الموضوع: حبايبي .. وحشتووووني (سؤال لأسود نيسان) انقل الغيار عند كام rpm

انا شخصيا بعد لما سقت الصنى تحديدا من شهر تقريبا السواقه العاديه بنقل على 2500 ولو عايز تسارع اعلى وبجرى يعنى بنقل على 3500 بس انا غالبا بسوق هادى يعنى

المشاركة الأصلية كتبت بواسطة Peaceman

ايوه يا جميل انا هنا اهوه :

بص يا عم الصوت بيعلي عادي عند 3000 مفيش مشكلة
انا معايا اوتوماتيك بس مش عارف هل هتفرق عن المانيوال في الـ rpm ولا ايه
علي العموم لو عايز العربية تكون مستريحة في النقل و انت علي الهادي فبيكون من 2000 الي 2500
انما لو جنون بقي و جري و قرص يبقي لغاية 4000 او 5000 العربية هتشتم هههههههه
المعلومات ديه علي سواقتي في عربيتي و اي خدمة

اهلا ... اهلا
بيشوي بيك ........... كيف حالك :))
هو انت في الاوتوماتيك .... ممكن تتحكم في الار بي ام ؟؟ ......... مش هو بينقل لوحده
اصل انا شوفت فيديو لواحد عامل الصني بتاعته غاز طبيعي
ولما جيه يجربها ... لقيت الاrpm بيوصل لغاية 5 و6 وغالبا كان الغيار الثالث
بس وصل لل160كم/س .... مفيش علي طول
والاحسن للعربية وبعيدا عن موضوع البنزين.......... انها تجري وكده علشان الموتور يفوق ولا غلط الكلام ده؟؟

المشاركة الأصلية كتبت بواسطة احمد المصرى

انا شخصيا بعد لما سقت الصنى تحديدا من شهر تقريبا السواقه العاديه بنقل على 2500 ولو عايز تسارع اعلى وبجرى يعنى بنقل على 3500 بس انا غالبا بسوق هادى يعنى

أ/أحمد ....... كيف حالك؟؟
أخبار الصني معاك ايه ؟؟
وعاملة ايه في سواقتها ............. راضي عنها والفرق بينها واللي فبلها يستاهل ؟
وغالبا ده برضه اللي انا بعمله هادي 2500 والتسارع علي 3500
شاكر مرورك

المشاركة الأصلية كتبت بواسطة superhano

أنا بنقل من 2500:3000 سواقة عادية ومن 3500:4000 للتسارع العالي.
الحرق علي الموتور بصورة دائمة (اعلي من هذه النسب) يؤدي إلي إتلاف الاسطوانة والديسك وبيحرق الزيت قبل معادة.

أ/..... هاني (ده تخمين بس ههههه )
كيف حالك .... شاكر لمرورك جدا واهلا بيك في منتدي نيسان وتقريرك الجميل
انا كنت عايز اسال (بصورة دائمة) يعني كل مشيها كده ولا ايه
ولو زودت عن 5000 يعني افادي حد ولا حاجة ... فيها مشكلة؟
انا كنت سألت ميكانيكي قبل كده لما كان معايا البولو علي حرق الغيارات .... قلتله بتأثر علي حجاة
قالي لا ..مبتأثرش علي الموتور
مش عارف بقي يمكن علشان هو عارف ان سواقتي مش اللي هي بحرق علي الموتور جامد
شاكر مرورك
سؤال تاني ..... ولو جاوبتوه راح نوصل لل10000 ريال سعودي
هو انا لما اكبس بنزين وانا علي اي غيار ... ده بيديني تسارع ولا بستهلك بنزين اكثر
وبالنسبة للغيارات المانويل .... انا باخد الاول عادي (شمال قدام) لما اجي بقي اخد باقي الغيارات امور واخد الثاني بسرع طبعا الكلام ده .... ولا ممكن اطلع من الاول علي الثاني ومن الثاني علي الثالث وهكذا ؟؟؟؟
شاكر مروركم ....... واسف عي الاطالة

