الى كل خبراء لانسر بطه 94.....ساعدو اخوكو :(

**must_die** · 09-02-2011 07:44 AM

سلام عليكو الاول
دلوقتى انا معايا لانسر بطه 94 1300 خليجى محتاجه كل حاجه بعيد عنكو بس الحمد لله القوايم والحوض والشنطه والدواخل فابريقه بلدها فيها شغل سمكره خفيف وشويه كهرباء فى الفوانيس وفى التابلوه والعفشه كلها عايزه تتشد ده اولا
ثانيا بالنسبه للمكنه بقى بتجيب عصير قصب والميا دخلت على الزيت والجوانات منفده على بعضها
المطلوب بقى عايز اسقط مكنه 1800 خليجى بردو ويكون الباور هورس بتاعها عالى
هل الاتستيراد ولا الزيرو احسن والاسعار فى الحرفين ارخص ولا فى المنطقه الحره فى بورسعيد ؟
والعربيه تستحمل ولا هتعوم منى فى السرعات العاليه ؟
هحتاج ادعم الحوض عشان يستحمل الموتور ولا هعمل ايه ؟
هغير المساعدين الامامى بس ولا كل العفشه ؟
ايه احسن انواع المكن للعربيه دى وموجوده ولا لا ؟
وياترى المكن ال 1800 ولا ال 1600 يبقى اقوى على العربيه دى ؟
وياترى لو الحوار نجح وسقط مكنه 1800 لازم اغير الجنوط الاصليه بجنوط اعرض عشان ثبات العربيه ولا امشى عادى بالجنوط بتاعتها .

وياريت اى معلومه لاخوكو عن اسماء الورش الكويسه سواء فى الحرفيين او فى المنصوره او فى بورسعيد
انا معنديش مانع اسافرر اخر الدنيا بس اروق العربيه دى :)
وشكرا للاهتمام .......
محمد نبيل

**bmw323** · 09-02-2011 08:08 AM

عليك وعلى عادل وجدى فى الحرفيين مشهور جدا ومتخصص فى المتسوبيشى وأطمن عربيتك ممكن يتعمل فيها كل حاجة وتبقى جامدة بس الميزانية !!! وربنا يوفقك

**tamer_a7** · 09-02-2011 04:41 PM

الميزانيه اولا واخراااااااا
يعني العربيه دي ينفع تعمل القرد بس المهم انت معاك فلوس اد ايه
المكن اللي ينفع يتسقط حدث ولا حرج
1600
1500 اتنين كامه
1600 مايفيك
1800 مايفيك
2000 افليوشن
المهم انت معاك اد ايه
العافشه طبعا تتغير بالكامل
الفرامل بالمستر كمان
الضفيره الاماميه بتاعت الحوض كلها

**must_die** · 10-02-2011 12:33 AM

الله يطمنك يا بى ام
بالنسبه للمكن بقى
يعنى ايه اتنين كامه وايه الفرق بين المايفك والايفليوشن
و انهى فيهم الباور هورس بتاعها عالى
بالنسبه للميزانيه انا حاطط للمكنه بس فى حدود 8
والشغل الباقى والاكسوارات والساوند ممكن يتلموا ب 4 ؟

**magyver** · 13-02-2011 03:11 AM

بقلك اية ياباشا
بتبيع العربية دة

**must_die** · 14-02-2011 08:25 PM

لا والله ده انا لسه شاريها من شهرين
انا عارف ان رجاله المنصوره بيحبوا العربيه دى بس انا مش ببعها والله انا بشد فيها لسه
بس نصيحتى لو بتشترى عربيه البطه دى ممتازه فعلا بس ركبلها حاجتها الاصليه وانساها

**MaZaGAngeE** · 14-02-2011 09:23 PM

البطة حبيبتي
بعتها من شهرين تقريبا لجاري و خدت الفلوس و هوه خد العربية 3 أيام و رحت ماسكه و رجعتله الفلوس و خدت عربيتي تاني
مقدرتش أستحمل ان حد غيري يركبها و لا تبات بعيد عني
الحمدلله رجعتها تاني

**ms3111** · 14-02-2011 10:46 PM

لو انت مستعد تصرف ممكن تشترى عربية ايفة 3 كاملة نصين حتبقى من 10000 الى 15000 وحيبقى عندك كل حاجة الموتور و العفشة والجنوط و فرش وطبلوة كل حاجة مجرد حتشيل و تركب وتبقى راكب ايفو 3