مبادرة استثمر ولو 100 جنيه وحافظ على اقتصاد بلدك

**Bonanza** · 09-02-2011 11:43 AM

‎

لمن لا يعلم اهمية سوق الاوراق المالية " البورصه " للاقتصاد القومي ، فالبورصة تؤدي وظائف على قدر كبير من الأهمية في الاقتصاد القومي ككل

معظم الاقتصاديات تعتمد في تمويلها على ما يعرف بالسوق المالية ودون شك أن هذه السوق تعتبر بمثابة القلب النابض للاقتصاديات المعاصرة

فالبورصة بمثابة جهاز لقياس قوة أو ضعف اقتصاد بلد ما وهي دائرة من الدوائر الأساسية التي تساهم في تمويل قطاعات النشاط الاقتصادي

توفير السيولة للمستثمرين بصورة تمكنهم من إنشاء مشروعات جديدة أو توسيع مشروعات قائمة، بما يساعد على النهوض بالاستثمارات ورفع معدل الاستثمار الذي يعد المحرك الأكثر أهمية للنمو الاقتصادي

دعم المشروعات الصناعية والزراعية برأس المال لتمويل نشاطاتها وهو هدف ضروري لقيام مشاريع تحمل أفكارا وليس معها رأس مال

تعبئة المدخرات وتوجيهها نحو التوظيف من أجل دفع عملية النمو للأمام .
جذب رؤوس الأموال الأجنبية ودفعها للاستثمار داخل الشركات الوطنية .

تساعد البورصات فى تنمية الدخل القومى وتشغيل الأيدى العاملة نتيجة تجميع المدخرات وتنفيذ العديد من الشركات المساهمة الضخمة التى يعجز عن تكوينها كبار رجال الأعمال بمفردهم.

المساهمة في تمويل خطط التنمية عن طريق طرح أوراق مالية حكومية في تلك السوق ، حيث رافق بروز أهمية الأوراق المالية التي تصدرها شركات المساهمة ازدياد لجوء الحكومات إلى الاقتراض العام من أفراد الشعب ، لسد نفقاتها المتزايدة وتمويل مشروعات التنمية ، وذلك عن طريق إصدار السندات والأذون التي تصدرها الخزانة العامة ذات الآجال المختلفة ، ومن هنا صارت هذه الصكوك مجالاً لتوظيف الأموال لايقل أهمية عن أوجه التوظيف الأخرى.

المساهمة في تحقيق كفاءة عالية في توجيه الموارد إلى المجالات الأكثر ربحية، وهو ما يصاحبه نمو وازدهار اقتصادي

إن سوق الأوراق المالية تُعد أداة مهمة لتقويم الشركات والمشروعات، حيث تساهم في زيادة وعي المستثمرين وتبصيرهم بواقع الشركات والمشروعات، ويتم الحكم عليها بالنجاح أو الفشل، فانخفاض أسعار الأسهم بالنسبة لشركة من الشركات دليل قاطع على عدم نجاحها أو على ضعف مركزها المالي، وهو ما قد يؤدي إلى إجراء بعض التعديلات في قيادتها أو في سياستها أملاً في تحسين مركزها.

تشجع سوق الأوراق المالية على تنمية عادة الادخار الاستثماري، خاصة بالنسبة لصغار المدخرين الذين لايستطيعون القيام بمشاريع مستقلة بأموالهم القليلة، ومن ثم فإنهم يفضلون شراء أوراق مالية على قدر أموالهم، وهذا يساعد على خدمة أغراض التنمية والحد من التضخم، كما أنها تساعد على توجيه المدخرات نحو الاستثمارات الملائمة (سواء في الأسهم أو السندات) وذلك وفقاً لاتجاهات الأسعار.

دورك الان في مساندة اقتصادنا القومي

كيف ؟؟؟

المساهمة و المشاركة في مبادرة حافظ علي اقتصاد بلدك عن طريق مساهمتك بأي مبلغ بدأ من 100 جنيه

هذا المبلغ سيتم به شراء اسهم للشركات ذات الملائة المالية الموثوق فيها و الشركات التي لا غبار عليها و سيتم الابتعاد عن الشركات التي من الممكن ان يطالها شيء من الشكوك او عدم الثقة

سيتم انتقاء الاسهم بناء علي دراسات مالية و فنية محايدة تماما هدفها ضخ الاموال في اماكنها الصحيحة لتفادي انهيارات سعرية لكبار الاسهم المكونه لمؤشر البورصة المصرية و كذلت لتعويض الفراغ الذى قد تشكله أيه عمليات تخارج أجنبية او عربية من البورصة المصرية

مساهمتك في مساندة الاقتصاد القومي ستكون للمدي المتوسطة ، فقد يستغرق استثمارك لنقودك ما لا يقل عن ستة اشهر فاحرص علي ان يكون مبلغ مساهمتك لا تحتاجة علي المدي القريب

