الموضوع: شئ فى الطريق اشعره ولا اعلمه - فيه حاجه هتحصل وربنا يستر

المشاركة الأصلية كتبت بواسطة heshamzaky

مقدرش أقولك رأى الشرع بس حا اقولك تفتكر شاب كان أسمة ((( أدهم صهيب ))) دة والدة كان مستشار تقريبا مش متذكر بالظبط دخل على بوابة الحرس الجمهورى و كان معاة طبنجة و ضرب عشوائى و اصاب اثنين من العساكر افراد الحرس بس أصاباتهم كانت بسيطة يعنى طلقة فى قدم واحد و كدة الولد أنضرب علية نار و تم تصفيتة فورا و كان راكب عربية اعتقد فيات 131 بقت عبارة عن مصفاة تقريبا فى خلال ثوانى معدودة .

ايوا اصل ال131 ده ورق اصلا

لا ما هو انا مش هبقى فى الصف الاولانى ..... انا بحب اقف فى الطابور

بس انا فعلا متشائم من يوم الجمعة اللى جاى ده ... وحاسس انه ممكن يحصل ضرب نار تانى لان الحكومة زهقت والشعب زهق فلازم هيخبطوا فى بعض تانى .... فانا بسال مثلا لاقدر الله لو الواحد اتضرب عليه نار وهو مثلا فى اتجاه لمبنى ماسبيرو ... حكم الشرع فى الموضوع ده ايه

اصلى سمعت شيخ كده بيقولك المفروض نصبر ونفوض امرنا لله ومينفعش نقف فى وش الحاكم والكلام ده ... بس الكلام ده مدخلش دماغى ......

المشاركة الأصلية كتبت بواسطة Mr_7oda

متفق معاك .... قعدناله فى التحرير فوق 15 يوم وبرضه لسة معندوش دم ولا حتى عاوز يحل مجلس الشعب

انا حاسس ان الجمعة اللى جاية هتبقى فيها ضرب نار ..... انا بس عاوز اسال عن حاجة تهمنى لانى رايح بكرة بإذن الله

هو لا قدر الله لو اتضرب نار على الواحد مثلا وهو رايح القصر الجمهورى او مبنى التلفزيون .... بيبقى حكم الشرع فى الموضوع ده ايه ..... مع الاعتبار ان ربنا وحده اللى يعلم ان النية هى تخليص مصر من الناس الزبالة ده وضمان مستقبل احسن للاجيال اللى جاية

ياريت اعرف الموضوع ده ضرورى

فعن أبى أمامة قال :-أتى رجل رسول الله(صلى الله عليه وسلم )وهو يرمى الجمرة ,فقال يا رسول الله أى الجهاد أحب إلى الله ؟فسكت عنه حتى إذا رمى الثانية عرض له ,فقال:يا رسول الله,اى الجهاد أحب إلى الله؟قال :فسكت عنه ,ثم مضى رسول الله (صلى الله عليه وسلم )حتى إذا اعترض الجمرة الثالثة عرض له ,فقال :يا رسول الله ,اى الجهاداحب إلى الله ؟قال )) كلمة حق تقال لإمام جائر)) وأيضا عن رسول الله (صلى الله عليه وسلم )
(سيد الشهداء حمزة بن عبد المطلب ,ورجل قام إلى سلطان جائر فأمره ونهاه فقتله )
وكلمة الحق التي ينبغي أن تقال عند سلطان جائر أو لسلطان جائر هي صورة من صور الأمر بالمعروف والنهى عن المنكر الذي به تتحقق خيرية الأمة.
وهذا الأمر بالنسبة للفرد, فكيف إذا كان القائل هو الشعب كله أو طائفة منه أو بعضه ؟
وهذا ما نقصده بالمظاهرات في العصر الحديث.
حيث إن المظاهرات في العصر الحديث تعتبر هي كلمة الحق عند السلطان الجائر أو للسلطان الجائر ،
وهى تعبير عن عدم الرضا والقبول لممارسات النظام الحاكم، وأسلوب حكمهن وعلاقته بمن يحكمهم ،
ولا يخفى على أحد تأثير المظاهرات وخطورتها في العصر الحديث، وكيف أنها أزالت أنظمة مستبدة ،
وأقلقت أخرى وأحرجتها، وجعلت البعض يتراجع عن سياسته الظالمة، واستبداده وفساده .

