جايز البنزينه اللي فولت منها كان عندها دم و بنزينها كويس
عموما عندي شويه اقتراحات
الاقتراح الاول انك تحط بنزين تاني بس ما تفولش جايز العوامه تكون معلقه و سيب البنزين يخبط فيها شويه
الاقتراح التاني دور على كام مطب بس حنينين و خش عليهم جايز العوامه تفك
الاقتراح التالت خبط بايدك على خفيف على مكان الطلمبه بتاعه البنزين تحت الكرسي اللي ورا جايز تفك برضوا
الاقتراح الرابع ارفع العربيه على الكوريك مره من اليمين و مره من الشمال بحيث ان العوامه لو كانت معلقه تفك
الاقتراح الخامس روح لميكانيكي يفكلك الطلمبه و يشوف العوامه بس متروحش لواحد حمار عشان دي مهمه مش سهله
الاقتراح السادس روح التوكيل و امرك لله
المفضلات