لخبراء الدش

**mohamed2002** · 09-02-2011 01:18 PM

السلام عليكم لو سمحتم انا بوضب شقتي وعاوز رائيكم

دلوقت انا عاوز 3 وصلات للشقة
1-وصلة لحجرتي
2-وصلة لليفنج روم
3-وصلة للريسبشن
,وعندي ريسيفر واحد وحشتري اتنين أن شاء الله وعندي واحدة lnb

المشكلة:
عمارتي مكونة من 6 ادوار وانا الدور قبل الآخير وبجواري 3 ابراج سكنية 17 دور كل واحدة فيهم معظم سكان الشارع مركبين أطباق 60 سم في البلكونة علي الجدار واللي كان مأجر الشقة مني كان حاطط طبق علي السطح انا مش محتاج غير النايل سات لاني مش بتفرج الا علي القنوات المعتادة دريم والحياة والجزيرة والمحور قنوات الآفلام تخوفي الوحيد يكمن لو حد من ال 3 عمائر حدف اي حاجة علي الطبق كرتونة كيس زبالة (ربنا يهديهم في ناس كتير بتستسهل وتحدف علينا ) هل سيؤثر علي الطبق والآرسال ؟فبالتالي اركبه في البلكونة مع أني مش حابب احطه في البلكونة نهائي؟

الطبق أجيبه كام ؟ وبيفرق اية ال 60 سم عن ال 120 سم؟
هل ينفع يركب علي الطبق الواحد 3 lnb للنايل سات؟

**thunder155** · 09-02-2011 01:44 PM

الـ 120 أفضل من حيث ثبات الإشارة كما يمكن تركيب أكثر من قطعة و لكن على أقمار مختلفة

و للحصول على قنوات النايل سات على اكثر من مخرج يجب تركيب قطعة ذات مخرجين أو أربعة مخارج

**mohamed2002** · 09-02-2011 02:23 PM

طيب كلام سليم في حالتي أجيب قطعة 4 مخارج طيب لو في حاجة وقعت علي الطبق ممكن تؤثر علي الآرسال؟؟

لو ركبت مثلا قطعة للعرب سات دات مخرج واحد حتبقي في الحالة دي تغذي انيو غرفة؟وطبعا علي نفس الطبق؟

**elm3lem_youssef** · 09-02-2011 04:13 PM

بص يا باشا هو ممكن تجيب lnb فيها 3 مخارج وفى الحاله دى مش حتحتاج تنقل الريسيفر من مكانه وممكن تعمل حاجه تانيه أنا عاملها عندى وهى لو عندك lnb راكب فعلا ممكن تجيب مشترك توزيع بيبقى فيه مدخل و 3 مخارج وبيركب فى الشقه تحت
أنا نازل من الطبق عندى سلك واحد وداخل فى المشترك ده وماشى فى الحيطه لغايه كل حجره لس فى الحاله دى لازم تحرك الريسيفر من مكانه بس لأنى كنت لسه بوضب فى الشقه
الأسهل والأفضل فى حاله حضرتك تركب lnb فيها عده مخارج

**mohamed2002** · 09-02-2011 06:04 PM

المشاركة الأصلية كتبت بواسطة elm3lem_youssef

بص يا باشا هو ممكن تجيب lnb فيها 3 مخارج وفى الحاله دى مش حتحتاج تنقل الريسيفر من مكانه وممكن تعمل حاجه تانيه أنا عاملها عندى وهى لو عندك lnb راكب فعلا ممكن تجيب مشترك توزيع بيبقى فيه مدخل و 3 مخارج وبيركب فى الشقه تحت
أنا نازل من الطبق عندى سلك واحد وداخل فى المشترك ده وماشى فى الحيطه لغايه كل حجره لس فى الحاله دى لازم تحرك الريسيفر من مكانه بس لأنى كنت لسه بوضب فى الشقه
الأسهل والأفضل فى حاله حضرتك تركب lnb فيها عده مخارج

شكرا لردك بس لو ممكن مزيد من التوضيح

**Sherif Khalifa** · 09-02-2011 06:17 PM

حل حضرتك الواحيد lnb بى 3 مخرج و هتنزل 3 اسلاك
سلك لكل غرفة

المشترك دا كويس بس فى حالة انك هتنقل الريسفر من غرفة لغرفة لكن لو استعملت 3 ريسيفر على lnb واحدة بمخرج واحد هتكون المشكلة ان كل غرفة مش هتفعرف تفتح نفس القناة المفتوحة فى الغرفة الاخرى ولا اى قناة على نفس تردد القناة المفتوحة

و بما انك هتجيب النيل سات بس يبقا دا الحل الوحيد ليك 3 مخرج

**AmAhmed** · 09-02-2011 06:40 PM

الفنيين في المنتديات المتخصصة بالدش بيقولوا ان lnb 4 مخرج اغلبه سئ
تاكد من الفني ان قطعة lnb علي ضمانته و انها شغاله تمام
و للتاكيد و التغلب علي اي مشاكل خد طبق اكبر من 60 اعتقد ان 80-100 حيكون احسن استثماري او مستورد و حتقدر تركبه في البلكونة بسهولة

**mohamed2002** · 09-02-2011 09:02 PM

المشاركة الأصلية كتبت بواسطة sherif khalifa

حل حضرتك الواحيد lnb بى 3 مخرج و هتنزل 3 اسلاك
سلك لكل غرفة

المشترك دا كويس بس فى حالة انك هتنقل الريسفر من غرفة لغرفة لكن لو استعملت 3 ريسيفر على lnb واحدة بمخرج واحد هتكون المشكلة ان كل غرفة مش هتفعرف تفتح نفس القناة المفتوحة فى الغرفة الاخرى ولا اى قناة على نفس تردد القناة المفتوحة

و بما انك هتجيب النيل سات بس يبقا دا الحل الوحيد ليك 3 مخرج

شكرا لردك ياباشا وانا حعمل زي ما حضرتك قولت بس سؤال لو حبيت اخليهم قمرين حيبقي الوضع اية كدة؟

**mohamed2002** · 09-02-2011 09:04 PM

المشاركة الأصلية كتبت بواسطة amahmed

الفنيين في المنتديات المتخصصة بالدش بيقولوا ان lnb 4 مخرج اغلبه سئ
تاكد من الفني ان قطعة lnb علي ضمانته و انها شغاله تمام
و للتاكيد و التغلب علي اي مشاكل خد طبق اكبر من 60 اعتقد ان 80-100 حيكون احسن استثماري او مستورد و حتقدر تركبه في البلكونة بسهولة

الفرق بين المقاسات بيكون في اية بالظبط؟شكرا لردك

**AmAhmed** · 09-02-2011 09:15 PM

المشاركة الأصلية كتبت بواسطة mohamed2002

الفرق بين المقاسات بيكون في اية بالظبط؟شكرا لردك

الطبق الاكبر بيجمع اشارة اكتر
فلو الطبق اتهز او ال lnb مش بالجودة المطلوبة
زيادة حجم الطبق ممكن تساعد في استقرار الاشارة خصوصا علي الترددات الضعيفة
الي جانب لو اشتريت متر و فكرت تركب اوربي مثلا للماتشات يبقي الطبق جاهز لكده من غير ما تحتاج تغير الطبق مجرد تزود lnb للقمر اللي عايز تزوده
و الفرق في السعر حوالي 30-40 جنيه مابين ال 60 و ال 100 الاستثماري

و في النهاية انت حتمشي حسب ما يقول الفني لانه ملتزم يسلمك كل شئ شغال و مظبوط و علي ضمانته