتو و أيضا جيتا

يعني في أختلاف
و بعدين لو واحد مقتدر و قادر يشتري مرسيدس أو بي إم دبليو أو جيتا
مش هايروح يشتري فيات لينيا
و حضرتك سايب عربيات منتشرة لدى الشعب المصري مثل
فيات سيينا بدلا من لينيا .......... و سيارات بروتون ( واجا و جين 2 و الويرا ) و اللانسر و الكورولا و غيرهم .............
و أنا لم أصوت نظرا لعدم عدالة الأختيارات إطلاقا"

البروتون و و الكورولا و اللانسر كانو فى المستوى الأول على اعتبار انهم أصغر حجما قليلا من هذه السيارات.
و المسابقة هنا بحسب الفئة الرسمية مش حسب السعر و ده المتبع فى كل المسابقات الرسمية و أنا قلت فى بداية الاستفتاء انو التقييم هيكون على أساس السعر/القيمة يعنى العربية دى بتديك أد ايه مقابل سعرها.

**Sharky** · 02-04-2008 05:38 PM

حضرتك أنا شايف التقييم دا غير واقعى تماما
إزاى الميجان و الصنى و المرسيدس C , و البى إم 3 فى فئة واحدة

حضرتك الميجــان و الجيــتا و السيفيك تصنف فى العائلية الصغيرة
المرسيدس C و بى إم 3 تصنف فى Compact executive

حضرتك ممكن شوف اللينك دا حيوضح لك تصنيف السيارات
http://www.whatcar.com/

**فادى** · 02-04-2008 06:33 PM

حضرتك أنا شايف التقييم دا غير واقعى تماما
إزاى الميجان و الصنى و المرسيدس C , و البى إم 3 فى فئة واحدة

حضرتك الميجــان و الجيــتا و السيفيك تصنف فى العائلية الصغيرة
المرسيدس C و بى إم 3 تصنف فى Compact executive

حضرتك ممكن شوف اللينك دا حيوضح لك تصنيف السيارات ""

نعم ده صحيح, الفئة سى بتسمى فئة عائلية صغيرة مترفة لكن مقدرش اننا أحط استطلاع فيه عربيتين بس المرسيدس سى و البى ام 3 (لأن مفيش غيرهم فى مصر), عشان كده حطتهم مع عربيات فى حجمهم, و المهم اننا هنختار على أساس معادلة السعر/ القيمة و بكده ممكن عربية تتفوق عليهم فى هذه المعادلة, بل معظم السيارات تتفوق عليهم لأن سعرهم مبالغ فيه.

**Chicco** · 03-04-2008 05:26 AM

فين أودي يا فادي باشا ;)

اخترت مرسيدس رغم إن التصميم الجديد مش عاجبني (مقارنة بالتصميم القديم ) و رغم السعر غير الطبيعي ......المصري حيفضل مصري

**Meedo** · 07-04-2008 07:02 PM

Nissan Sunny

**hazem_khidr** · 07-04-2008 09:06 PM

الفئه التالته من بي ام و الفئه سي من مرسيدس من السيارات المتوسطه يا استاذ فادي مش الصغيره

**mohamed ibiza** · 07-04-2008 09:11 PM

الفئة c من مرسيدس و بي ام دبليو................

IBIIIIIIIIIIIIIIIIIIIIIIIIIIIIIIIIIIIIIIIZZZZZZZZZ ZZZZZZZZZAAAAAAAAAAAAAAAAAAAAA FOR EVER

**فادى** · 08-04-2008 12:28 AM

"الفئه التالته من بي ام و الفئه سي من مرسيدس من السيارات المتوسطه يا استاذ فادي مش الصغيره"

هما تصنيفهم الرسمى "Compact Executive" و ترجمتها "عائلية صغيرة مترفة" لكن بما أنه مفيش فى الفئة دى فى مصر غير العربيتين دول, فضلت أضعهم مع السيارات الى فى حجمهم.

"فين أودي يا فادي باشا "

للأسف الاختيارات محددة عند 10 اختيارات فملقتش مكان أحط الأودى خاصة انها مش منتشرة فى مصر.