المشاركة الأصلية كتبت بواسطة Peaceman

بص يا جميل مفيش حاجه اسمها الموتور يفوق و يصحي و الكلام ده .. دي ميكانيكا و الموتور بيطبع في اول 1000 كيلو و بيبتدي استهلاك البنزين يتحسن حتي 10000 كيلو او اقل كمان
و في الاوتوماتيك بعد ما تسوقها فترة .. رجلك هتتعود بعد كده علي حساسية دوستك علي دواسة الاكسلاتير و من هنا ممكن تتحكم في النقلات زي ما انت عايز و بكل سهولة
يعني ممكن تعمل النقلات زي ما انت عايز .. بس الافضل انك متقورصش كتير علي الدواسة لأن كده انت بتقصر من عمر موتور العربية لكن العربية مش هتقولك لأ
و بعدين تكنولوجية الفتيس الاوتوماتيك بقت متطورة جدا جدا جدا يعني دلوقتي ممكن تجري بالعربية في ثانية و تعدي عربيات في ثانية
مش زي العربيات الاوتوماتيك زمان اللي كانت بتشل الواحد علي ما العربية تجمع
ارجوا اني اكون افادتك و اي خدمة

جزاك الله خير يابيشو علي الرد الجميل ده :))
الجزئية اللي عايز اعرفها ... وخصوصا ان معايا مانيوال واللي كان قصدي عليه
اني مثلا اخدت الغيار الثالث وتقريبا الrpm ساعتها بيبقي علي 2000 ... وعايز اخطف العربية مرة واحده كده علشان افادي عربية .... وطبعا انت لسه في اول الغيار فلازم استني لغاية ما العربية تجمع
ولا ارجع للتاني وادوس عليه ..... وحركة اني ارجع للتاني ... عادي مفهاش مشكلة
وعمر الموتور ده بيتقاس ازاي ..... يعني عبارة اقصر عمر الموتور ديه تبقي كام تقريبا ... يعني بتكلم في مده قد ايه علشان ابقي فاهم الزمن والكلام ده
لان بصراحة مجربتش الا البولو ومكانتش معايا من الزيرو ومعرفش انسبها للصني
ويلا ياعم عايزين نشوف الفرش بقي ... الموضوع كبر في دماغي اوي بصراحة :))

المشاركة الأصلية كتبت بواسطة sedyrohy

مساء الانوار يا حسين باشا و بحيي الاخ بيشوي الجميل على الرد الي كله معلومات مستني تقرير الفرش

اولا بخصوص نقل الغيار من على نقله كبيره الي صغيره يعني بالعربي تسقيط نقله ده عادي و ممكن تعمله في اي وقت حتى لو الار بي ام بتاع الغيار عالي مش عالي اوي يعني مش الار بي ام على 5 اللاف و تسقط كده بتكون تدمر الماتور و تسقيط الغيار الي انت بتقول عليه في لاوتوماتيك الي هوا الكيك داون و ده لما بكون ماشي هادي على ار بي ام ما بين 2000 و 3000 و بضغط على دواسه الاكسلاتير ضغطه طويله و ثابته بتلاقي الار بي ام على مره واحده و ممكن يوصل ل 6500 بس عادي و ده معناه ان الفيتيس خد غيار اقل من الي هوا ماشي عليه يعني من ال رابع للتالت و من التالت للتاني و طول ما الار بي ام مادخلش المنطقه الحمراء ده عادي بس بيأثر في العمر الافتراضي للماتور

ثانيا بالنسبه لعمر الماتور في عمرين مرتبطين ببعض عمر زمني و عمر كيلو متري
محرك البنزين هو مجموعة من التروس والالات الميكانيكية التى تعمل مع بعضها البعض وكل هذا فى ظروف معينة
بمعنى
ان هذه الالات لها مستوى من الجودة فى المادة الخام وجودة التركيب ومستوى من التكنولوجيا صممت بها فى زمن معين فما صنع فى الستينيات يختلف عما صنع فى عام 2000كما ان حجم الموتور يختلف وعدد اسطوانته يختلف وقوته الحصانية وتناسبها مع السيارة التى يجرها تختلف
كم انها لاتعمل دائما فى نفس الظروف

