قل لن يصيبنا إلا ما كتب الله لنا
لا مجال للخوف
الأيادي المرتعشة لا تقوى على البناء - عبد الناصر
قل لن يصيبنا إلا ما كتب الله لنا
لا مجال للخوف
الأيادي المرتعشة لا تقوى على البناء - عبد الناصر
طيب
اسال على احكام الشهادة فى الاسلام
وهتلاقى فيه احاديث شوف صحتها لان فيه حديث مشهور فى اغلب المواضيع اللى بتتكلم عن الشهادة فى مواجهة الحاكم وبعدين طلع حديث ضعيف
كمان تشوف المواضيع اللى بتتكلم عن الفتنة واقتتال المسلمين بينهم البعض
وبعد كل ده غالبا هتغير رايك ومش هتنزل او تنزل لحد قبل الضرب لانك هتلاقى مواضيع فيها غير اللى انت فاكره يعنى اللى قريته اعتبر ان ده مش استشهاد
هيكرروا نفس الغلطة تانى؟؟؟؟
المرة دى فى دم كتير لو الكلام ده حصل ... و مباقاش حد يخاف ...
مظنش دى الخطة دول هيحتاجوا 2 مليون ....
و لو حصل كده و الشعب ثار ... سقطت الحكومة فعلا لأن وقتها هتقلب بمعارك ..
و الجيش مظنش هيصمد كتير ... و هيتحد مع الشعب ..
لأن التاريخ بيقول إن الثورات إللى حاولوا يقمعوها بالجيش ... إتحد الجيش و الشعب
تونس ... قيرغيزيا ... رومانيا .. روما قديما ..... ..
يبدو أن التاريخ سيعيد نفسه
دى قصة سمعتها أيام حرب أكتوبر ...
لما كان الجنود بيحاربوا بروح إنتحارية .. أو إستشهادية ...
كان الضباط بيقولوهم .. حافظوا على حياتكم ... من أجل خسائر أكبر للعدو ... و من بدل متقتل واحد و تموت .. تقتل 10 و إنت لسه عايش و تسترد الأرض و إنت عايش ...
يعنى النصر ... يعنى إن الإبقاء على حياتنا واجب ... فلو حصلت مواجهة بينا و بين النظام ... نحاول بأقصى ما بوسعنا .. مع الإهتمام بالمحافظة على حياتنا ...
فهمت النظرية ؟؟ :36_2_33:
انا خايف على عدد الموتى او النفق المظلم لو تم القاء عصا موسى
ده اللى انا بتكلم فيه .... انا ميهمنيش اى قضية طول ما الدين بيقول رأى اخر غير رأيى .... والله الواحد مبقاش عارف الصح فين من الغلط ..... عموما هو استنادا لمقولة (أستفتى قلبك) ..... ربنا يسترها مع الواحد طول ما الواحد نيته سليمة
طب قوللى ايه الحل والنظام معندوش دم وعاوز يغير على مزاجه وبيجدد الحرس القديم وبيجهزه علشان يمسك مقاليد الحكم ويدينا شوية حرية سرعان ماهترجع وتزول تانى طول ما الناس ده لسة موجودة ؟
هو مش ده مبارك الل كان بيقول لصدام طول ما الشعب مش عاوزك انسا ؟؟
يا جماعة معلش اسمحولى بالرغم انى مع الثورة قلبا وقالبا لكن دلوقت بدأت ناس تفتى وتتحدث فى الدين بغير حق
كلمة حق عند سلطان جائر ليست هى الوضع الحالى لثورة الشباب على الاطلاق وانما ما يحدث الان هو خروج على الحاكم هذا ان كنتم تتحدثون عن الوضع الحالى على اسس شرعية لانه كلمة الحق تقال بشكل فردى ولا تتضمن محاولة خلع الحاكم وانما مواجهته باخطاءه ومخالفته لاحكام الشريعة بالكلام فقط والنصح بالعودة الى الحق وقد كان يحدث ذلك قديما من اهل العلم بحضرة الملوك ولم يدع اى منهم لخع البيعة واستبداله باخر ولنا فى قصة الامام احمد ابن حنبل فى فتنة خلق القران عبرة وفى قصة سعيد ابن المسيب مع الحجاج عبرة اخرى
والجهاد الذى تدعون اليه الان ليس الجهاد الشرعى المقصود لانه يكون بين اهل الكفر واهل الايمان اما لدفع ضر او لنشر دين الله اذا حاول الكفار الوقوف امام الدعوة
طيب دلوقتى اذا عايزين تستحضروا نية شرعية علشان لو حد مات يبقى مات على نية مشروعة تستحق ان يكون من الشهداء يبقى ده يستلزم انه الثورة دى تكون ثورة اسلامية لاقامة شرع الله فى الارض
والوضع الحالى على خلاف ذلك تماما لانها ثورة وطنية او عصيان مدنى ان صح التعبير ضد الظلم والطغيان زى اللى حصل فى رومانيا وغيرها من دول اوروبا الشرقية لتغيير نظام الطواغيت والدعوة الى الديموقراطية
والثورة تضم كل اطياف الشعب الصالح والطالح والمسلم والمسيحى
ولو اعلن اى احد فى هذه الثورة انها اسلامية هيلاقى قنبلة ذرية فى ميدان التحرير لا تبقى ولا تذر
يبقى الوضع الحالى هو مازق شديد جدا انا نفسى لا اجد عليه اجابة ؟
ما هو مصير هؤلاء الذين ماتوا او الذين سيموتون مستقبلا لا قدر الله فى هذه الظروف؟ الله اعلم
انا درست شريعة اسلامية فى فترة من فترات حياتى بالرغم انى طبيب واحدثكم فى حدود ما اعلم
لكن ينبغى ان يتحدث العلماء فى هذه المسألة حقيقة لازالة اللبس الحالى وتوضيح الامور
انا والله ماسك نفسى بالعافية انى اتكلم فى الموضوع ده واللى شجعنى موضوع السيرك اللى الاخ منير شافه فى التحرير
تقبلوا تحياتى