المشاركة الأصلية كتبت بواسطة aymanmaly
يا سلام انت تأمر
انا لسة واخذ بالى من الموضوع دلوقتى
و قلت معقولة حبيبى يسأل و انا ما جاوبش دى حتى تبقى عيبة
بص يا سيدى صيانة 40000 بسيطة ان شاء الله
اول حاجة
لو ميعاد غيار زيت غير زيت و فلتر
لو ماغيرتش فلتر الهواء غيرة هو متوسط عمرة الافتراضى 30000
لو ماغيرتش بوجيهات قبل كدة غيرها عمرها الافتراضى 30000
زيت الفتيس موبيل و طبعا انت هاتعرف تلاقى موضوع انا كنت عاملة عن تغير زيت الفتيس لو ماعرفتش توصلة قلى هابعتلك لينك الموضوع الزيت بيتغير كل 30000
تربيط عافشة كل 5000
الكشف على التيل و الطابير و تغير الى محتاج يتغير طبعا امامى و خلفى
مراجعة المياة و تزويدها و يستحسن على ال 40000 تغيرها بس جيب مياة موبيل نفس اللون الى موجود فى العربية
طبعا ضبط زواية بعد المطب و حط العجل على الترصيص علشان تتأكد ان الجنط مضبوط و مافيش عوجة و الكشف على العفشة بالكامل
مراجعة ضغط الكاوتش
لو فية حاجة نسيت اجاوب عليها نبهنى
و سلامى للوالد