عرض للطباعة
السلام عليكم
يا جماعه دي أول مشاركه ليه في المنتدى وأنا ناوي إن شاء الله
أشتري عربيه بس والله محتار بين الاسبرانزا 1600 والفيرنا 1600 واللانوس
يا ريت يا جماعه تفدوني في الموضوع ده
أنا يا جماعه عايز حاجه جامده وتستحمل ولو فيه انواع تانيه غير إللي أنا ذكرتهم تنصحوني بيها
لأني العربيه ممكن يركبها أكتر من واحد وكمان للعيله
اللانوس يا باشا اكتر عربية تستحمل .... انسى السبيرانزا خالص ...
انا من رأي المتواضع سيبك خالص من الاسبرانزا و خليك في الدايو او الفيرنا
الفيرنا 1600 او لانوس
و طالما هيركبها كتير يبقي لانوس
رأى الشخصى لانوس
أولا الصينى انا معترض عليها بكل أشكلها فى الوقت الحالى يعنى مش أبل 10 سنين على متفكر تشترى صينى يعتمد علية
والفيرنا عربية مش وحشة بس تقفيل غبور عامل زى البطيخة انت وحظك
خليك فى اللانوس أنعم وموتور أحسن وقطع غيرها موجوده بسهوله
فيرنا 1600 سى سى
ows212 - ASD peugeot - eng / AhmeD TAG_Turbo0 - fahd_628
أنا يا جماعه بشكركم جدا جدا جدااااااااااااا
على تفاعلكم وعلى ردكم عليه والله أنا حبيت المنتدى جدا جدا
وليه أستفسار ..... هل فيه أنواع غير الانوس أو الفرنا وفي سعرهم
أنا ميهمنيش السرعه يا جماعه أنا عايز عربيه تعيش ومصرفش عليها صيانه
وقطع غيار أنا عايز عربيه متتعبنيش لأني مليش خبره بالعربيات خالص بس
الظروف حكمت إننا لازم نجيب عربيه
بس بصراحه أنا مش حابب إني أجيب لانوس
معلش يا جماعه أستحملوني شويه
وأتمني مكنش عضو تقيل عليكم
lanooooooooos
طيب قولنا كده على مبلغ معين انت حطه فى بالك يعنى اقصى حاجه ليك ايه وعادى قول واحنا على اساس ده نقولك
وفى اللى حاجات اللى انت حاطهها طبعا الفيرنا مع احترامى لكل الاراء اللى فاتت
أرجوك بلاش : الاسبرانزا
الموضوع بتاع الاسبرانزا . قتل بحثاً .
انا من رأي المتواضع سيبك خالص من الاسبرانزا و خليك في الدايو او الفيرنا
لانوس احسن 100 مرة من اسبرانزا سيبك من الاوهام وانها في كماليات اكتر
modux
بردوا لانوس ماشي يا سيدي
mahamedaraby
يعني والله هو انا حاطط 60 ألف أو 65 ألف أقصى حاجه خالص
hfekry
والله أنا قبل ما أكتب الموضوع كنت ناوي على الإسبرانزا لكم دلوقتي
لو شفتها ماشيه في الشارع بودي وشي الناحيه التانيه
وشكرا ليكم ومستني ردكم
في نفس الرينج هاتلاقي السيينا الجديدة من اوماترا
وبتلعب في نفس السعر وتقفيل برازيلي تقريبا
وسيبك من الوكيل عربية حاجتها في كل حتة
Powertوالله عندك حق أنا كرهت الإسبرانزا أنا لو شفتها في الشارع هزقلها بالطوب هههههههههههههههkarim_monir السيينا دي فيات صح ولا إيه يا ريت لو تحطلنا صورتها ومواصفتها وسعرها بالظبط وربنا يخليك لنا يا بو الكرم
بس يا كريم السينا قطع غيارها غالية حتى لو
موجودة بره والراجل بيدور على قطع غيار حنينة
ولانوس وفيرنا قطع غيارهم حلوين مش غاليين أوي
إيه يا جماعه الحل إيه
إيه يا عم كريم
أفيدوني أفادكم الله
=====================
اللون الاحمر مخصص فقط للاداره
يرجي الالتزام بقواعد المنتدي
مشــرف القسم
اقتباس:
المشاركة الأصلية كتبت بواسطة ragy
انت علمت مخالفة بكتابتك بلون الاحمر لانه مخصص لادارة .
