الموضوع: لو عاوز تريح دماغك من اضطرابات الاقتصادية في البلد و تعمل مشروع تعالي اقرا و مش هتندم

المشاركة الأصلية كتبت بواسطة ahmed a.maksoud

تحياتى ليك يا باشا

أنا أفتكرت حضرتك بتقصد ال 10% دى للفواقد و التوالف.....و هى فعلاً نسبة عالية بس أنا تصورت أنها للفواقد و التوالف فقط لا غير.

عموماً هو الموضوع محتاج دراسة جدوى كويسة علشان الوقت اللى أحنا فيه صعب و مش ناقص مفاجأت لا قدر الله.

و الموضوع لو عاوزين تتاخذو فيه خطوات جدية بالأعتماد على فكرة الأسهم يبقى أنا معاكم إن شاء الرحمن.

بس لا بد من دراسة جدوى.....و يستحسن تقديرات التكلفة تكون بالزيادة تحسباً لأى ظروف .

لو عندك المعلومات المتوفرة عن الحاجات التالية أبعتهالى على amaksoud@gmail.com و تكون دراسة التكلفة للوحدة الواحدة موجودة عندكم خلال يومين أو تلاتة إن شاء الله ( بس لا تغنى عن دراسة الجدوى برضه :e_braces[1]: )
1- تكلفة النسيج الكافى لإنتاج يوم كامل.
2- تكلفة الصباغة لإنتاج يوم كامل.
3- تكلفة الخياطة لإنتاج يوم كامل.
4- تكلفة التعبئة أو ال packaging للوحدة.
5- عدد العمال و متوسط أجور العمال ( سواء عمال تشغيل الماكينة أو مندوبى مبيعات )
6- الأستهلاك التقريبى للكهرباء لمدة يوم.
7- الأيجار المتوقع للمكان.
8- مصاريف الصيانة الشهرية.


ده اللى فى دماغة حالياً......و ممكن يضاف أليهم اى شئ حسب خبرتك فى الموضوع طبعاً.

الله يبارك فيك
و احنا هنا بنتشاور كلنا
لو حابب ابعتلك المعلومات علي الايميل و تعملنا دراسه مبدئيه مفيش مشكله
لو حابب نتقابل سوا و نعملها سوا مفيش مشكله
انا نفسي بجد المصريين كلهم يتلموا
و ده الدافع اللي جوايا
عاوز افيد اخواتي
صدقوني و الله هو ده الدافع ان شاء الله
لكم مني كل الشكر

بعد اذن صاحب الموضوع طبعا
انا كنت عملت دراسه بسيطه جدا لتكاليف المشروع فلو ياذن ليا ممكن احطها و نتناقش فيها