ماقدرش أقول غير قلبى وعقلى وياكوا
ياللى هناك فى الميدان قواكو مولاكوا
ثابتين ثبات الجبال والرعد أصواتكم
قادرين على كل شىء وإسألوا هولاكو

...والله ياإبن غنيم بكيت أنا منك
وهزنى كلامك ودموعك إكمنك
مصرى ابن مصرى حر مش متساق
آن الأوان ليك وللى من سنك

أحرار على إيديهم حقى أنا عاد لى
لاهزهم مطاطى ولا حى ولا عادلى
ولا همهم تشكيك ولا مجرمين بجمال
يامصر شكلك أخيراً حاتتعدلى

هانى سعيد