دول احسن حاجة اختار 1 او 2 بس:
مالكش دعوة ب 3 :D:D:D
1- لانوس
2- فيرنا 1600
3- انسى كلمة اسبرانزا
اختيارتك محصورة بين ثلاث عربيات
فيرنا
لانوس وسيينا
التلاتة حلوين اسوءهم في اعادة البيع سيينا
تفضيلي الاولي لانوس والتانية فيرنا لكترة مشاكلها والتالتة سيينا
ولو فلوسك كاش
حطها في حتة لانسر 2002 او 2003
او صني نفس السنة او كرولا عيون 98 او 99
بجد عربيات زي الفل وقيمتهم فيهم وتستحمل الشقى
أولا أنا أول مره أعرف موضوع الأحمر ده فكرني أيام ما كنت في المدرسه
بس والله ميزه حلوه علشان الناس تتعود وتاخد بالها
تصدقاقتباس:
انت علمت مخالفة بكتابتك بلون الاحمر لانه مخصص لادارة .
دول احسن حاجة اختار 1 او 2 بس:
مالكش دعوة ب 3 :D:D:D
1- لانوس
2- فيرنا 1600
3- انسى كلمة اسبرانزا
أخترت تلاته لقيته رجعني ل 1 و 2 :p
طب لو جبت العربيه لونها أحمر
فيها حاجه ولا عادي :rolleyes:
اقتباس:
اختيارتك محصورة بين ثلاث عربياتفيرنالانوس وسييناالتلاتة حلوين اسوءهم في اعادة البيع سييناتفضيلي الاولي لانوس والتانية فيرنا لكترة مشاكلها والتالتة سييناولو فلوسك كاشحطها في حتة لانسر 2002 او 2003او صني نفس السنة او كرولا عيون 98 او 99بجد عربيات زي الفل وقيمتهم فيهم وتستحمل الشقى
كنت عايز أستفسر بس لانسر 2002 او 2003
او صني نفس السنة او كرولا عيون 98 او 99
العربيات دي زيرو ولا مستعمل
ولو زيرو ألاقيها فين
مفيش طبعا زيرو الموديلات دي
دول مستعمل بس تدور على استعمال نضيف وخليك في المعارض انضف من السوق
حذاري حذاري من الإسبرانزا صاحبي عندهم إسبرانزا بيقولي سواقتها غبية جدا وتحس وإنت ماشي إن العربية مفككة من بعضها وبتسخن مع تشغييل التكييف وهو ساق الفيرنا بيقولي برقبتها في السحب والتكييف والعفشة وكله
وطبعا اللانوس راحت عليها خالص خليك في الفيرنا وسدأني مش حتندم
طيب byd f3 اخبارها ايه هى برضوة ولة اجيب اللانوس اللى مش موجودة فى السوق الايام دى من كثرة الطلب عليها و قلة المنتج منها لحساب الاسبرنزاانا احترت زى الاخ صاحب الموضوع والله
هههههههههههههه يا جماعه انتو كلكو عمالين تقولو بلاش سبيرانزا
انا متأكد مفيش واحد فيكو ساقها مده طويله عشان يتكلم اصلا ويقول اسبيرانزا لأ
بلاش كلام في الهوا الله يكرمكو ده في 20 الف سبيرانزا في الطرق المصريه ، يعني علي الاقل 20 الف روح مسلمه نفسها وروحها للأسبيرانزا .. بعد ربنا طبعا
اقتباس:
المشاركة الأصلية كتبت بواسطة MaM
حبيت اقولك ان في اعضاء كتيير كانت معاهم العربية وكاتبوا تعليقاتهم عليها ادخل شوف منتدى اسبرانزا وشكاوي الناس من كل شوية حاجة جديدة تطلع بايظة
وكمان لو تحب تتاكد ادخل على موقع اسبرانزا كلوب وانت هتلاقي ان مافيش حد معندوش مشكلة واللي عنده بيتهرب منها
ابعد عن الصينى خالص خالص....فى واحد جارى جاب واحده صينى اوتوماتيك ويوم ما اشتراها الفتييس باظ والعربيه مرميه فى التوكيل...
الفيرنا حلوه وسحبها حلو وبتجرى انا معايا 1500 بس المشكله التوكيل مش محترم ...ممكن تطلع معاك عربيه نضيفه جدا و ممكن تكون كلها مشاكل...على رأى بعض الاعضاء عامله زى البطيخه...
