يا جماعه...
ياريت تفيدوني في حكاية الـFM Transmitter عايز اشتري واحد يكون كويس واشارتة قوية وواضحة...
انا مش عايز اغير الكاسيت الاصلي ولا عايز العب في العربية ...
انا عندي MP3 وعايز اشغلة علي الكاسيت ....وافضل الحلول هي FM Transmitter ..
عرض للطباعة
يا جماعه...
ياريت تفيدوني في حكاية الـFM Transmitter عايز اشتري واحد يكون كويس واشارتة قوية وواضحة...
انا مش عايز اغير الكاسيت الاصلي ولا عايز العب في العربية ...
انا عندي MP3 وعايز اشغلة علي الكاسيت ....وافضل الحلول هي FM Transmitter ..
اشترى من راديو شاك
صناعة صينى و بريموت
ذاكرة لاخر تراك تم تشغيلة
ايكولايزر
امكانية تشغيل flash memory و memory card
عرض اسم الاغنية على الشاشة
كارت ذاكرة 512 ميجا هدية
ضمان 3 شهور
السعر 130 جنية
MMamdouh
محمد ممدوح باشا....
الف شكر يا ريس...وجاري التخطيط لعمل زيارة سريعه لراديو شاك..والشراء ان شاء الله...
يا أخ هيرو العملية مش بالضخامة وراديو شاك
أى واحد بتاع إكسسوارات كمبيوتر إشترى fm moulator بالريموت ب85جنية
وإشترى فلاشة 1جيجا ب45 جنية أدى الموضوع وما فيه الفلاشة حط فيها أى كمية من الملفات اللى عايزها أهم حاجة تكون إمتداد mp3 وفى مكان الولاعة عامل القصة دى عندى والصوت 100 100 وطاحونة شغل وربنا يسترها
ياجماعه انا عايز اسأل هو انا ممكن اشغل ةةmp3على الfm transmitterولا لأ
وهل ممكن اشغل عليه افلام واجيب شاشه واركبها مع العلم انى معنديش تسجيل اسطوانات
انزل باب اللوق في شارع التحرير. كل محلات الكومبيوتر اللي هناك بيبيعو الFM Modulator وانواع كتيرة جداً زي ما انت عاوز
الشريط صوته احسن بكتير بس لو هتعلي الصوت عشان لو هتوطيه هتسمع صوت الشريط و هو بيدور، و الاف ام صوته وحش جدا و مكتوم مافيهوش تربلات اصلا تقريبا
انا اشتريت الشريط استعمله مؤقتا
طلع فاشششششششششششل جدا وهيبوظ الكاسيت
اولا الكاسيت بيقلب على الوش التانى كل دقيقه
وجهه منهم بيطلع الصوت ممتاز
ويروح قالب الوجهه التانى بعد دقيقه والصوت مقدرش احكيلكم عن السوء
اضافه الى انه كل شويه يفصل ثانيه الاغنيه لانه بيقلب كل دقيقه
رحت مطلعاه وفتحت قزاز العربيه ورميته:mad::mad: خنقنى
^^^ الاخت دموع الثلج انا اول مرة اسمع المشكلة دي منك انا دايماً بستخدمة ومع ناس صحابي كتير بيستخدموه
واول مرة اسمع الحكاية دي وعمره ما قلب مع حد خالص
انا سمعت ال FM Mod. فى عربيه وكان صوته عادى مش ناقص حاجه كانى حاطط شريط كاسيت بس انا مشفتش منه بيعرض اسم الاغنيه دى اللى شفته بيعرض ارقام بس
هل اللى فى راديو شاك دا بيعرض اسم الاغنيه زى ال mp3 player كده
ولو مفيش فى راديو شاك هل يوجد انواع معينه كويسه او اسماء مشهوره والا كله زى بعضه ؟
الشريط مابيقلبش ولا حاجة ، اكيد المشكلة عندك فى الكاسيت نفسه، بس الاف ام صوته مكتوم و تقدر تجرب الاتنين ، و مش مستاهلة راديو شاك ولا حاجة ،هاته من اى محل كمبيوتر مش هيعدي 100 جنيه اللي بريموت ده بالنسبة لل اف ام، و الشريط ب 10 جنيه
انا جربت الاتنين بصراحة..
الشريط مشتغلش معايا و كان هيبوظ الكاسيت..كل لما احطه فى الكاسيت يطلع NO TAPE و يقلب على الراديو ....مش حاسس بيه خالص..
لدرجة انى افتكرت ان الكاسيت باظ...لكن مع شريط عادى اشتغل الكاسيت طبيعى جدا..