فهناك من يعمل منها فى جو حار او بارد او مناخ به رطوبة عالية او جو عاصف وترابى
وهناك من يعمل فى جو مزدحم فيتوقف كثيرا وتزداد حرارته باستمرار او طرق حرة وهناك من يستخدم المحرك بطريقة تجهده كالقيادة الشبابية مثلا او القيادة بسرعات عالية جدا فترات طويلة و الفرك

وهناك من يقوم برعاية هذا المحرك واجراء الصيانةالدورية له وهناك من يهمله تمام
كما ان انواع البنزبن والزيوت وجودتها تؤثر فى هذا ايضا

و ال عايز اقوله انه من الصعب ان نقول ان هناك عمر معين سواء بالمسافة او الزمن عنده يقول الموتور كده تمام عليا اناوصلت الى الحد الاقصى من عمرى الافتراضى وحاخد استماره 6 الان هذا عمليا ليس موجود فمتور السيارة الذى يعمل بالنزين ليس قطعة واحدة بل هو مجموعة اجزاء ما يتهالك فيها ممكن تغيره

لذلك نجد شركات السيارات تطلق فترة ضمان تتراواح بين 60.000 او 150.000 كيلو متر وعادة ما تربط بمدة تشغيل تقل عن 5سنوات وهى لاتقول للمشترين ان سيارتكم سوف تتوقف عن العمل بع ذلك ولكنها تقول انها ستخرج من رعايتانا لانها امضت فترة اثبتت فيها انها خالية من مشاكل التصنيع وهى الان تحت رعاية صحابها او المشترى


مثلا
1 الادا بتعمر الماتور كل 180 الي 200 الف كيلو
العربيات البيجو كل 300 الي 350 الف كيلو
العربيات الياباني منها كل 400 ال 500 الف كيلو
الالماني من 500 ال 600 الف كيلو

العمر ده تقريبي على اساس طبيعه القياده يعني الي بيغير على 6.5 الف ار بي ام مش زي الي بيغير على 2 او 3 اللاف ار بي ام

في دبي احتفلوا بتخطي التويوتا كامري حاجز ال 900 الف كيلو دون اجراء عمره للمحرك

و خد اللينك ده
http://www.nilemotors.net/Nile/6713-a.html

يا ماشاء الله
تسلم ايدك يا جميل علي الشرح الجميل ده والله .... مشاركة مميزة والله
وده اللي مستنيه منكم .... اللي ربي بقي خير من اللي اشتري ههههههههه
انا فهمت جزء تسقيط نقلة في الوتو ... وممن انسبها للمانويل
هههههههههههه ..... وحلوة يكون الrpm علي 5000 واسقط تقلة ...... ساعتها العربية اصلا هاتخدني من هدومي وترميني بره
وبالنسبة للأرقام ديه

مثلا
1 الادا بتعمر الماتور كل 180 الي 200 الف كيلو
العربيات البيجو كل 300 الي 350 الف كيلو
العربيات الياباني منها كل 400 ال 500 الف كيلو
الالماني من 500 ال 600 الف كيلو

يانهار ابيض ........ ارقام تحفة .. وبيشوي لسه قايلي علي المعلومة ديه ان الصني ممكن تقعد 400000 ماشاء الله قوة الا بالله
وماشاء الله بالنسبة للخليج ... هو الجو حر هناك
بس الطرق فاضية وتقدر تستمتع بالعربية و تحس بعربيبتك
والتويوتا ماشاء الله .......... عربية محترمة جدا
شاكر لمرورك ا/أحمد وجزاك الله خير علي التفصيل الجميل ده :))