الموضوع: لو عاوز تريح دماغك من اضطرابات الاقتصادية في البلد و تعمل مشروع تعالي اقرا و مش هتندم

موضوع جميل جدا جدا جدا واحنا كلنا محتاجين المشاريع ديه فى الوقت الحالى واللى اقدر افيد بيه فى مشروع زى ده
انى كنت شغال فى شركة لقطع غيار ماكينات النسيج والتريكو والغزل وبتبيع وتشترى ماكينات مستعملة هى شركة تركية
وعلاقتى بيهم طيبةوالحمد لله ولو احتجتوا اى شئ مش موجود ممكن يجبوها من تركيا سواء تصنيع قطع غيار او ماكينات مستعملة من هناك
بصراحة انا كنت بخش مصانع وشركات كبيرة زى قطونيل والامبراطور بحكم شغلى فى الشركة ديه وكان نفسى اشتغل فى المجال ده لانى اعرف ان مكسبه ماشاء الله بس كنت محتاج شوية وقت اعيد ترتيب الامور .
هو الصراحة مشروع ناجح وشغال وربنا يكرمكم جميعا ويوفق الجميع وانا تحت امركم فى اى شئ.


اخوكم/ عمرو ادم

احب احييك على دماغك :)
المشروع ده كان مقتصر فقط على كارينا وكان مكسبه فيه عالى جدا
بس احنا مصريين و بنحب نضرب فى بعض
ظهرت مصانع تانيه على رأسها عثمان
وده نزل نفس المنتج بسعر اقل بكتييييييير
المشكله اننا مش بنعرف نكسب "جمب" بعض ..بنحب "نضرب" بعض لحد ما نضيع المكسب
بس بحكم عملى فى سوق الملابس و النسيج
التوزيع صعب مش سهل ... او بمعنى اصح محتاج صبر و"نفس طويل من الناحيه الماديه"
لكن هو فى الاخر مشروع جميل جدا و مش صعب و مراحل الانتاج فيه مش كتير زى معظم صناعات الملابس