الاقتصاد القومي المصري قوي و ما يتعرض له الان من انهيارات ليس نتيجة سوء او ضعف الاداء المالي للشركات و لكنه نتيجة ظروف سياسية تؤثر بشكل كبير علي البورصات حينما تحدث في اي دولة

فاعلم انه بمجرد ان تبدأ حالة من الاستقرار السياسي سيتعافي الاقتصاد فورا و سيتحول مؤشر البورصة سريعا الي الصعود محققا نتائج ايجابية لاستثماراتك و اقتصاد مصر

**ahmed4000** · 09-02-2011 11:50 AM

كل يوم الشعب المصرى بيبن رجولته ووطنيته من اول اللى نزل فى المظاهرات يضرب فى الامن المركزى للى نزل يحمى القسم للى وقف يواجه بلطجية للى عايز يحمى بورصته

الازمة دى خلقت ايجابية رائعة جوا الناس ربنا يديمها نعمة

ممكن حضرتك تروح لاى شركة سمسرة قريبة منك..متفرقش اى شركة وادى اسمائهم كلهم

.:: ط§ظ„ط¨ظˆط±طµط© ط§ظ„ظ…طµط±ظٹط© ::.

ويكون معاك بطاقة رقم قومى وهما حيفتحولك حساب وتدفع ال100 جنيه وتحدد اى اسهم حضرتك عايز تشترى فيها

ودى اسماء كل الأسهم المقيدة فى البورصة

http://www.egyptse.com/arabic/ListedStocks.aspx

**power** · 09-02-2011 02:46 PM

مجرد راي لو مش عاجبك اعتبر انك مقرتش حاجه
مش حقول كلام بعض الناس اللي فيه شيء من الوجاهه برضه وان كان مش وقته لاغراض وطنيه
"هما لمل كانو بيكسبوا كانوا بيقوللنا تعالوا اكسبوا معانا شويه ولا هما بيعرفونا لما يحسروا بس"
تاني حاجه احب اقولك ان البورصه لسه حتقع تاني في انتخابات مجلس الشعب وحتقع تالت لنا تتعمل انتخابات الرئاسه فانا لوعايز اتدخل اصبر لحد ما كل ده يعدي علشان الراجل اللي بيعمل كده علشان البلد ميحسش انه اضحك عليه
تالت حاجه مش صح موضوع كل واحد يشتري السهم اللي يعجبه لان معني كده ان الفلوس حتتوجه بالاستفاد لمستثمرين معينين او لقطاع معين الصح انه يتعمل صندوق استثمار تديره الدوله تحت اشراف يحدده المتخصصين ويبدا عمله بعد انتخابات الرئاسه-النفطه دي قابله للنقاش-وانا شايف ان مجرد خبر بالقوه دي ممكن يدي ثقه في البورصه المصريه-في ناس حتدخل تشتري قبا ما صندوق الاستثمار ده يدخل ويزود الاسعار وفي الاخر السوق هو المستفيد
بس لازم صناديق استثمار لكن الشراء الفردي حيعمل مضاربات ده غير ان المشتري الجديد لا يعرف حاجه عن marker mechanism/portfolio devirsification/risk &return صندوق الاستثار حيساعده في كل ده
ولو حسبنا الموضوع بفكر pure capitalism يبقي نسيب السوق يعمل auto adjustment لنفسه وده انا شايفه صعب في ظل الظروف دي علشان راس المال جبان ده رغم اني داعم كبير للفكر الراس مالي المتعفن وبالرغم اني شايف الدوله المفروض تتدخل في انقاذ سوف المال انا ضد تدخلها في سعر الصرف مثلا"عندي اسبابي"
وكالعاده في اخر كل رد ليا لازم اعتذر لاني بطول جدا ولاني لاكاك جدا زافتكر اني قولت لو مش عجبك اعتبر انك مقرتش حاجه

**zago** · 09-02-2011 03:04 PM

يا خبر ابيض
مادام جت منك يا بونانزا يبقى الموضوع جد
ربنا يستر
على فكره انا في الدور التاسع
حطب عليك قريب انشاء الله