خلي بالك ان دا اعظم الجهاد عند الله .. وفي الايام دي بيظهر الصالح من الطالح وبيظهر مين ال الحكومة كانت مطلعاة علينا ومين كان بيخاف الله... في شيخ مش فاكر اسمة كان طالع بيقول دول مش شهداء "اعوذ بالله" مع ان الرسول صلي الله علية وسلم وصفهم بأعظم الشهداء في معنى حديثة.. ودي من المكاسب المهمة جدا للثورة كشفتلنا اوراق كتير جدا وورقة التوت وقعت وهتقع ان شاء الله من علي ناس كتير.

روح ومتخفش الدفاع عن كلمة الحق عند الله كبير جدا جدا ..بس دا ميمنعش انك تحرص علي نفسك لو كان في قلبك بعض الخوف علشان متنقلهوش للحوليك

المشاركة الأصلية كتبت بواسطة mahmoudselim

فعن أبى أمامة قال :-أتى رجل رسول الله(صلى الله عليه وسلم )وهو يرمى الجمرة ,فقال يا رسول الله أى الجهاد أحب إلى الله ؟فسكت عنه حتى إذا رمى الثانية عرض له ,فقال:يا رسول الله,اى الجهاد أحب إلى الله؟قال :فسكت عنه ,ثم مضى رسول الله (صلى الله عليه وسلم )حتى إذا اعترض الجمرة الثالثة عرض له ,فقال :يا رسول الله ,اى الجهاداحب إلى الله ؟قال )) كلمة حق تقال لإمام جائر)) وأيضا عن رسول الله (صلى الله عليه وسلم )
(سيد الشهداء حمزة بن عبد المطلب ,ورجل قام إلى سلطان جائر فأمره ونهاه فقتله )
وكلمة الحق التي ينبغي أن تقال عند سلطان جائر أو لسلطان جائر هي صورة من صور الأمر بالمعروف والنهى عن المنكر الذي به تتحقق خيرية الأمة.
وهذا الأمر بالنسبة للفرد, فكيف إذا كان القائل هو الشعب كله أو طائفة منه أو بعضه ؟
وهذا ما نقصده بالمظاهرات في العصر الحديث.
حيث إن المظاهرات في العصر الحديث تعتبر هي كلمة الحق عند السلطان الجائر أو للسلطان الجائر ،
وهى تعبير عن عدم الرضا والقبول لممارسات النظام الحاكم، وأسلوب حكمهن وعلاقته بمن يحكمهم ،
ولا يخفى على أحد تأثير المظاهرات وخطورتها في العصر الحديث، وكيف أنها أزالت أنظمة مستبدة ،
وأقلقت أخرى وأحرجتها، وجعلت البعض يتراجع عن سياسته الظالمة، واستبداده وفساده .

روح يا شيخ الله يطمنك

المشاركة الأصلية كتبت بواسطة heshamzaky

يا باشا محدش حا يضرب نار و لا حاجة و لو كان فية مشاكل فى تخيلى الشخصى حا يتم أعطاء مهلة كافية للناس علشان تمشى بس لو سمعت كلمة أن فية عصيان مدنى أرحل فورا من المكان . و أبقى أحتفظ معاك برباط ضاغط أحتياطيا فى جيبك و أن شاء الله الامور تمشى كويس و ربنا يحفظنا جميعا

ممكن انا بكون ببالغ شوية ..... بس مش عارف انا كل اللى اعرفهم ونازلين بكرة معندهمش مانع من الذهاب لماسبيرو ... وخايف بصراحة اتهور واعملها

المشاركة الأصلية كتبت بواسطة a.saad

وانتم عاملين حساب لحاجة ليه
اللى عنده قضية ومبدأ ممكن يموت من اجله

أكييد .... بس طبعا لازم راى الدين ... الواحد ميدفعش حياته تمن لقضيه الدين يكون رأية مخالف فيها لرأيك