اللانوس يعنى مش بحبها اوى
بالترتيب
لاتوس
فيرنا
ابعد الاسبرانزا خــــــــالص
وبلاش فيرنا فى الوقت الحالى مش فيرنا بس اى سيارة من غبور
لان التوكيل زى الزفت وفى شكاوى كتير منه يوميا
خليك فى اللانوس ولو لقيت حاجة تانية فى نفس الرينج ده اشتريها
نصيحة
لو عايز عربية تعيش وتستحمل بجد يبقا اشترى لانوس
الأخوة اللي بيتكلموا عن الاسبيرانوا وكأنها من المسلمات إنها مرفوضة هل حد فيكم اشتراها فعلا ومن ثم باعها
بفضل الله أنا اشتريتها من يناير عملت 10 آلاف والآن باسافر يوميا ولسة أمبارح منلا من طنطا إلى 6 اكتوبر للعاشر من رمضان ل 6 اكتوبر للمهندسين ثم إلى طنطا
وكويسة وبفضل الله عندي أسرة
ثم أنا مريت على عدد لا بأس به من الماركات والموديلات عشان ما حدش يقول أول فرحتي
:)
فيات 132 و 128 و لادا ولادا ستيشن ومازدا 323 وبيجو 505 أوتوماتيك ونوبيرا وآخر حاجة الاسبيرانزا العربية كويسة ولازم نشجع صناعة بعيد عن الفلك الأمريكي شوية يمكن الحال يتعدل
فالمقارنة الصحيحة تكون مزايا وعيوب
فلاتميلوا كل الميل
اقتباس:
المشاركة الأصلية كتبت بواسطة mrshm
الله ينور علي حضرتك وانا زيك بالظبط برضو ماشي 10.000 كيلو ومفيش مشاكل وبستغرب من كل واحد يسمع من هنا كلمه ومنا هنا كلمه ويجي يقولك ابعد عن اسبيرانزا !! احنا شعب بنحب الفتـــــوى بغير علم
انا احترت يا جماعة معا اعضاء المنتدى بجد
انا قلبت في الاقسام تقريبا مفيش عربية بيشكرو فيها
الاسبرانزا فعلا الناس مقطعاها ... لكن صدقوني عشان هيا صيني بس مش عشان هيا وحشة
انا فيه واحد صاحبي جايب ياريس 2008 .. ومطلعه عنيه ومشاكلها بالكوم .. رغم انها ياباني
و واحد تاني جايب اوبل كورسا نفس النظام رغم انها الماني
وكمان انا عندي نقطه بخصوص انهم بيبصو على الظروف الاقتصاديه ... ويعملو حاجه على الاد
انا شغال في شركة امريكية وبتتبعتلنا اجهزة لابتوب من نوع dell وايه جايه من امريكا وصناعتها صيني وربنا ...وسعرها بيبقى ارخص من الامريكي... معا انه فرع الشركة في الصين مش تقليد
الصين اشتهرت بالصناعات المضروبة ... بس مش دايما ... مدير الشركة عندنا كان لابس مرة جاكيت والله تحفة وجايبه من امريكا وكانت صناعته صيني
العربية زي ما البعض قال لسه متكشفتش لانها لسه مش بقالها كتير في السوق
لكن اعتقد ان العيوب اللي بتظهر اغللبها عيوب ثانوية مش عيوب اساسية في العربية ... انا معايا كورولا 98 عيون ياباني بتاعت بلادها .. ماشاء الله فضلت 10 سنين شغاله من غير متفتح بقها.
حاجه كمان العربية بالمحافظه عليها مهما كانت ... يعني لو واحد بيهرس في العربية والله لو هامر حتى هيجلها يوم وهتبوظ
وكمان مش معنى ان الصين رخيصه يبقى سيئه لان الكل عارف ان العماله في الصين رخيصه جدا وارخص من العماله المصريه كمان ...
وفيه شركات عملاقة في كافة المجالات بيبقى ليها مصانع في الصين عشان السبب ده ...مش المكونات والخامات بس اللي بترخص تمن العربية ...فيه حاجة بردو اسمها تكلفة العمالة.
انتا لو عندك مطعم طعمية والطعمجي بياخد 1000 جنيه في الشهر هتلاقي السندويتش اللي متكلف رغيف بلدي وفرصين طعمية ممكن يبقى ب 5 ولو انتا بتديلو في الشهر 150 جنية في الشهر هتلاقي السندويتش بقى بربع جنيه وفيه نفس المكونات.