**zago** · 09-02-2011 03:10 PM

المشاركة الأصلية كتبت بواسطة power

مجرد راي لو مش عاجبك اعتبر انك مقرتش حاجه
مش حقول كلام بعض الناس اللي فيه شيء من الوجاهه برضه وان كان مش وقته لاغراض وطنيه
"هما لمل كانو بيكسبوا كانوا بيقوللنا تعالوا اكسبوا معانا شويه ولا هما بيعرفونا لما يحسروا بس"
تاني حاجه احب اقولك ان البورصه لسه حتقع تاني في انتخابات مجلس الشعب وحتقع تالت لنا تتعمل انتخابات الرئاسه فانا لوعايز اتدخل اصبر لحد ما كل ده يعدي علشان الراجل اللي بيعمل كده علشان البلد ميحسش انه اضحك عليه
تالت حاجه مش صح موضوع كل واحد يشتري السهم اللي يعجبه لان معني كده ان الفلوس حتتوجه بالاستفاد لمستثمرين معينين او لقطاع معين الصح انه يتعمل صندوق استثمار تديره الدوله تحت اشراف يحدده المتخصصين ويبدا عمله بعد انتخابات الرئاسه-النفطه دي قابله للنقاش-وانا شايف ان مجرد خبر بالقوه دي ممكن يدي ثقه في البورصه المصريه-في ناس حتدخل تشتري قبا ما صندوق الاستثمار ده يدخل ويزود الاسعار وفي الاخر السوق هو المستفيد
بس لازم صناديق استثمار لكن الشراء الفردي حيعمل مضاربات ده غير ان المشتري الجديد لا يعرف حاجه عن marker mechanism/portfolio devirsification/risk &return صندوق الاستثار حيساعده في كل ده
ولو حسبنا الموضوع بفكر pure capitalism يبقي نسيب السوق يعمل auto adjustment لنفسه وده انا شايفه صعب في ظل الظروف دي علشان راس المال جبان ده رغم اني داعم كبير للفكر الراس مالي المتعفن وبالرغم اني شايف الدوله المفروض تتدخل في انقاذ سوف المال انا ضد تدخلها في سعر الصرف مثلا"عندي اسبابي"
وكالعاده في اخر كل رد ليا لازم اعتذر لاني بطول جدا ولاني لاكاك جدا زافتكر اني قولت لو مش عجبك اعتبر انك مقرتش حاجه

ايه الكلام الاكاديمي ده كله
يا حلاوه يا ولاد
ما فيه كفاءات في البلد اهو
بس سيادتك اكيد اكيد اكيد مش عارف الفوله في الحقيقه ماشيه ازاي
عموما من ناحيا انتخابات الرئاسه ومجلس الشعب الحل هو ...
100 جنيه دلوقتي
100 مجلس شعب
100 رئاسه

المجموع 300 جنيه قول من نص الشعب 40 مليون واحد
وانشاء الله نحتل امريكا قريب

الاستثمار في البورصه لعبه ليها قواعد وليها ( باسووردات ) تفتحلك كذا ليفل ( اكسكيوز ماي فرنش )

لكن اللي استاذ اسامه يقصده دلوقتي مش متاجره بغرض التربح لا هو يقصد استثمار بغرض دعم الاقتصاد في الفتره المؤقته المنيله بنيله دي

**heshamzaky** · 09-02-2011 03:13 PM

أسامة أنا بثق جدا فى فكرك و رأيك حا أكلمك يا باشا علشان كام استفسار كدة

**zago** · 09-02-2011 03:17 PM

المشاركة الأصلية كتبت بواسطة heshamzaky

أسامة أنا بثق جدا فى فكرك و رأيك حا أكلمك يا باشا علشان كام استفسار كدة

حبيبي يا استاذ هشام ..صباح الخير

**dr-mohamed** · 09-02-2011 03:19 PM

اسامة بيه
لو انا كنت مشترك زمان في البورصة لكن مش فاكر طبعا الرقم بتاعي والشركة القديمة اللى كنت بتعامل معاها غلسة ومش عايزين يدوني الكود بتاعي ممكن ادخل تاني ويتعمل كود جديد ولا لا ؟

**zago** · 09-02-2011 03:22 PM

اي شركه سمسره حضرتك حتروحها حيجيبو الكود بتاعك بالبطاقه
وممكن تجيبه بنفسك من البورصه
واي شركه سمسره حتكودك دلوقتي وانت واقف لو ملكش رقم اصلا

**heshamzaky** · 09-02-2011 03:24 PM

المشاركة الأصلية كتبت بواسطة zago

حبيبي يا استاذ هشام ..صباح الخير

صباح الفل يا وسام أزيك يا باشا

المشاركة الأصلية كتبت بواسطة dr-mohamed

اسامة بيه
لو انا كنت مشترك زمان في البورصة لكن مش فاكر طبعا الرقم بتاعي والشركة القديمة اللى كنت بتعامل معاها غلسة ومش عايزين يدوني الكود بتاعي ممكن ادخل تاني ويتعمل كود جديد ولا لا ؟

دكتور محمد و الله العظيم أسامة (( بونانزا ))) دة عقلية ممتازة جدا فى مجال البورصة دة صديق عزيز جدا ليا و من رابطة التمبرا و شوفتة يجى 30 مرة ههههههه و من أجدع الشخصيات الى ممكن تعرفها. وزاجو برضو من رابطة التمبرا و أعرفة شخصيا و كان بيعمل فى البورصة قبل كدة