صوت صفاره وصوت طقطه من الموتور

**asus_matrix32** · 09-02-2011 06:52 AM

مساء الفل على احلى رجاله لقسم اللوجان والمنتدى كله حصل معايا حوار كده وعايز منكم الافاده لأنى أحترت فى تحديد العيب فى مشكلتين أولا: بعد ما بعدى سرعه 100 ك بسمع صوت صفاره جامده من عند الموتور ودى مش قادر أحدد عيب نهائى فيها لأنى وقفت أتأكدت أن الكبوت مسوجر صح ومافيش أى فرق بين الاكصدام والسياره والفوانيس
وثانيا : دخلت الجراج وبعد ما ركنت سيبت الموتور شغال ونزلت من العربيه وفتحت الكبوت سمعت صوت وره من ناحيه الجزء اللى فيه موتور الدريكسيون والتكيف وصوت طقطه واضحه فى الموتور ظهرت جديد أفيدونى الله يبارك فيكم

**Dr.Karim Emam** · 09-02-2011 12:57 PM

الصوت التاني بتاع الطقطقة دي طالع من السخان و هو بيبرد
مفيش منه مشاكل خالص و موجود في كل اللوجان و بعد فترة هيختفي إن شاء الله

إنما الصوت الأول ده مش عارف بتاع إيه!!

**polandy** · 09-02-2011 06:57 PM

المشاركة الأصلية كتبت بواسطة asus_matrix32

مساء الفل على احلى رجاله لقسم اللوجان والمنتدى كله حصل معايا حوار كده وعايز منكم الافاده لأنى أحترت فى تحديد العيب فى مشكلتين أولا: بعد ما بعدى سرعه 100 ك بسمع صوت صفاره جامده من عند الموتور ودى مش قادر أحدد عيب نهائى فيها لأنى وقفت أتأكدت أن الكبوت مسوجر صح ومافيش أى فرق بين الاكصدام والسياره والفوانيس
وثانيا : دخلت الجراج وبعد ما ركنت سيبت الموتور شغال ونزلت من العربيه وفتحت الكبوت سمعت صوت وره من ناحيه الجزء اللى فيه موتور الدريكسيون والتكيف وصوت طقطه واضحه فى الموتور ظهرت جديد أفيدونى الله يبارك فيكم

روح التوكيل ياباشا علشان لاداعي لاستتنتاجات

**ahmedbakr50** · 10-02-2011 12:14 AM

مش ممكن يكون صوت هوه معدى من عند جوان مش ملزوق كويس؟؟؟؟

**mostafabakry** · 10-02-2011 01:18 AM

قصدك صوت صفارة و لا ونه

**asus_matrix32** · 10-02-2011 01:20 AM

المشاركة الأصلية كتبت بواسطة ahmedbakr50

مش ممكن يكون صوت هوه معدى من عند جوان مش ملزوق كويس؟؟؟؟

أنا شاكك أن الكبوت مش مخدم فى القفله بتاعته بس أنا بصيت عليه كويس وقعدت أضغط عليه من كل الجهات وبرضه لما مشيت سمعت نفس الصوت

**asus_matrix32** · 10-02-2011 01:23 AM

المشاركة الأصلية كتبت بواسطة mostafabakry

قصدك صوت صفارة و لا ونه

صوت الونه ده جى من عند سيور موتور الدريكسيون والتكييف والف شكر على الاهتمام

**pippon** · 17-02-2011 01:06 AM

معلش ممكن اسأل انت عرفت ازاي اصلي انا حاصل معايا نفس الصوت بتاع الونه ومش قادر احدد من فين بالظبط. هل التوكيل قالك كده والا انت اكتشفتها لوحدك ؟؟؟

**asus_matrix32** · 17-02-2011 06:26 AM

المشاركة الأصلية كتبت بواسطة pippon

معلش ممكن اسأل انت عرفت ازاي اصلي انا حاصل معايا نفس الصوت بتاع الونه ومش قادر احدد من فين بالظبط. هل التوكيل قالك كده والا انت اكتشفتها لوحدك ؟؟؟

اكتشفتها لوحدى بما نى ركبت عربيات كتير وكان معايا هوندا سيفيك قبلها

**shumand** · 01-03-2011 03:25 PM

السلام عليكم
صديقي ...العيوب دي كانت عندي بالظبط ولسه مكتشفها بنفسي بعد حيره
العيب الاول صوت صفارة الهواء وده بيكون بعد سرعة 90-100 كم وده حله لما تروح التوكيل خليهم يعملوا رجلاش على قفل الكبوت يعني هايقفلوه شويه
العيب التاني فكان كحكة الشكمان مش راكبه اصلا وكانت مخليه العربية بعد التسخين بتعمل صوت حكة كده غبية بتبان لما تفتح الكبوت اكتر...ودي بقى طلعت عيني بعد مارحت التوكيل وغيرولى الدينامو وقالولي الصوت منه وانا كنت واثق ان الصوت من الشكمان ...رحت لواحد بتاع شكمانات وطلع موضوع الكحكة اللي بتركب بين مانيفولد العادم الخارج من الموتور والشكمان
وبالتوفيق ان شاء الله