قلت يمكن الشريط الموصل قلب على وش تانى و لا حاجة ..برضه مفيش فايدة..
و جربت برضه FM mod. كان نوع عادى جبته من وسط البلد فى باب اللوق ب 90 جنيه...فيه شاشة و بيشغل يو اس بى و ميمورى كارد و معاه ريموت...بس مكنش معاه اى ذاكرة.
ركبت له فلاش ميمورى 2 جيجا حطيت كل الاغانى ام بى ثرى اللى عندى على الكمبيوتر...
فى الحقيقة بيبقى فيه صوت زنة او وش بس بغير التردد لاى تردد بعيد عن اى محطة راديو بيروح الزنة... و كمان لما ترفع الاريال بتاع العربية كويس الصوت بيبقى احلى...
هههههههههههههههههه
فعلا بعض الانواع ممكن تعمل كدة...بس دي مش مرتبطة بالشريط وبس...يعني تظبيط الكاسيت بيخلي بعض الشرايط يعمل الحركات دي..ومنها :
ان الكاسيت نفسة مظبوط علي اوتو ريفيرس...ودة ايلي بيخلي الكاسيت يقلب الشريط..وطبعا دة بسبب ان بيحصل حاجة من اتنين ياما البكر بتاع الشريط مش بيلف كويس...فالكاسيت بيحس ان الشريط خلص...ياما المسافات الفاضية من الصوت بين الاغاني طويلة شوية ..ودة بيخلي الكاسيت ما يحسش بالاشارة الصوتية وبالتالي يقلب..
نفس الكلام ايلي فوق ...بيحصل لو الكاسيت مظبوط علي Auto Repeat
للتخلص من الاعراض دي:
اتاكدي ان الشريط البكر بتاعه بيلف بحرية كاملة...يعني مش بيعلق ..
اعيدي ظبط الكاسيت باستخدام الكتالوج المرفق معاة علي انة ما يعملش اوتو ريفيرس او اوتو ريبيت او اي اوتو خالص..
حددي اتجاة الشريط علي الوجة ايلي تلاقي افضل صوت شغال علية...لان الهيد ايلي في الشريط وضعه مش بيتغير ...لكن الهيد ايلي في الكاسيت هو ايلي هايتغير...
هيروووووووو الف شكر على الشرح ده هشترى واجرب تانى لحد ما القى الترانسميتر بتاع رادبو شاك
وهقولك ايه الحكايه
انا فعلا روحت راديو شاك...بس للاسف مالقتش النوع ايلي الناس قالت علية هنا وايلي بيجي معاة كارت ميموري...لاقيت نوع تاني بتاع راديو شاك نفسة...وشكلة ماعجبنيش ولما شفت الريفوز بتاع ايلي اشتروة علي النت ...لاقيتة سيء جدااااا...
حاليا انا شغال بالشريط...المشكلة ايلي عندي بس...هو ان السلك ايلي خارج من الشريط مش بيخلي باب الكايت يتقفل خالص...دة غير اني لازم اتعامل معاة بنوع من الحرص الشديد قوي وانا بادخلة في الكاسيت علشان ما يعملش بلوة في الكاسيت من جوة...
شوية كدة هاجيب الترانسميتر...بس لما الاقي نوع نضيف..
يا هيرررررررررررررو انا لقيت النوع اللى قالوا عليه فى المنتدى اللى المفروض من راديو شاك
لقيته فى كارفور المعادى ب 199
ونوع تانى فيه ميمورى 1 جيجا ب 250 تقريبا ومعاه ريموت ووكابلين
نفس النوع ده فى شارع دمشق ب100 جنيه بس من غير ريموت
يا جماعه انا مجرب الشريط وكان ممتاز
ممكن يكون الشريط اللي اشتريته فيه عيب .. تقيل ما بيلفش او الهيد بتاعه مش في مكانه المظبوط
حاولي تلفي الشريط بقلم وشوفيه خفيف ولا تقيل وممكن تجربيه في كاسيت عادي
الشريط + mp3 جوده صوت اعلي بس عيبه في وصله السلك + بيستهلك بطاريات جامد (ممكن تحلي المشكله دي عن طريق شراء بطاريه بتتشحن + شاحن بتكلفه حوالي 70 جنيه من باب اللوق)
علي فكره لو عندك دخل اوديو في الكاسيت يبقي مش محتاجه الشريط توصلي بالكاسيت علي طول
fm transmitter
عيبه جوده صوت اقل (سنه) لأنه بيشتغل علي ترددات الراديو ( اللي هايسمع محاضرات دينيه لا اعتقد انها ها تفرق معاه )
بس ميزته لا يحتاج وصلات ولا بطاريات وشحن .. بس لازم اللي يجيبه يكون فيه بطاريه لتخزين اخر تراك
