انت بتسيحلى!!!!
ايه يا ابو كمال كده هعيرفوا ان عندى اجنده وعضو قديم فى الولاوله الحمرا وعضو سابق فى معتقل المغول
أحمد كمال باشا عاجباك الخسارة ألي البلد بتخسرها بالملايين يوميا
بلاش دي عندك تصور محدد لما يمكن أن يؤدي ليه أستمرار المظاهرات من مكاسب.........الخسارة واضحة للجميع وأتكلمنا عليه كتيييير........... ارجو أيضاح المكاسب في نقاط واضحة وليس في شعارات
تقبل تحياتي
الجريمة الكبرى للنظام ليست الفساد ولا الافساد ولا العمالة ولا البطالة
الجريمة الكبرى من وجهة نظرى هى اللى احنا فيه دلوقتى من سفسطة وجدل بيزنطى عقيم على حق وحقيقة ظاهرة مثل ضوء الشمس وهى ان هناك ثورة حقيقية فى مصر تعمل لصالح مصر واجيال الشباب اللى عايزين يتنفسوا
ولازم نقف جنب الثورة للاخر
وان اللى معطل احوال البلد هو النظام مش احنا واللى معاند هو النظام مش اللى فى التحرير
جريمة النظام الكبرى هى انه خلق فينا هذه الاراء الغريبة والمريبة والعجيبة اللى باشوفها فى هذا الموضوع وغيره من المواضيع فى نايل موتورز
الناس اللى بتطالب الضحية ان تكون اكثر استكانة وتطالب الكريم ان يعتاد الاهانة ليه ؟؟؟؟؟ بجد حرام عليكم
دعوا الناس تطالب بالحرية و الكرامة وان لم تستطع ان تكون حر كريما فلا اقل من ان تصمت ولا تنطق بكلاما كالسم بل اشد فتكا
حرام عليكم يا مصريين مننا فينا ندمر احلى ما فينا بحجج واهية ومتداعية لا تقنع طفل صغير
والله يا جدعان مش عايزين تريقا وبكرة هنعرف مين كويس هيتريق علينا خلوا شوية لبكرة يعنى لو كل اللى انتوا عايزنه حصل والرئيس مشى والبلد اتخربت على اللى فيها انتوا هتضمنوا الكلام ده انه مش هيحصل واننا هنعيش فى امان بقى وسلام ومفيش حرب وعيشة فله وحلوة انتوا معلش فاهمين غلط فاهمين ان اول ما الرئيس يمشى خلاص البلد هتبقى امريكا وجو نظيف وكدة ولا فاهمين اية انا بس عايز اعرف تفكركم اية فكروا كدة مين ممكن يمسك البلد دية فكروا واحد زى البرادعى اللى ملهوش فيها ولا يعرف عنها حاجة واحد زى احمد زويل ده اه على عينى وراسى بيفهم فى الفيزياء لكن مش يمسك 85 مليون واحد
من الاخر البلد دية لازم واحد عسكرى اللى يمسكها علشان دوول اللى يعرفوا يعلموا الناس ازاى تتكلم صح
هو لون الخط مش كان برتقالي يا اخواننا ؟
مين اللى معطل الاقتصاد؟
المتظاهرين ولا النظام
لما الثوره تنجح ويبقى عندك نظام ديموقراطى وشفافيه عاليه وكمان مافيش محسوبيه ولا قرف من اللى احنا فيه يبقى اكيد الاقتصاد هيتقدم - لما القواعد تبقى واضحه وعندك منظومه لا تعتمد على شخص اكيد الاقتصاد يتقدم لما الناس تقدم مصالح البلد على مصالحها الشخصيه مش هنشوف مصنع اسمنت يتباع ببلاش وتانى يوم الحكومه تدفع تمنه للشركه تمن توريد اسمنت يبقى اكيد الاقتصاد يتقدم
ليس هناك نظام قمعى ذو شأن اقتصادى عدا النموذج الصينى والماليزى سابقا
الخسارة سببها مين طيب ؟؟؟؟؟ المتظاهرين؟ ليه و ازاي ؟؟؟؟؟؟ هتقول لي السياحة ..... هاقول لك معلش .... الحرية ليها تمنها
و بعدين هي المظاهرات هي اللي وقفت حال البلد يعني؟؟؟؟؟؟؟؟؟ هي المظاهرات هي اللي سحبت الداخلية من الشوارع .... هي المظاهرات هي اللي قفلت البنوك و الشركات ..... الخ الخ الخ ؟؟؟؟؟؟؟؟؟؟ هي المظاهرات هي اللي عاملة حظر تجول مالوش تلاتين الف لازمة دلوقتي و خليتني من يومين جالي شبه ازمة قلبية و اخدت ساعة في الطريق للمستشفى ؟؟؟؟؟؟؟
اعيش حر و اكل عيش بجبنة ...... احسن ما اعيش زي الجاموسة في الزريبة و باكل فزدق و كافيار ..... بس في اي لحظة ممكن اتسحب من رقبتي عالدبح ......