الموضوع: انت زعلان من تصرفات اللي في التحرير-ناوي تعمل ايه ؟

ياشهدي الطلب الأساسي للثورة حاليا تنحي الرئيس
هل تطبيق ذلك في صالح البلد ولا الأصلح الأنتظار لنهاية حكمه؟
ده ألي الناس مختلفة عليه دلوقتي وده ألي بأطلب منك توضيحه وتحليله لتوضيح أسباب تمسكك بأستكمال الثورة بمعناها اللفظي والتاريخي!

للأسف بيتهيئلى فى ناس كتير متعرفش يعنى ايه حكم عسكرى
بالرغم من عدم دخولى الجيش الا انى اعرف الكتير عنه وعن اسلوب الطاعه والأوامر فيه وانو مفيهوش هذار ولا قدره على مخالفه الأوامر زى الشرطه
توضيح بس انا قلبا وقالبا مع الثوره ومايطلب فيها
لكن الشئ اللى بيذيد عن حده ينقلب ضده
دايما بيبقى فى سقف عالى من المطالب واللى يتوقع ياخده كلها يبقى سورى مع احترامى للجميع غبى وبيودى نفسه للمجهول
لأن دايما فى تحت السقف العالى للمطالب ده حد ادنى يجب التراجع عنده وألا يتم خساره ماتم تحقيقه البعض هيقولى هو فين اللى اتحقق هقوله اصبر شويه وهتشوف محصلش صدقنى مدام اتعملت مره يبقى هتتعمل التانيه وبحجم اكبر الناس عرفت الطريق خلاص
لكن هنركب دماغنا ونقول اللى عايزينه هو اللى يتحقق وبس يبقى هنخسر كل حاجه
وبدعى من كل قلبى ان مايلجأوش للحكم العسكرى يبقى ساعتها كأنك يأبو زيد ماغذيت
صحيح افراد الجيش عمرهم ما هيضربو فى اهلهم لكن بردو مش هيقدرو يكسرو الأموامر ولو حصل يبقى هودا اللى بنتكلم فيه الأنقلاب والحكم العسكرى
وساعتها سلمولى على الحريه والديمقراطيه وندخل فى 30 سنه كمان من القرف اللى احنا شايفينه
لازم الحبل يرخى شويه عشان لما نيجى نشده تانى نلاقيه نشد فيه
لكن لو فضلنا شادينه على طول هيتقطع ومش هتعرف تربطه تانى
اعلن انى مؤيد كامل للثوره التى حدثت ولست من الحزب الوطنى
ومن قراء مشاركات لى قبل الثوره سيعرف موقفى ولكن المزايده اكثر من ذلك ستؤدى فعلا لفوضى يجب الحفاظ على ماتوصلنا له ونعلم جيدا انهم من الصعب الخداع لنا فيما وعدو فهم رأو وشهادو ماذا يحدث عندما الشعب يثور ولكن اذا ظل موقفنا هكذا سنخسر كل الوعود التى ارى انها تتحقق خطوى بخطوه وياريت الباب يفضل موارب عشان نعرف نفتحه تانى لكن لو اتقفل بجد مش هتعرفو تفتحوه دا رأى وليكم مطلق الحريه فى تقبله او رفضه
وياريت منخليش حماسنا واندفاعنا كاشباب يودينا لطريق مسدود

المشاركة الأصلية كتبت بواسطة baskota

هو مين اللى هيعمل انقلاب عسكرى
وعمر سليمان بيهدد الشعب بانقلاب عسكرى فى صالح مين
معلش فعلا مش فاهمة

الجيش وظيفته الأولى حماية الشرعية والدستور يعني النظام يعني الريس
السيناريو التاني أنقلاب على الحاكم لصالح الجيش
في الحالتين حكم الجيش للدولة(أحكام عسكرية أو كما تسمي عرفية)