لان العادي ممل جدا .. كل لما تشغلي هايبتدي من اول وجديد
يا جماعه انا عندى الكاسيت لما بشغل عليه FM بيبقى جميل وزى صوت الكاسيت بالظبط , هل لو جبت ال FM Modulator هيطلع نفس الصوت عشان سالت فى موضوع تانى ومحدش جابلى سر الصوت حلو والا وحش دى
up up up u pu upup pu
انا اشتريت واحد من اسبوعين من راديو طلعت ب 70 جنيه واشتريت له من عندهم فلاشه 4 جيجا ب 100 جنيه رخصت دلوقتى المهم هو معاه ريموت بس انا ليا ملاحظتين عليه
الاولى الشاشه بتبين فقط رقم الاغنيه مش الاسم
الثانى الفلاشه طالعه منه كده شكلها رخم ( يوجد نوع ب 90 به مكان لكارت ميمورى احسن وشاشته احسن )
الثالث مفيهوش بطاريه تحفظ اخر تراك ودى مشكله جامده لانى احيانا بسمع عظات ممكن تكون العظه او الخطبه مدتها ساعه والمشكله انك كل لما تبطل العربيه وتشغلها هتبدى العظه من الاول خالص وعمرك ما هتكملها للاخر
الرابعه مفيهوش زرار اون اوف يعنى بيفضل شغال على طول بس انت بتبطل الكاسيت وفيه زرار سهم وسرطتين كدا بيوقف الصوت لكن الجهاز شغال متهيألى لكن من ناحيه الصوت كويس
الخامس ان الكاسيت حاليا فصل صوت خالص والفيوز سليم وقالولى هنا فى المنتدى انه ممكن يكون ic صوت ومش عارف هل ال FM Modulator ده هو السبب ولا ايه
اكيد فى انواع مفهياش العيوب دى
السلام عليكم
يا هيرو دى صور الترانسميتر والمودريتور اللى جبتهم للياريس
الترانسميتر معاه ريموت ومعاه واصله وفيه مكان لتركيب فلاش ميمورى ومكان لتركيب ميمورى كارد و مكان لتوصيله بجاك للام بى ثرى او
ده الجهاز والراس بتاعته متحركه لاعلى او اسفل يعنى مش بتضايق مكان فرامل اليد لما بتركبه فى ولاعه الياريس
دى صوره الشريط اللى بيتوصل بالام بى ثرى انا رائي انه فاشل بعد تجربه مش عارفه يمكن معايا بس
فيه فى السوق نوعين نوع لونه اسود وده خساره اى حد يشتريه وفيه اللى ذى ده لونه ابيض كلهم صينى طبعا بس ده الكواليتى بتاعته انضف من الاسود
بس حاسه انه مع الاستمرار ممكن يجيب اجل الكاسيت والهد بتاعه عشان كده بطلت اشغله وجبت المودريتور
الف شكر يا دموع علي الصور....وان شاء الله هاشتري واحد قريب...
يا دموع كنا عاوزين نعرف جبيته منين وبكام ويتري بيحتفظ بآخر تراك ولا لأ ..
يعني لو مشغل خطبه وانا في نصفها وبطلت السياره وبعد كده شغلت تاني ..بيكمل ولا يبتدي من اول وجديد؟؟
انا جبته تهريب من راديو شاك تقدر تقول بالواسطه :o اصلهم ماسكين على كلمه خلص ومش موجود وتابعينا وهكذا واحد معرفه الله يكرمه هرب لى واحد اللى صورته د ه
بكم مش عارفه والله بس هو مش هيعدى بكل الاحوال مع الميمورى كارد 512 130 جنيه ممكن تشتريه من غير ميمورى ارخص
هو بيوقف على اخر تراك فصل عليه الباور بتاع العربيه
ومش بيسحب من البطاريه والعربيه واقفه
وبيعمل اعاده للاغنيه لو عاوز تعيدها
جزاك الله خيرا علي الرد
حد يعرف اذا كان فيه انواع بتشغل ملفات اخري بالإضافه ل mp3
يعني تكون بتشغل كمان windows media او real media
انا لسه جايب واحد امبارح زى بتاع دموع بالضبط ب85 جنيه
نوعه جيجا ماكس ومنغير فلاشه وانا مشغله بميمورى كارت بتاع الموبيل
بس الغريب انا جبت واحد اشغل تمام اوى بعد كده مبقاش جيب غير كلمه welcome بس وبثبت على كده
روحت رجعته وجبت واحد تانى شغال لغايه دلوقتى تمام بس خايف ليعمل زى التانى