فا اسبرانزا مش نقطع فيها عشان صيني ... نبص للعربية من حيث الاداء وخلافه ... ولو فيها مشاكل دي تبقى حظوظ لان اغلب العربيات بتبقى كده.
آدى الكلام المعقول , كلام صح 100 %اقتباس:
المشاركة الأصلية كتبت بواسطة ahmed_bq
كلام حضرتك مضبوط . بس ازاي تحكم علي الاسبرانزا انها بتستحمل و بتعيش و مش بتعمل مشاكل في المستقبل القريب.اقتباس:
المشاركة الأصلية كتبت بواسطة ahmed_bq
في قاعدة سمعتها قبل كدة و هي انك صعب تحكم علي نوع سيارة جديد قبل ما يمر علي الأقل 5 سنين علي استخدامه (كفترة اختبار) علشان تقيس هو فعلا بيعيش ولا لأ. و لو اشتريت نوع قبل مرور 5 سنين علي الأقل علي استخدامه , يبقي دي مغامرة و انت و حظك.
طبعا القاعدة دي مش انا اللي قايلها ,بس انا حاسس انها منطقية جدا بصراحة. و علي سبيل المثال , اللانوس أخدت السمعة الطيبة الموجودة الان بعد كذا سنة استخدام في شوارع مصر, و مقارنتها بمثيلاتها في ذلك الوقت من هيونداي و هي الاكسنت التي لم تقدر علي المقاومة لفترة طويلة و في نفس الظروف.
الخلاصة اني لا انصحك بأي عربية صيني مش علشان هي صيني و لا علشان أنا سوقتها و معجبتنييش, و لكن علشان لسه العربية في مرحلة الاختبار و مفيش حد يقدر يقول ممكن تعيش معاك قد ايه.
بالنسبة للاختيارات المطروحة في فئة ال 60-65 ألف جنيه , أعتقد اللانوس في الزيرو هي الأنسب من وجهة نظري.
و بالنسبة للمستعمل ممكن فعلا زي الأخوة ما قالوا لانسر أو كورولا و ممكن تشوف النوبيرا كسر زيرو.
بالتوفيق.
هات لانوس علي الاقل مشاكلها اتعرفت و ميكانيكية مصر كلها دايسينها
كلامك مظبوط 100% ودا فعلا اللي انا بقصدو ... ان احنا منحكمش عليها دلوقتي ...لكن اللي بشوفو ان الناس حكو خلاص بوحاشت العربية دي ... العربية دي انا ركبتها وعجباني جدا بغض النظر عن انها صينياقتباس:
المشاركة الأصلية كتبت بواسطة Ahmad
لكن زي محضرتك قولت اعتقد انها لسه بتمر تحت الاختبار واللي بسمعه ان ظهر فيها عيوب تصنيع في موديلاتها الاولانيه واتعالجت في الموديلات الجديده وده نفسه اللي كان بيحصل معا اللانوس والنوبيرا لحد متظبطو على الاخر وبقت العربية الشعبية في مصر
اعتقد ان وكيا سبيرانزا وهوا ابو الفتوح اللي هوا بردو وكيل دايو ... من التوكيلات المحترمة جدا جدا ... وهوا اكيد هيرقي الاسبيرانزا عشان تحتل نفس المكانة زي اللانوس .. وخصوصا انها في نفس الفئة السعرية ..والله اعلم
لانوس كاملة فول اوبشن
نصيحة لوجة الله اشتري الاسبيرانزا وتوكل سيبك من اللي يقللك استني 5 سنين وعشرة عبال الصين متكون اسبتت نفسها الله اعلم يمكن الصين تسيب العربيات وتشتري عربيات صناعة سوداني اولا العربية ممتازة في الصاج الماتور جيد جدا العيب في التوكيل هذا حقيقي الماتور باظ ان شاء الله هينزل الاستيراد سقط غيرة وارمي القديم العربية هتعيش مش 5سنين لاء 10 العربية تحتي معرض تاجير سيارات العربية عاملة معاة75 الف كيلو وبياجر لانسر وافيو واوبترا وتعال اسمع صوت المكن بتاع العربيات عندة وانت هتصدق انها عربية جيدة الناس مش عاوزة تقتنع انها كويسة سبحان الله
el lanoos bekam delw2ty fee el tawkeeel w el ma3ared bezabt ya gama3a
plz rodo 3ala tool 3alashan isa 7ashtery kaman 2 days
+10000000000اقتباس:
المشاركة الأصلية كتبت بواسطة ASD peugeot